Zakareya 2:8 - EBƆRƐ BE KAWƆL

⁸ Kusɔ nɛ Enyɛnpetale Ebɔrɛ na shuŋi ma fanɛ n ya kaŋɛ efuli kama so ebi nɛ b daŋ kɔ m pɔɔ menyi nɛ men wɔ Jerusalɛm to so nseŋ sɔ menyi be asɔ na e la fanɛ, Jerusalɛm du fanɛ Enyɛnpetale Ebɔrɛ na be kenishi nna. Kusɔ kama nɛ esa kama baŋ wora Jerusalɛm, mo nɛ amodoŋwura wora na.

Zakareya 2:8 ပူးပေါင်းရင်းမြစ်များ

Jɛnesis 20:6

Ndoŋ nna nɛ Ebɔrɛ kaŋɛ mo ashi edare na to le: “Kashenteŋ, n nyi fo ka wora kusɔ nɛ fo wora na nɛ nfɛra lela, amoso nɛ mee kuŋ fo nɛ fo sa maŋ kaŋ wora kulubi ŋ gbiti ma na.

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

Nshɛ 17:8

Kuŋ ma fanɛ fo kenishi na. Ta ma ŋ ŋana fo atɛ to

Aŋasa 7:2

Baa wora asɔ nɛ ŋ kaŋɛ na nseŋ ji efute tenteŋ; Baa de so, nsaa bɛ ma keŋini na so fanɛ kananɛ esa bee kuŋ kusɔ nɛ e bee sha ga na.

Aizaaya 49:19

Jerusalɛm be kadegboŋ daŋ bure nna a dese fuloŋ, ama naniere k beeŋ baa du fimbi ga a maaŋ tiŋ n sɔ basa nɛ baaŋ ba chena kumo to na. Basa nɛ b daŋ mur fo nseŋ yige fo n nase fuloŋ na beeŋ lar fo to n yɔ kufɔ kufɔ.

Jɛremaya 12:14

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Ŋ kɔ kusɔ ko nɛ ŋ kaŋɛ a laŋɛ Israɛl be bechenashapo lubi nɛ b mur kasawule nɛ n ta n sa ma basa Israɛlebi na be kaplɛa so. Meeŋ lara basa lubi ere bumo be efuliana so fanɛ kananɛ baa tia kusɔduuso na. Meeŋ kɔ n suge Juda be basa bumo be enɔ to.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Ezikɛl 25:12

Ade be kaman, nɛ Enyɛnpetale Ebɔrɛ na naŋ kaŋɛ le: “Edɔm be efuli so be basa wora n jija ŋkpal b ka daŋ wora n tal Juda be basa to so.

Ezikɛl 25:15

Ade kikɛ be kaman, nɛ Enyɛnpetale Ebɔrɛ na kaŋɛ le: “Filisti be efuli so be basa nyaŋnyaŋso na daŋ wora n tal bumo be dra dra be bedoŋana to nna a fin kemur bumo yurkishi so.

Ezikɛl 26:2

“Dimɛdi pibi, Ezikɛl, kadegboŋ nɛ baa tre Tayɛ na be basa daŋ ji eyur nna nseŋ boŋ kashɛ ere ŋkpal Jerusalɛm ka daŋ kɔ n tɔr so: ‘Jerusalɛm bure n tɔr! Nɛ kumo be yawu be keji be eleŋ loge! Amoso k maaŋ naa kɔ anyi kukɔrkɔ ŋkpal yawu be keji so!’

Ezikɛl 26:20

Ade kikɛ be kaman, nɛ n shin nɛ men wu n yɔ bubuni to n ya tu bumo nɛ b juŋkpar n yɔ ndoŋ na nɛ nde nɛ a daŋ mur dra dra na kikɛ na. Menyeeŋ ya kaa wɔ bubuni to nɛ esa maaŋ naŋ sɔ menyi so n chena menyi be ndegboŋana to.

Ezikɛl 35:5

Ŋkpal manɛ so, dra dra kikɛ nɛ menyi Edɔm be basa ta Israɛl be basa ŋ ki men doŋana nseŋ kpal loŋ so n shin nɛ b wu ga jemanɛ nɛ b nya bumo be alubi be kasogberge na.

Ezikɛl 36:11

Ma alɛ beeŋ naŋ shin menyi be asɔbɔya kikɛ e salga n wora keshi nɛ men naaŋ chena kasawule na so fanɛ kananɛ men daŋ chena kumo so dra na. Menyeeŋ dii kedama ga a chɔ kananɛ men daa du na, saŋɛ na so nɛ menyeeŋ pin fanɛ ma e la Enyɛnpe Ebɔrɛ na.

Ezikɛl 38:11

Fo alɛ beeŋ baa sha kekɔ m pɔɔ efuli nɛ kumo be basa chena kayurwushi so ashi nde nɛ b maŋ pɔr egbalana a kuŋ amo na so.

Ezikɛl 38:14

Amoso nɛ Enyɛnpetale Ebɔrɛ na shuŋi ma fanɛ n ya kaŋɛ Gɔg fanɛ nɛ e wu mbe basa Israɛlebi ka wɔ kayurwushi to, e beeŋ koso

Eemɔs 1:11

Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Eemɔs 1:13

Enyɛnpe Ebɔrɛ yɛ: “Ammɔn be basa wora alubi n ya baŋ so. Amoso abaanaaworashɛŋ meeŋ gberge bumo kusoe. M maaŋ yige bumo kikɛ. B ka daa kɔ a fin kasawule na, b daŋ baŋɛ bedampoche nɛ b daa wɔ Giliad na be epunana to nna.

Eemɔs 1:9

Enyɛnpe Ebɔrɛ yɛ: “Tayɛ be basa wora alubi n ya baŋ so, amoso a ba naa wora shɛŋ, meeŋ gberge bumo kusoe. M maaŋ yige bumo kikɛ. B kplaŋ bumo be keteri be kɔnɔkoŋwule nɛ b nase n sa abar na be ŋkre so, nseŋ pɛ efuli lelemu be basa n yɔ Edɔm be kasawule so n ya fa.

Maika 4:11

Efuli damtaana gama abar so nna nɛ b kɔ menyi kena. B yɛ: “A daga fanɛ Jerusalɛm ka mur! Anyi be kenishi pere nna a fin kewu kumo be ŋaba.”

Maika 5:6

Anyi be bejuŋkparpo lempoana ere beeŋ keta benapo nɛ b kɔ eleŋ ga n ya kɔ m mɔlga anyi ashi Asiriyaebi nɛ baa shuŋ kegbir nɛ baa tre Nimrɔd na be enɔ to jemanɛ nɛ baaŋ ba bure n luri anyi be kasawule to na.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Habakuk 2:17

Men ku Lebanɔn be kupo to be ndibi n lɛ, naniere baaŋ ku menyi alɛ gba n lɛ. Men mɔ kumo to be asɔbɔya kikɛ nɛ naniere asɔbɔya bee funti menyi. Ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so nɛ asheŋ ere beeŋ ba menyi so.

Habakuk 2:8

Men ta eleŋsheŋ n suge efuli damtaana be basa be asɔ nseŋ m mɔ bumo be basa. Ama naniere bumo be basa nɛ b ji efute gba beeŋ ta eleŋsheŋ n suge menyi be asɔ ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so.

Zefanaiya 2:8

Kumo be kaman nɛ Enyɛnpetale Ebɔrɛ na kaŋɛ le: “N nu Mowab nɛ Ammɔn be basa ka bee tege nsaa wora ma basa eyurto a ji njɔŋ fanɛ baaŋ sɔ bumo be kasawule.

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Zakareya 2:9

Amoso Enyɛnpe Ebɔrɛ na gbagba e naaŋ kɔ menyi nɛ men be benapo nseŋ shin nɛ basa nɛ b daa shuŋ menyi na e kɔ m pɔɔ menyi so nseŋ suge menyi be asɔ kikɛ. Aloŋ nɛ menyeeŋ pin fanɛ Enyɛnpetale Ebɔrɛ na gbagba e shuŋi ma.

Zakareya 8:5

nɛ mbinyɛnsobi nɛ bechesobi malɛ e sɔ agbembi so a pel.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Matiu 25:45

Nɛ ŋ kaŋɛ bumo le: ‘Ma e kaŋɛ menyi kashenteŋto na fanɛ kusɔ kama nɛ men baŋ maŋ wora n sa bekarkarsobi ere be ekama, ma nɛ men maŋ wora kumo n sa na.’

Baru lela nɛ Jɔn kute na 14:26

Ama Echɛtopo na, mo e la Kiyoyu Cheeŋ nɛ n Tuto beeŋ shuŋi ma ketre to na kaŋ ba, e beeŋ ŋini menyi kusɔ kama nseŋ nyiŋi menyi asɔ nɛ ŋ kaŋɛ menyi kikɛ.

Baru lela nɛ Jɔn kute na 17:18

Kananɛ fo shuŋi ma durnya ere to na nɛ ma alɛ gba bee shuŋi a shuŋi bumo kumo to.

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

Ditɛronɔmi 32:10

E wu bumo nɛ baa nite keshishɛrsawule so nna, kakpa nɛ k dese fuloŋ nɛ afu bee muu shishɛr a yɔ a ba na. Ndoŋ nna nɛ e kuŋ bumo ŋ keni bumo so nɛnɛ, fanɛ kananɛ e bee kuŋ mo gbagba be kumu na.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

1 Jɔn 4:14

Anyi alɛ wu nseŋ ji kumo be shɛda fanɛ Etuto na shuŋi mo Pibinyɛn fanɛ e ba kaa la durnya ere to be Emɔlgapo.