Zakareya 14:7 - EBƆRƐ BE KAWƆL

⁷ K beeŋ baa la kachɛ nɛ k kɔr nchɛ kikɛ to nna. Karechɛ ŋko kanyɛ maaŋ naa wɔtɔ. Kanyɛ biri gba kakpa kraa beeŋ fulto parr. Enyɛnpe Ebɔrɛ na nawule e nyi saŋɛ nɛ loŋ beeŋ wora.

Zakareya 14:7 ပူးပေါင်းရင်းမြစ်များ

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

1 Tɛsalɔnikaebi 5:2

ŋkpal manɛ so, menyi ere gbagba baa nyi fanɛ Enyɛnpe be kachɛ na beeŋ ba fanɛ kananɛ eyu bee ba kanyɛso na.

Danɛl 12:4

Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Ashuŋ Shunso 15:18

Enyɛnpe nɛ e bugi kesheŋ ere to ŋ kaŋɛ dra na kikɛ na e naa kaŋɛ loŋ na.’ ”

Ashuŋ Shunso 1:7

Nɛ Yesu kaŋɛ bumo: “N Tuto nawule be enɔ to nɛ kusɔ kama nɛ kumo be jemanɛ wɔ. Amo be asheŋ maŋ la asɔ nɛ a daga men ka pin.

Maak 13:32

“Esa kikɛ maŋ nyi kachɛ ŋko saŋɛ nɛ meeŋ naŋ ba na. Hale ebɔrɛso be emalaika na gba ŋko ma, Ebɔrɛ Pibinyɛn na gba maŋ nyi. Etuto na nawule e nyi.

Matiu 24:36

Esa kikɛ maŋ nyi kachɛ nɛ saŋɛ nɛ meeŋ naŋ ba na, hale ebɔrɛso be emalaika na gba ŋko ma, Ebɔrɛ Pibinyɛn na gba maŋ nyi, Etuto na nawule e nyi.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Nshɛ 37:18

Enyɛnpe Ebɔrɛ na e naa keni bekama nɛ baa wora mo kasonu so. Kusɔ kama nɛ mo alɛ sa bumo beeŋ baa la bumo peya mbaanaayɔ.

Kelaraŋŋini 21:25

Ndoŋ be mbuna maa ti kikɛ, ŋkpal manɛ so, kanyɛ maa biri ndoŋ kikɛ.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

Kelaraŋŋini 14:6

Ndoŋ nna nɛ n naŋ wu malaika ko ka wɔ esoso kumu so a firgi nsaa kɔ baru lela nɛ k wɔtɔ mbaanaayɔ na to nɛ e bɔ kumo n sa basa nɛ b wɔ kasawule ere so n sa efuli kama so ebi nɛ yiri kama to ebi nɛ ŋgbar kama to ebi nɛ basa kama to ebi.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Ashuŋ Shunso 17:26

Esa koŋwule nɛ e daŋ fara n to nseŋ bɔla mo to n to yiri kikɛ n shin nɛ b sɔ kasawule so kikɛ nyam a wɔtɔ na. Mo gbagba malɛ e daŋ yili saŋɛ nɛ kakpa nɛ baaŋ ba kaa wɔ pɔɛŋ nseŋ to bumo.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Aizaaya 58:10

nsaa sa basa nɛ akoŋ kɔ ajibi nseŋ naa chɛ bumo nɛ asheŋ tir bumo to, kumo ere kanyɛso beeŋ ki fanɛ kapiidi n sa menyi.

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.