Zakareya 3:4 - EBƆRƐ BE KAWƆL

⁴ Ndoŋ nna nɛ malaika na kaŋɛ basa nɛ b daa yil ndoŋ na le: “Men lara kanyɛn ere be asɔ biriso nɛ e buu ere.” Kumo be kaman nɛ e kaŋɛ Joshuwa malɛ le: “N lara fo alubi ashi fo so, ma alɛ beeŋ naŋ sa fo asɔbuuso popɔr nɛ fo buu.”

Zakareya 3:4 ပူးပေါင်းရင်းမြစ်များ

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

Nshɛ 51:9

Kplaŋ ma alubi so nseŋ da m buu ma kewora n da so so.

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 52:33

E daŋ sa ewura Jehowachin ekpa nna nɛ e maŋ naa buu kabuti to be asɔbuuso nsaa buu amo nɛ e bee sha. Mo alɛ nɛ Babilɔn be ewura daa chena mbe ejikpa nna a ji karechɛ kikɛ.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 42:14

Bɔrɛmatapoana na baa sha kelar bɔrɛlambu na to n yɔ kowushina be kelɔnɛ na so, a daga fanɛ b bɔla ebuana na ere to n lara bumo be asɔbuuso nɛ b buu n yɔ Enyɛnpe Ebɔrɛ na be anishito na n nase ndoŋ pɔɛŋ nseŋ ta asɔbuuso pɔtɛ m buu n lar.”

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Maika 7:19

Fo e naa wu anyi kuwɔr fanɛ kananɛ fo daa wora na. Fee chichi anyi be alubi so nna a ta amo a lɛ teku be kechimbi to.

Zakareya 3:1

Nɛ n naŋ ku bɔrɛdare n wu bɔrɛmatapo nimuso Joshuwa nɛ e yil Enyɛnpe Ebɔrɛ na be malaika kutɔ nɛ Setani malɛ yil Joshuwa be jisoso m mata mo e shin nɛ e ku asheŋ n deŋi mo.

Zakareya 3:7

Enyɛnpetale Ebɔrɛ na yɛ: “Nɛ fo baa wora ma mbraana kasonu nsaa shuŋ ashuŋ nɛ meeŋ baa sa fo bre, meeŋ shin nɛ fo baa keni ma bɔrɛlambu na nɛ kumo be kelɔnɛ so. Ma alɛ beeŋ baa nu fo kabɔrɛkule fanɛ kananɛ mee nu emalaika nɛ b wɔ ŋ kutɔ ere be kabɔrɛkule na.”

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Matiu 22:11

Ama ewura na ka luri m ba nɛ e ba wu befɔ na, nɛ e wu kanyɛn ko ndoŋ nɛ e tase a maŋ buu kejafɔ to be asɔbuuso.

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.

Hibruwebi 8:12

Meeŋ ta bumo be alubisheŋ m paŋ bumo ŋkaa maaŋ naŋ nyiŋi bumo be alubi na kikɛ.”

Kelaraŋŋini 5:11

Kumo be kaman nɛ n naŋ keni nseŋ nu emalaika damtaana nɛ ŋgboŋ to be ŋgboŋ kudu be ebɔlana. B daŋ kulti kuwurputi na nna nɛ asɔbɔya keniso ana nɛ bejuŋkparpo na

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.