Zakareya 12:6 - EBƆRƐ BE KAWƆL

⁶ Jemanɛ na kaŋ fo, meeŋ shin nɛ Juda be efuli so be benimuana na e ki fanɛ edɛ ashi kupo to ŋko aboyu nɛ a wɔl a yil to. Baaŋ mur efuliana nɛ e kulti bumo na kikɛ. Ama shɛŋ maaŋ wora basa nɛ b wɔ Jerusalɛm be kadegboŋ na to na bre.

Zakareya 12:6 ပူးပေါင်းရင်းမြစ်များ

Aizaaya 54:3

Fo nɛ fo kaman to ebi beeŋ sɔ efuli pɔtɛana be nsawule ŋ ki menyeya; nseŋ pɔr n chena bumo be nde nɛ e bure a dese naniere na to.

Aizaaya 9:20

Basa bee fuu ajibi kama nɛ b wu kenishiso nna a ji ashi efuli na be kaplɛkama, ama akoŋ kraa mɔ bumo. B daa daŋɛ bumo be mbia gba nna a we!

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Obadaya 1:18

Jeekɔb be kanaŋ to ebi beeŋ baa du fanɛ edɛ suse so nna nɛ Isɔɔ malɛ be kanaŋ to ebi e baa du fanɛ afitiri wɔlso nɛ baaŋ chɔɔ. Isɔɔ be kanaŋ to be ekama maaŋ naŋ ji efute. Ma, Enyɛnpetale na e kaŋɛ loŋ na.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 11:1

Lebanɔnebi men bugi menyi be mbuna, nɛ edɛ e chɔɔ menyi be ndibi nɛ baa tre sida na!

Zakareya 12:5

Kumo be kaman nɛ Juda be efuli so be mbunaana na be basa e kaŋɛ bumo be amu le: ‘Enyɛnpetale Ebɔrɛ na e naa sa mbe basa nɛ b wɔ Jerusalɛm to na eleŋ.’

Zakareya 2:12

Juda beeŋ naŋ laŋɛ ŋ ki Enyɛnpe Ebɔrɛ na peya ashi mbe kasawule cheembi so nɛ Jerusalɛm e ki kadegboŋ mo nɛ e bee sha ga.

Zakareya 2:4

nseŋ kaŋɛ mo le: “Shile n ya kaŋɛ kabrantiɛbia nɛ e kɔ efɔl karga asɔ to na fanɛ Jerusalɛm to be basa nɛ asɔbɔya beeŋ ba wora keshi ga nɛ b maaŋ naŋ tiŋ m pɔr egbal gba ŋ kulti kumo.

Zakareya 9:15

Enyɛnpetale Ebɔrɛ na beeŋ baa kuŋ mbe basa, nɛ b kɔ m pɔɔ bumo doŋana so m mur bumo. Baaŋ baa wora awɔr kena to fanɛ basa boo so nseŋ shin nɛ ŋklaŋ e lar bumo doŋana be eyurana so a shile fanɛ kananɛ bɔrɛmatapo bee chulgi sarga be asɔbɔya be ŋklaŋ a wurge bɔrɛsure na so na.

2 Kɔrintebi 6:7

Amo alɛ nseŋ naŋ shi kashenteŋ be kamalga nɛ Ebɔrɛ be eleŋ to. An kɔ Ebɔrɛ be anishito be alelasheŋ nna fanɛ akɔsɔ a ta bena nɛ jiso a kɔ.

Kelaraŋŋini 20:9

Nɛ b yili kasawule be mparto be kaba ko n nite m ba choŋ kaba ko ŋ kulti Ebɔrɛ be basa laraso n wɔtɔ bumo be kakpa, kumo e la kadegboŋ shaso na. Ama edɛ daŋ shi esoso nna m ba mur basa nɛ b daŋ kulti Ebɔrɛ be basa n wɔtɔ na.