Zakareya 2:11 - EBƆRƐ BE KAWƆL

¹¹ Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Zakareya 2:11 ပူးပေါင်းရင်းမြစ်များ

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Ɛksodɔs 12:49

Le be mbra ere malɛ beeŋ baa la mbra koŋwule nna n yili n sa bekama nɛ b la Israɛl be ndetobia nɛ bumo nɛ b la befɔ nseŋ ba chena menyi to kikɛ.”

Aizaaya 45:14

Kede be kaman nɛ Enyɛnpe Ebɔrɛ na naŋ kaŋɛ Israɛlebi na le: “Ijipt nɛ Itiopia be efuliana so be kedamaya beeŋ ki menyeya, nɛ Seba be efuli so be basa tenteŋ na e ki menyi be anya. Menyi beeŋ chɛ bumo ŋgbɛlɛbi ŋ gberge bumo m bɛ menyi be amu so. Baaŋ jɔŋɛ menyi ase nseŋ kaŋɛ le: ‘Ebɔrɛ wɔ menyi kutɔ, mo alɛ nawule e la Ebɔrɛ.’

Aizaaya 48:16

Men firgi n taga ma to naniere nseŋ nu nfe! Sososo na kikɛ nɛ m bugi to ŋ kaŋɛ kusɔ kama nseŋ shin nɛ ma mmalga kikɛ bɔlɔ so kashenteŋto.” Enyɛnpetale Ebɔrɛ na e bɔla mbe Kiyoyu be eleŋgboŋ so n shuŋi ma.

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 50:8

Israɛl be basa, men shile n lar Babilɔn be efuli so. Men sa maŋ naŋ jo esa kama!

Ezikɛl 33:33

K maaŋ chɛr baaŋ nya kasogberge, fanɛ kananɛ fo kpele bumo kusoe na. Ndoŋ nɛ baaŋ pin fanɛ anebi ko ba bumo to.”

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

Zakareya 3:10

Kachɛ na kaŋ fo ekama beeŋ kela n tre mo kurgepoana nɛ b ba chena n ji kekurge kagbenewushiso ashi bumo be ndibi sɔrso be afito.

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.

Zakareya 8:8

nseŋ bɛta bumo m ba chena Jerusalɛm to. Baaŋ ba kaa la ma basa nɛ ma alɛ e baa la bumo be Ebɔrɛ nsaa ji kuwura bumo so kashenteŋ nɛ kumo be ekpa so.”

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Baru lela nɛ Jɔn kute na 17:21

fo shin nɛ bumo kikɛ e baa la kukoŋwule. Etuto, fanɛ kananɛ n wɔ fo to nɛ fo alɛ wɔ ma to na, loŋ nɛ mee kule fo fanɛ fo shin nɛ b baa wɔ anyi to nɛ durnya e yirda fanɛ fo e shuŋi ma durnya ere to.

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Ashuŋ Shunso 28:28

Nɛ Pɔɔl naŋ kaŋɛ: “Amoso, men baa nyi fanɛ Ebɔrɛ shuŋi basa nɛ baa bɔ mbe kumɔlga be kubɔya na nnyamase gba kutɔ. Bumo ere beeŋ bugi asoe n nu.”

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”