Zakareya 13:2 - EBƆRƐ BE KAWƆL

² Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Zakareya 13:2 ပူးပေါင်းရင်းမြစ်များ

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

Nshɛ 16:4

Ama bekama nɛ b shil a bɛ agbirana so na bre be etɔrɔ beeŋ wora keshi ga. M maaŋ tu bumo n lara bumo be agbir na be esarga. Ma alɛ maaŋ bunyaŋ amo.

Ɛksodɔs 22:13

Nɛ k ba fanɛ kupuŋ to be kusɔbɔya e mɔ kumo n ji, k daga fanɛ esa nɛ e bee keni kusɔbɔya na so ka ta kusɔbɔya jiŋka na m ba ŋini shɛdaso, saŋɛ na so, e maaŋ ka kumo be kukɔ n tal to.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Aizaaya 2:18

Agbirana maaŋ naa wɔtɔ kuraa.

Aizaaya 2:20

Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Ezikɛl 12:24

Ŋkpal manɛ so, efɛ be ebɔrɛdare ŋko kafule be kewuŋkaŋɛ maaŋ naa wɔ Israɛl be basa to kikɛ.

Ezikɛl 13:23

Amoso menyi be efɛ be ebɔrɛdare nɛ kafule be ŋkpal na kikɛ fo ekar. Meeŋ mɔlga ma basa ashi men be eleŋ to nɛ men pin fanɛ ma e la Enyɛnpe Ebɔrɛ na.”

Ezikɛl 14:9

“Nɛ fanɛ anebi ko sa efɛ be kubɔya, ma Enyɛnpe Ebɔrɛ na e sa anebi na ekpa nɛ e ku efɛ. Ama ma alɛ kraa beeŋ kini anebi na nseŋ lara mo ashi ma basa Israɛlebi to.

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 36:29

Meeŋ kuŋ menyi ashi kusɔ kama nɛ k bee shin nɛ menyee wora eyurpi na to nseŋ shin nɛ menyi be ayu e wora nɛnɛ, saŋɛ na so akoŋ maaŋ naa wɔtɔ.

Ezikɛl 37:23

Bumo alɛ maaŋ naŋ bɔla kagbirshuŋ so n jija bumo be amu ŋko n wora alubi ŋ gbiti bumo be amu. Ma alɛ beeŋ sɔ bumo n yige ashi ekpa kama so nɛ baa bɔla so a wora alubi a debɔr ma na, nseŋ fɔr bumo so, nɛ b baa la ma basa, nɛ ma alɛ e baa la bumo be Ebɔrɛ.

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Ezikɛl 6:6

Israɛl be efuli so be nde kikɛ beeŋ mur nɛ bumo be agbirshuŋkpaana kikɛ e bure m bure. Kumo be kaman, nɛ bumo be kusɔ kama e ki fuloŋ.

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Hoziya 2:19

Meeŋ shin nɛ fo Israɛl e naŋ ki fanɛ ma eche nɛ m baa ji kashenteŋ a sa fo. Ma alɛ beeŋ baa sha fo saŋkama nsaa wu fo kuwɔr nɛ fo baa la meya hale mbaanaayɔ.

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Matiu 12:43

“Kiyoyu lubi baŋ lar esa to, e na kiyi to nna a fin ewushikpa. E baŋ fin kakpa ŋ gben,

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Luuk 11:20

Kashenteŋto, Ebɔrɛ e naa sa ma eleŋ nɛ ŋ kɔ a ju mbuibi lubiana na ashi basa to nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

Ditɛronɔmi 12:3

Men bure bumo be agbirsure nɛ eshabɔrɛ nɛ b ta ajembu m pɔr na nseŋ chɔɔ asɔ kama nɛ a yili n sa kegbir cheso nɛ baa tre Ashira na, saŋɛ na so basa maaŋ naŋ shuŋ agbirana na ashi loŋ be mboŋ kikɛ.

Ditɛronɔmi 18:20

Ama nɛ fanɛ anebi ko sa kubɔya ko ashi ma ketre to nɛ k maŋ shi ŋ kutɔ, loŋ be anebi na beeŋ wu ŋkpal loŋ so. Kusɔ nɛ k beeŋ nya anebi kama nɛ e beeŋ sa kubɔya ashi agbir ko be atre to gba nna na.”

Joshuwa 23:7

Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.