Zakareya 2:4 - EBƆRƐ BE KAWƆL

⁴ nseŋ kaŋɛ mo le: “Shile n ya kaŋɛ kabrantiɛbia nɛ e kɔ efɔl karga asɔ to na fanɛ Jerusalɛm to be basa nɛ asɔbɔya beeŋ ba wora keshi ga nɛ b maaŋ naŋ tiŋ m pɔr egbal gba ŋ kulti kumo.

Zakareya 2:4 ပူးပေါင်းရင်းမြစ်များ

Ɛsta 9:19

Amoso nɛ Juwebi nɛ b wɔ ndekarso na yili kufɔl nɛ baa tre Adar na be nchɛ kuduana na fanɛ kagbenefuli nɛ kejigboŋ be kewushiachɛ nɛ kachɛ nɛ baa chige abar ajibi na.

Aizaaya 33:20

Men to anishi ŋ keni Zayɔn be kebee nɛ anyee ji anyi be nchɛgboŋ kumo so na. Menyeeŋ wu fanɛ Jerusalɛm la kakpa nɛ anyi beeŋ tiŋ n nya anyi be amu a wɔtɔ nna. K du fanɛ wajɛbu nɛ k yil a maa gbuŋgbuŋ nna. Kumo be ayir maa tia nɛ kumo be efɔlana malɛ gba maa tuge to kikɛ.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 49:20

Kachako, bee ba nɛ fo basa nɛ b kurge bumo ashi efuli pɔtɛana so na e ba kaŋɛ fo le: ‘Kasawule ere du fimbi ga n sa anyi. Anyee sha kakpagboŋ nɛ an chena so nna!’

Aizaaya 54:16

Ma e to bɔyɛpo nɛ e bee puga edɛ a ŋalga abɛlso a lɔŋɛ akɔsɔ. Ma alɛ e to enapo nɛ e bee ta akɔsɔ na a kɔ kena a mɔ basa.

Jɛremaya 1:6

Ndoŋ nna ŋ nɛ kaŋɛ le: “Enyɛnpetale Ebɔrɛ, nuso nɛ meeŋ wora m pin fo mmalga to ŋ kaŋɛ basa? N la kebifɔlbi gbagba nna.”

Jɛremaya 31:24

Basa na beeŋ baa wɔ Jerusalɛm nɛ nde nɛ e wɔ Juda be efuli so na to. Bumo be beko beeŋ baa la bedɔpo nɛ beko e baa la mbolpɔkpapoana.

Jɛremaya 31:27

Ma, Enyɛnpe Ebɔrɛ na bee kaŋɛ nna fanɛ kacha ko bee ba nɛ n shin nɛ edimɛdi nɛ asɔbɔya e ba bɔlɔ Israɛl be kasawule nɛ Juda be efuli so kikɛ.

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Ezikɛl 38:11

Fo alɛ beeŋ baa sha kekɔ m pɔɔ efuli nɛ kumo be basa chena kayurwushi so ashi nde nɛ b maŋ pɔr egbalana a kuŋ amo na so.

Danɛl 1:17

Ebɔrɛ daŋ sa mbrantiɛfɔlbi ana na nwɔl be kenyi nɛ asheŋ be kepinto nna, nseŋ ta kebaa tiŋ a kute bɔrɛdare nɛ edare gbagba be afito be kenyi n ti Danɛl bre so.

Danɛl 1:4

E yɛ a daga fanɛ loŋ be basa e baa walɛ ayɛrbi nsaa kɔ kenyi a koya asheŋ manaŋ manaŋ, nsaa la basa nɛ b nya kebla lela. Bumo alɛ e sa maa kɔ ndulgi kikɛ bumo be eyur so, saŋɛ na so baaŋ nya ekpa a shuŋ ewurkpa. E yɛ Ashpenaaz e ŋini bumo Babilɔnebi be ŋgbar nɛ kumo be kakraŋ nɛ kasibɛ.

Maika 7:11

O Jerusalɛmebi, saŋɛ fo nɛ b lɔŋɛ kadegboŋ na be egbalana m pɔr. Jemanɛ na kaŋ fo menyi be kasawule be egbaŋ beeŋ kpalga to n ti so.

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 1:17

Kumo be kaman nɛ Malaika na naŋ kaŋɛ ma fanɛ Enyɛnpetale Ebɔrɛ na yɛ: “Ma ndegboŋana na beeŋ naŋ dii dama. Ma alɛ beeŋ naŋ chɛ Jerusalɛm to nseŋ naŋ sɔ kumo ŋ ki ŋ gbagba be kadegboŋ.”

Zakareya 12:6

Jemanɛ na kaŋ fo, meeŋ shin nɛ Juda be efuli so be benimuana na e ki fanɛ edɛ ashi kupo to ŋko aboyu nɛ a wɔl a yil to. Baaŋ mur efuliana nɛ e kulti bumo na kikɛ. Ama shɛŋ maaŋ wora basa nɛ b wɔ Jerusalɛm be kadegboŋ na to na bre.

Zakareya 14:12

Enyɛnpe Ebɔrɛ na beeŋ shin nɛ kulɔ lubi e tɔr efuli pɔtɛana be basa nɛ baa kɔ Jerusalɛm kena na so. Bumo be eyurana nɛ anishi nɛ adonduloŋ kikɛ beeŋ bɛ a bɛlge nɛ b kraa keni.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.