Zakareya 13:1 - EBƆRƐ BE KAWƆL

¹ Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Zakareya 13:1 ပူးပေါင်းရင်းမြစ်များ

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Aizaaya 4:4

Enyɛnpe Ebɔrɛ na beeŋ bɔla mbe eleŋgboŋ so n ji efuli na demu nseŋ fɔr Jerusalɛm be kewora n jija nɛ basa nɛ b mɔ na be ŋklaŋ n lɛ nɛ efuli na e naaŋ nyalɛ so ashi asheŋ lubi be kaplɛa so.

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 29:26

“Bɔrɛmatapo Jehowada ka wu, fo nɛ Enyɛnpe Ebɔrɛ na lara nɛ fo ki bɔrɛmatapowura a keni bɔrɛlambu na to be bekumpo so. Fo kushuŋ e la fanɛ fo ka beeŋ shin nɛ b pɛ esa kama nɛ mbe kumu maa shuŋ nɛ e ta mbe kumu fanɛ anebi nseŋ wɔtɔ mo ŋgbɛlɛbi mbe enɔana nɛ aya nɛ kubɔ to.

Jɛremaya 33:8

B daŋ wora alubi n da ma so nseŋ kini ma n lar ma kaman, ama ma alɛ beeŋ ta bumo be alubi nɛ bumo be kekini ma na m paŋ bumo.

Ezikɛl 36:17

“Dimɛdi pibi, Israɛlebi na ka daa wɔ bumo be kasawule so na, b daŋ bɔla bumo be kebaawɔtɔ nɛ asheŋ woraso so nna n jija kumo. Kananɛ eche nɛ e bee lar ntamaŋ maŋ walɛ so daŋkare be ekpa so na, nɛ bumo be kebaawɔtɔ na daa du n sa ma.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 36:29

Meeŋ kuŋ menyi ashi kusɔ kama nɛ k bee shin nɛ menyee wora eyurpi na to nseŋ shin nɛ menyi be ayu e wora nɛnɛ, saŋɛ na so akoŋ maaŋ naa wɔtɔ.

Ezikɛl 47:1

Ade kikɛ be kaman nɛ kanyɛn na bɛta ma n yɔ bɔrɛlambu na to, ndoŋ nɛ n wu kabombi ko ka bee shile kabuna na be kaseto a yɔ epeŋitɔrkpa be kaba so. K fara bɔrɛlambu na be kelargato be esoso na nna a shile m ba bɔla bɔrɛsure na ase m baŋɛ kelɔnɛ na to a yɔ epeŋilarkpa be kaba so.

Levitikɔs 11:36

Ama nɛ kekama wu n tɔr ketirbu ŋko kakpa nɛ b pɔr a suse nchu a wɔtɔ to bre ketirbu na ŋko kusɔ suse, nchu na kraa walɛ nna, ama kusɔ kama nɛ k beeŋ beta kusɔ wuso na bre beeŋ wora eyurpi.

Maika 5:12

Meeŋ naŋ jija kegba be adur nɛ men kɔ na nɛ men maaŋ naa tiŋ a to abar akprambi ashi menyi be kasawule so.

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Baru lela nɛ Jɔn kute na 5:4

[Ŋkpal manɛ so, Enyɛnpe be malaika daa ba saŋko saŋko nna m ba kaa baga nchu na to. Kebagato na malɛ be kaman elɔpo kama daŋ baŋ juŋkpar n luri nchu na to, amodoŋwura be kulɔ kama nɛ k daa kɔ mo beeŋ lar mo to.]

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

1 Jɔn 5:6

Yesu ere e la emo nɛ e daŋ yili kabɔrɛbɛr be nchu nɛ mbe luwu be ŋklaŋ so m ba na. Mannɛ nchu na malɛ nawule so nɛ e daŋ yili so m ba, nchu na nɛ ŋklaŋ na kikɛ so nɛ e daŋ yili so m ba.