Zakareya 14:1 - EBƆRƐ BE KAWƆL

¹ Enyɛnpe Ebɔrɛ be demujiachɛ na bee ba. Kamɔnchɛ na nɛ baaŋ muu Jerusalɛm to be asɔ m barga to n sa abar ashi menyi gbagba be anishito.

Zakareya 14:1 ပူးပေါင်းရင်းမြစ်များ

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Aizaaya 13:9

Loŋ be kachɛ na kaŋ fo, Enyɛnpe Ebɔrɛ na maaŋ shu esa kikɛ so ŋko n wu esa kuwɔr. E beeŋ nya agbo ga nseŋ mur alubiworapoana n shin nɛ efuli na kikɛ e ki kiyitokpaŋ.

Aizaaya 2:12

Enyɛnpetale Ebɔrɛ na lara kachako nna n yili nɛ e bar bekama nɛ baa maŋ bumo be amu so nsaa wu bumo be amu na kaseto.

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Jowɛl 3:14

Nɛ Anebi Jowɛl kaŋɛ: “Basa ŋgboŋto ŋgboŋto beeŋ ba wɔ ketaŋɛ na to nɛ Enyɛnpe Ebɔrɛ na e ji bumo demu. Enyɛnpe Ebɔrɛ na be kachɛ na be saŋɛ na maaŋ naŋ chɛr nseŋ ba.

Zefanaiya 1:7

Men wora shruum ashi Enyɛnpetale Ebɔrɛ na be anishito, ŋkpal manɛ so, mbe demujiachɛ na taga to. E bela ase nɛ e ta mbe basa n lara sarga nseŋ kela n tre bedoŋ fanɛ b ba kɔ Juda kena n suge bumo be asɔ eleŋ so.

Zakareya 14:14

Jemanɛ na so Juda be efuli so be basa beeŋ koso ŋ kɔ ŋ kuŋ Jerusalɛm. Baaŋ kɔ n suge efuli pɔtɛana na be basa be eshuwa nɛ egbiti nɛ asɔbuuso damta.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Malakai 4:5

Ama pɔɛŋ nɛ ma Enyɛnpe Ebɔrɛ be kachɛ lubi nɛ k beeŋ shin nɛ kufu nɛ kechicha chicha e pɛ basa na e ba, meeŋ shuŋi anebi Elaija menyi kutɔ.

Ashuŋ Shunso 2:20

Nɛ epeŋi e biri to gbrum, nɛ kufɔl malɛ e pere to kpaiŋ fanɛ ŋklaŋ. Amo kikɛ beeŋ wora nna pɔɛŋ nɛ Enyɛnpe be kachɛgboŋ na e fo.

Kelaraŋŋini 16:14

A la mbuibi lubiana be ayoyu nna a wora emamachisheŋ a yɔ durnya ere kikɛ be bewura kutɔ n ya kaa chala bumo a jo Enyɛnpetale Ebɔrɛ be kachɛgboŋ be kena na.