Zakareya 3:2 - EBƆRƐ BE KAWƆL

² Ndoŋ nna nɛ Enyɛnpe Ebɔrɛ be malaika na kaŋɛ Setani le: “Enyɛnpe Ebɔrɛ na e fiɛ fo so, Setani! Enyɛnpe Ebɔrɛ nɛ mbe kasha wɔ Jerusalɛm so na e fiɛ fo so. Kanyɛn ere du fanɛ kadɛdibi nɛ b pee edɛ to nna.”

Zakareya 3:2 ပူးပေါင်းရင်းမြစ်များ

2 Kronikɛls 6:5

yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma ndoŋ, ma alɛ maŋ lara esa kama fanɛ e baa juŋkpar ma basa Israɛlebi.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Nshɛ 109:31

Ŋkpal manɛ so, fo e naa chɛ bekama nɛ asheŋ tir na to, nsaa mɔlga bumo ashi basa nɛ baa wu bumo kulubi na be enɔ to.

Aizaaya 7:4

Men kaŋ wu mo nɛ fo kaŋɛ mo fanɛ e shin nɛ mbe kagbene e dese mo. E saa maa ŋana ewura Rezin nɛ ewura Pɛka. B nya agbo ga bre, ama bumo alɛ baa du fanɛ ndibi anyɔ ka kɔ edɛ nsaa dese a duŋ gbrɛgbrɛbi nna.

Danɛl 12:1

Nɛ Malaika nɛ e buu epiŋi fuful na kaŋɛ le: “Loŋ be saŋɛ na, Maikel nɛ e la emalaika to be enimu nsaa keni fo basa so na beeŋ lar m ba, nɛ etɔrɔ be yiri nɛ a maŋ naŋ ba saŋɛ so nɛ durnya fara kikɛ na e ba. Kumo be jemanɛ kaŋ fo, menyi be efuli so be basa kama nɛ b sibɛ bumo be atre n wɔtɔ Ebɔrɛ be kawɔl na to na beeŋ nya kumɔlga.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Zakareya 1:17

Kumo be kaman nɛ Malaika na naŋ kaŋɛ ma fanɛ Enyɛnpetale Ebɔrɛ na yɛ: “Ma ndegboŋana na beeŋ naŋ dii dama. Ma alɛ beeŋ naŋ chɛ Jerusalɛm to nseŋ naŋ sɔ kumo ŋ ki ŋ gbagba be kadegboŋ.”

Zakareya 2:12

Juda beeŋ naŋ laŋɛ ŋ ki Enyɛnpe Ebɔrɛ na peya ashi mbe kasawule cheembi so nɛ Jerusalɛm e ki kadegboŋ mo nɛ e bee sha ga.

Maak 1:25

Nɛ Yesu ponte kiyoyu lubi na so: “Lo to ndoŋ n lar kanyɛn na to!”

Maak 9:25

Yesu ka wu fanɛ jimaŋ na bee wora keshi mo so nɛ e fiɛ kiyoyu lubi na so ŋ kaŋɛ: “Kpawu nɛ neemu be kiyoyu lubi, lar kebinyɛnbi na to nsaa maŋ naŋ bɛta n yɔ mo to kikɛ.”

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Luuk 4:35

Nɛ Yesu ponte kiyoyu lubi na so: “Lo to ndoŋ n lar kanyɛn na to!” Ndoŋ nna nɛ kiyoyu lubi na da kanyɛn na n lɛ bumo kikɛ be anishito ndoŋ nseŋ lar mo to n yɔ ŋ ka mo nɛ kayurwushi.

Luuk 9:42

Kebia na ka bee ba nɛ kiyoyu lubi na da mo n lɛ kasawule n shin nɛ e bee sela aya to a kpa enɔana fanɛ kegbuŋgbuŋwura. Ndoŋ nna nɛ Yesu fiɛ kiyoyu lubi na so n chɛ kebia na nseŋ ta mo m bɔɔ mo tuto enɔ.

Baru lela nɛ Jɔn kute na 13:18

E yɛ: “Mannɛ menyi kikɛ nɛ n de. N nyi bumo nɛ n lara. Ama ade kikɛ wora nna nɛ kananɛ abɔrɛsibɛ na kaŋɛ le na e bɔla ekpa, a kaŋɛ: ‘Esa nɛ e ji ma ajibi gbagba kilgi nna n tu ma.’

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

Romebi 8:33

Nɛ wanɛ e naaŋ tiŋ n wu Ebɔrɛ be basa kulubi, ŋkpal manɛ so, Ebɔrɛ gbagba e kaŋɛ fanɛ b ji n lar.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

Juud 1:23

Men baa mɔlga beko a suge bumo ashi edɛ to, men baa wu beko malɛ kuwɔr nsaa ŋana bumo be alubiana a de so nɛ a sa maŋ kaŋ gbiti menyi.

Juud 1:9

Hale Maikel mo nɛ e la emalaika kikɛ be ejuŋkparpo na daa maŋ shoduu Setani saŋɛ nɛ mo nɛ mo daa ji emɔrɔ ŋkpal anebi Mosis be eyur so na. E daa maŋ maŋ mbe kumu so n tege Setani, kusɔ nɛ e daŋ kaŋɛ e la: “Ebɔrɛ e fiɛ fo so!”

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”