Zakareya 14:2 - EBƆRƐ BE KAWƆL

² Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.

Zakareya 14:2 ပူးပေါင်းရင်းမြစ်များ

Aizaaya 13:16

Basa beeŋ baa yil a keni nɛ bedoŋ a pɛ bumo be mbia n ta bumo ŋ ŋmɛa afalta so m mɔ nseŋ luri bumo be elaŋana to n ta bumo be asɔ eleŋ so nseŋ pur bumo be beche gba n ti so.”

Aizaaya 4:3

Baaŋ baa tre Jerusalɛm to be esa kama nɛ Enyɛnpe Ebɔrɛ na shin nɛ e ji efute na esa cheembi.

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Aizaaya 65:18

Meeŋ shin nɛ menyi be ŋgbene e fuli menyi nɛ men baa ji eyur hale mbaanaayɔ ŋkpal asɔ nɛ meeŋ to so. Kagbenefuli beeŋ bɔlɔ Jerusalɛm popɔr nɛ meeŋ to na to nɛ kumo to be basa be ŋgbene e fuli bumo.

Jɛremaya 21:4

b ya kaŋɛ mo fanɛ kusɔ nɛ Enyɛnpe, Israɛl be Ebɔrɛ na kaŋɛ nde: “Zɛdikaya, meeŋ shin nɛ Babilɔn be ewura nɛ mbe benapo e kɔ m pɔɔ fo benapo so. Ma alɛ beeŋ naŋ gama fo benapo na be akɔsɔ n deŋi abar so ashi kadegboŋ na be nferinto.

Jɛremaya 34:1

Jemanɛ nɛ Babilɔn be ewura Nebukadneeza nɛ mbe benapo nɛ efuli pɔtɛana be benapo daa chɛ bumo to na daŋ ba kaa kɔ Jerusalɛm nɛ nde nɛ a kulti kumo na kena na nɛ Enyɛnpe Ebɔrɛ na kaŋɛ ma fanɛ ŋ kaŋɛ Juda be ewura Zɛdikaya le:

Nfabel 1:10

Bedoŋ na daŋ suge bumo be yawu kpakpaso be asɔ kikɛ nna. Jerusalɛm be basa na daŋ wu befɔ na ka luri bumo be bɔrɛlambu nɛ Enyɛnpe Ebɔrɛ daa maŋ sa nnyamase ekpa fanɛ b luri kumo to na nna.

Ezikɛl 5:8

Amoso, ma Enyɛnpetale Ebɔrɛ na e kaŋɛ menyi na fanɛ ŋ ki menyi, Jerusalɛm to be basa, be edoŋ nna na. Meeŋ gberge menyi kusoe nɛ efuliana na kikɛ e wu kumo.

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Jowɛl 3:9

Nɛ Anebi Jowɛl kaŋɛ: “Men ta le be kubɔya ere n sa efuli pɔtɛana so ebi kikɛ fanɛ b bela ase ŋ kɔ kena. Ekama e tre mbe benapo ŋ gbargbar n shin nɛ b lar m wora shiriya.

Eemɔs 7:17

Kusɔ nɛ Enyɛnpe Ebɔrɛ bee kaŋɛ fo Amaziya nde: “Fo eche beeŋ ki sakaleche ashi kade ere to nɛ b mɔ fo mbia kikɛ kena to. Baaŋ karga fo kasawule m barga kumo to n sa abar, nɛ fo gbagba malɛ e wu efuli pɔtɛ so. Nɛ b tintiŋ Israɛl be basa malɛ n yɔ efuli pɔtɛana so kufɔ kufɔ.” Kumo be kaman nɛ Eemɔs yige mo nseŋ yɔ.

Zakareya 12:2

E yɛ: “N yili kumo nna fanɛ Jerusalɛm e ki fanɛ yabra kurwa nɛ efuliana nɛ a mata kumo na e nuu m boo. Kananɛ baaŋ kre kena m ba kulti Jerusalɛm n wɔtɔ na, aloŋ nɛ baaŋ wora Juda be efuli na kikɛ so.

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Zakareya 12:9

Ma alɛ beeŋ mur efuli kama nɛ k beeŋ wora ania fanɛ k beeŋ kɔ Jerusalɛm kena.

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Maak 13:19

Ŋkpal manɛ so, nchɛ na be tɔrɔ beeŋ ba kaa chɔ tɔrɔ kama nɛ k ba basa so yili durnya be sososo, Ebɔrɛ be kasɔto be jemanɛ na kikɛ, m ba fo mbre. Tɔrɔ kama malɛ maaŋ naŋ ba m ba fo kumo so kikɛ.

Luuk 2:1

Kumo be jemanɛ na nɛ Ewura Ɔgastes kaŋɛ fanɛ b karga mbe efuli so be basa kikɛ.