Zakareya 2:12 - EBƆRƐ BE KAWƆL

¹² Juda beeŋ naŋ laŋɛ ŋ ki Enyɛnpe Ebɔrɛ na peya ashi mbe kasawule cheembi so nɛ Jerusalɛm e ki kadegboŋ mo nɛ e bee sha ga.

Zakareya 2:12 ပူးပေါင်းရင်းမြစ်များ

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Ɛsta 6:13

n ya kaŋɛ mbe eche nɛ mo teriana kusɔ nɛ k nya mo kikɛ. Ndoŋ nna nɛ mbe eche nɛ mo teriana na kaŋɛ mo le: “Mɔdikaya ka la Juw be esa ere bre fo maaŋ tiŋ m pɔɔ mo so kikɛ. Baa nyi fanɛ fo eleŋ baa fo ekar nna na. Feeŋ ki esa fuloŋ.”

Nshɛ 105:15

E yɛ: “Men sa maŋ kaa tɔrɔ bejuŋkparpo nɛ n lara na, ŋko ma anebiana!”

Nshɛ 132:13

Enyɛnpe Ebɔrɛ na e lara Zayɔn be kebee ashi Jerusalɛm to, nɛ k baa la mbe echenakpa.

Nshɛ 132:14

E yɛ: “Kakpa nɛ meeŋ baa wɔ mbaanaayɔ nde; kakpa nɛ meeŋ chena a ji kuwura nna na.

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Nshɛ 33:12

Kagbenefuli la efuli kama so ebi nɛ bumo be Ebɔrɛ la Enyɛnpe na peya nna. Kagbenefuli la bekama nɛ e lara fanɛ b baa la mbe basa na peya nna.

Nshɛ 82:8

O Ebɔrɛ, koso n ji durnya demu, ŋkpal manɛ so, efuliana na kikɛ la fo peya nna.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 17:14

Baa kɔ kenishipereso nna a ta kufu a pɛ basa kaaseso, ama ta a ba kachipurso nɛ b mur nsaa maŋ naa wɔtɔ. Kusɔ nɛ k bee tu bekama nɛ baa ta eleŋsheŋ a kɔ a suge anyi be asɔ nna na.

Aizaaya 41:9

Durnya be mboŋ wɔfɔ kikɛ nɛ n shi ŋ keta menyi m ba, nseŋ kaŋɛ menyi le: ‘Men la ma nyɛrbi nna.’ M maŋ kini menyi n lɛ.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 30:16

Ama naniere bedoŋ kama nɛ baa sha kemur menyi na beeŋ mur, nɛ b pɛ men doŋana kikɛ ŋ ki anya n yɔ efuli pɔtɛ so. Bekama nɛ baa kɔrfɛ menyi na beeŋ nya kekɔrfɛ, nɛ b fuu bekama nɛ baa fuu menyi be asɔ na be asɔ.

Jɛremaya 51:19

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Zakareya 1:17

Kumo be kaman nɛ Malaika na naŋ kaŋɛ ma fanɛ Enyɛnpetale Ebɔrɛ na yɛ: “Ma ndegboŋana na beeŋ naŋ dii dama. Ma alɛ beeŋ naŋ chɛ Jerusalɛm to nseŋ naŋ sɔ kumo ŋ ki ŋ gbagba be kadegboŋ.”

Zakareya 3:2

Ndoŋ nna nɛ Enyɛnpe Ebɔrɛ be malaika na kaŋɛ Setani le: “Enyɛnpe Ebɔrɛ na e fiɛ fo so, Setani! Enyɛnpe Ebɔrɛ nɛ mbe kasha wɔ Jerusalɛm so na e fiɛ fo so. Kanyɛn ere du fanɛ kadɛdibi nɛ b pee edɛ to nna.”

Ditɛronɔmi 32:10

E wu bumo nɛ baa nite keshishɛrsawule so nna, kakpa nɛ k dese fuloŋ nɛ afu bee muu shishɛr a yɔ a ba na. Ndoŋ nna nɛ e kuŋ bumo ŋ keni bumo so nɛnɛ, fanɛ kananɛ e bee kuŋ mo gbagba be kumu na.

Ditɛronɔmi 32:9

E lara Jeekɔb be kenana bre nna n sa mbe kumu.