Zakareya 2:13 - EBƆRƐ BE KAWƆL

¹³ Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Zakareya 2:13 ပူးပေါင်းရင်းမြစ်များ

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Nshɛ 78:65

Kumo be kaman nɛ Enyɛnpe Ebɔrɛ na kpa niŋi to fanɛ esa ka tiŋi edi to, ŋko enapo ka diewu ŋ koso na.

Aizaaya 14:2

Efuli pɔtɛana so be basa beeŋ chɛ Israɛl be basa to nɛ b bɛta n yɔ kasawule nɛ Enyɛnpe Ebɔrɛ na sa bumo na so. Efuli pɔtɛ ebi na beeŋ ya kaa shuŋ Israɛlebi na fanɛ anya, nɛ Israɛlebi na e naa ji kuwura basa nɛ b daa kɔrfɛ bumo na so.

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Aizaaya 41:1

Ebɔrɛ yɛ: “Menyi basa nɛ men wɔ mplasawule so kikɛ e wora shruum n nu nfe! Men wora shiriya m ba kute menyi be asheŋ nɛ men wora be asheŋ ashi demujikpa. Meeŋ sa menyi ekpa nɛ men malga. Men shin nɛ ma nɛ menyi e ba abar so, n fin emo nɛ e kɔ kashenteŋ.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Jɛremaya 25:30

Jɛremaya, fo e daga fo ber asheŋ nɛ ŋ kaŋɛ ere kikɛ be kebomboŋ n sa basa ere: ‘Enyɛnpe Ebɔrɛ na beeŋ shi ebɔrɛso m ponte awɔrso fanɛ bɔrɛ ka ponte awɔlpa to na. E beeŋ ponte m malga ŋ gbiti mbe basa fanɛ kananɛ baa beri ayu nsaa boŋ nshɛ awɔrso na. Esa kama nɛ e wɔ durnya to be kaplɛkama beeŋ nu mbe ebɔl.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Zefanaiya 1:7

Men wora shruum ashi Enyɛnpetale Ebɔrɛ na be anishito, ŋkpal manɛ so, mbe demujiachɛ na taga to. E bela ase nɛ e ta mbe basa n lara sarga nseŋ kela n tre bedoŋ fanɛ b ba kɔ Juda kena n suge bumo be asɔ eleŋ so.

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Zakareya 4:9

“Zerubabel e nase bɔrɛlambu na be gbaltɔlase, mo alɛ beeŋ pɔr kumo n loge. Nɛ loŋ kaŋ wora, ma basa beeŋ pin fanɛ ma, Enyɛnpe Ebɔrɛ na, e shuŋi fo bumo kutɔ.

Zakareya 6:15

Basa beeŋ shi efuli wɔfɔ so m ba chɛ to n lɔŋɛ Enyɛnpe Ebɔrɛ na be bɔrɛlambu na m pɔr. B kaŋ lɔŋɛ kumo m pɔr n loge na nɛ feeŋ pin fanɛ Enyɛnpetale Ebɔrɛ na e shuŋi ma. Fo baa wora Enyɛnpe fo Ebɔrɛ na be mbraana kikɛ kasonu, ade kikɛ beeŋ wora m bɔlɔ so ashi fo kebaawɔtɔ to.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Romebi 9:20

Ama fo alɛ dimɛdi e la wanɛ nɛ fo tiŋ m malga n ji Ebɔrɛ emɔrɔ le? Kusɔ pɔrso beeŋ tiŋ ŋ kaŋɛ kumo be epɔrpo le: “Manɛ e ba nɛ fo pɔr ma le” a?

Ditɛronɔmi 18:21

Menyi beeŋ baa belsi nsaa bishi menyi be amu fanɛ nuso nɛ anyeeŋ wora m pin fanɛ anebi ere be kubɔya ere shi Enyɛnpe Ebɔrɛ na kutɔ nna.

Ditɛronɔmi 18:22

Nɛ fanɛ anebi baŋ sa kubɔya ko ashi Enyɛnpe Ebɔrɛ na be ketre to nɛ k maŋ ba kashenteŋ nseŋ wora m bɔlɔ so, kumo ere kubɔya na maŋ shi Enyɛnpe Ebɔrɛ na kutɔ nna na. Anebi na gbagba be nfɛra to nɛ kubɔya na shi nɛ a maŋ daga fanɛ men baa ŋana loŋ be anebi na.

Ditɛronɔmi 26:15

Amoso yili fo kakpa cheembi ashi ebɔrɛso n nɛfa fo basa Israɛlebi nɛ kasawule lela nɛ k kɔ eleŋ a wora adɔjibi nɛ fo ta n sa anyi na gba, fanɛ kananɛ fo nase kumo be kɔnɔ n sa an nanaana na.”