Zakareya 3:7 - EBƆRƐ BE KAWƆL

⁷ Enyɛnpetale Ebɔrɛ na yɛ: “Nɛ fo baa wora ma mbraana kasonu nsaa shuŋ ashuŋ nɛ meeŋ baa sa fo bre, meeŋ shin nɛ fo baa keni ma bɔrɛlambu na nɛ kumo be kelɔnɛ so. Ma alɛ beeŋ baa nu fo kabɔrɛkule fanɛ kananɛ mee nu emalaika nɛ b wɔ ŋ kutɔ ere be kabɔrɛkule na.”

Zakareya 3:7 ပူးပေါင်းရင်းမြစ်များ

Jɛnesis 26:5

Meeŋ wora ade kikɛ nna ŋkpal Eebraham ka wora ma kasonu m bɛ ma mbra kikɛ so nɛ ma nɛ mo be ŋkre kikɛ so nɛ nnɔ naseso nɛ an nase n sa abar na kikɛ so so.”

1 Bewura 2:3

n wora kusɔ kama nɛ Enyɛnpe Ebɔrɛ kaŋɛ fanɛ fo wora na, nsaa bɛ mbe keŋini nɛ mbra kama nɛ an nananyɛn Mosis sibɛ n nase na so, saŋɛ na so, kusɔ kama nɛ fee wora nɛ kaplɛkama nɛ fo yɔ, asheŋ beeŋ nyalɛ n sa fo.

1 Bewura 3:14

Nɛ fo baa nu a sa ma nsaa bɛ ma mbra so fanɛ kananɛ fo tuto ewura Deevid daa bɛ ma so na bre, ma alɛ beeŋ teŋi fo ŋkpa so.”

1 Kronikɛls 23:32

Saŋko bumo e daa keni Enyɛnpe Ebɔrɛ be wajɛbu na so, ama naniere bre bumo e naa keni bɔrɛlambu na so nsaa chɛ Ɛɛrɔn be kanaŋ nɛ b shi kebɔrɛmata be kanaŋ na to na to a shuŋ Ebɔrɛ be bɔrɛlambu na to.

Aizaaya 62:9

Ama fo nɛ fo dɔ ayu na n teŋi na e naaŋ ji amo nseŋ di Enyɛnpe Ebɔrɛ epaŋ ŋkpal amo so. Fo nɛ fo keni ndibi sɔrso na so nseŋ chuge amo be asɔrso na, e naaŋ nu amo be yabra ashi ma bɔrɛlambu be kelɔnɛ so.”

Ezikɛl 44:8

Bumo gbagba ka beeŋ baa wora asɔ nɛ a daga a laŋɛ esarga cheembi na kaplɛa so ashi bɔrɛlambu na to so na, befɔ nɛ b ta loŋ be kushuŋ nna n sa.

Ezikɛl 48:11

Kakpa cheembi ere beeŋ baa la bɔrɛmatapoana nɛ b shi Zadɔk be kabuna na peya nna. Ŋkpal manɛ so, bumo e ta kashenteŋji a shuŋ ma nsaa maŋ tu Livaiebi nɛ Israɛl be basa nɛ b ka na a wora alubi.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Levitikɔs 8:35

A daga men baa wɔ wajɛbu na be kabuna to kapa nɛ kanyɛ kikɛ nsaa wora kusɔ nɛ Enyɛnpe Ebɔrɛ na yili na n ya fo nchɛ ashunu na. Nɛ men maŋ wora loŋ menyeeŋ wu.”

Zakareya 3:6

Nɛ malaika na leŋ Joshuwa to ŋ kaŋɛ le:

Zakareya 4:14

Ndoŋ nna nɛ e kaŋɛ: “A yili nna n sa basa anyɔ na nɛ Enyɛnpe Ebɔrɛ na shin nɛ b duga ŋku n do bumo be amu so nseŋ lara bumo n yili fanɛ b baa shuŋ mo ere Ebɔrɛ nɛ e la durnya kikɛ be Enyɛnpe na.”

Zakareya 6:15

Basa beeŋ shi efuli wɔfɔ so m ba chɛ to n lɔŋɛ Enyɛnpe Ebɔrɛ na be bɔrɛlambu na m pɔr. B kaŋ lɔŋɛ kumo m pɔr n loge na nɛ feeŋ pin fanɛ Enyɛnpetale Ebɔrɛ na e shuŋi ma. Fo baa wora Enyɛnpe fo Ebɔrɛ na be mbraana kikɛ kasonu, ade kikɛ beeŋ wora m bɔlɔ so ashi fo kebaawɔtɔ to.

Zakareya 6:5

Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Baru lela nɛ Jɔn kute na 14:2

Ebu damtaana wɔ n Tuto na pe, nɛ mannɛ aloŋ e daa la, n daŋ kaŋɛ menyi. Ma alɛ bee yɔ ndoŋ nna na nɛ n ya kaa lɔŋɛ kaboŋ a yili menyi.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.