Zakareya 12:4 - EBƆRƐ BE KAWƆL

⁴ Loŋ be kachɛ na meeŋ shin nɛ kufugboŋ ko e tɔr gbaŋɛ kikɛ so nɛ eboŋ e tɔr amo be bediipoana so. Ma e naaŋ baa keni Juda be basa so. Meeŋ shin nɛ bumo doŋana be egbaŋɛ e tan.

Zakareya 12:4 ပူးပေါင်းရင်းမြစ်များ

1 Bewura 8:29

Baa keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ ndoŋ nɛ baaŋ baa bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu n sa ma.

2 Bewura 6:14

nɛ e shin nɛ benapo damta ta egbaŋɛ nɛ egbaŋɛturko n yɔ ndoŋ n ya kulti kade na n wɔtɔ kanyɛ na kikɛ.

2 Bewura 6:18

Siriya be benapo na ka bee taga kade na to, nɛ Elaisha kule Ebɔrɛ ŋ kaŋɛ: “O Enyɛnpe Ebɔrɛ, shin nɛ basa ere kikɛ a tan!” Nɛ Enyɛnpe Ebɔrɛ nu mbe kekule nseŋ shin nɛ basa na kikɛ tan.

2 Kronikɛls 6:20

Ba keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ, ndoŋ nɛ baaŋ ba bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu ma kekule.

2 Kronikɛls 6:40

O Ebɔrɛ, keni anyi so nseŋ nu anyi be kabɔrɛkule nɛ anyee kule nfe ere.

2 Kronikɛls 7:15

Meeŋ nu kekule kama nɛ b kule bɔrɛlambu ere to,

Nehemaya 1:6

Enyɛnpe Ebɔrɛ, keni ma so nseŋ nu ma kekule ŋkpal kananɛ mee kule fo kapa nɛ kanyɛ ere a sa fo nyɛrbi Israɛlebi na so. N shuli fanɛ anyi Israɛlebi nɛ an nanaana kikɛ wora alubi ŋ gbiti fo.

Aizaaya 24:21

Enyɛnpe Ebɔrɛ na beeŋ gberge esoso be eleŋana nɛ durnya to be bewuraana kusoe.

Aizaaya 37:17

Keni kananɛ Asiriya be ewura, Sennakerɛb bee tege fo Ebɔrɛ nɛ fee sa ŋkpa na loŋ.

Jɛremaya 24:6

Meeŋ keni bumo so nseŋ bɛta bumo m ba kasawule ere so. Ma alɛ beeŋ shin nɛ asheŋ a nyalɛ n sa bumo nɛ b maaŋ laŋɛ kaman ashi kebaawɔtɔ to, nɛ k wora fanɛ ŋ ka duu bumo nɛ b kɔr na.

Ezikɛl 38:4

Ma alɛ beeŋ shin nɛ e maaŋ naa kɔ eleŋ, nseŋ ta edariwa ŋ kɔl mbe ŋgbuŋ to ŋ gberge mo nɛ mbe benapo damta nɛ baa dii egbaŋɛ nsaa kɔ akɔsɔ damta, nɛ bumo be ekama malɛ kɔ kebɛlso be kusɔ kuŋkumuso nɛ tokobi enɔana to na kikɛ n yɔ.

Ezikɛl 39:20

Ndoŋ beeŋ ki fanɛ ma ejikpa nɛ b we egbaŋɛ nɛ bumo be bediipo nɛ basa gboŋ nɛ benapo be yiri yiri be eblaŋ m mɔɛ m baŋ bumo be amu so.”

Danɛl 9:18

O Ebɔrɛ, kaŋ kusoe n nu anyi be kekule nseŋ keni etɔrɔ nɛ awurfoŋ nɛ anyee ji ashi kade nɛ fo ketre deŋ so na to. Anyee kule fo nna ŋkpal fo ka bee wu kuwɔr so, mannɛ an ka la basa cheembi so.

Zakareya 10:5

Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Zakareya 12:11

Kushu nɛ k beeŋ baa wɔ Jerusalɛm to loŋ be kamɔnchɛ na beeŋ baa shi pasaa. K beeŋ baa du fanɛ b ka daa shu Hadad Rimɔn be keeli ashi Megido be keplasawule so na nna.

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Zakareya 12:5

Kumo be kaman nɛ Juda be efuli so be mbunaana na be basa e kaŋɛ bumo be amu le: ‘Enyɛnpetale Ebɔrɛ na e naa sa mbe basa nɛ b wɔ Jerusalɛm to na eleŋ.’

Zakareya 12:6

Jemanɛ na kaŋ fo, meeŋ shin nɛ Juda be efuli so be benimuana na e ki fanɛ edɛ ashi kupo to ŋko aboyu nɛ a wɔl a yil to. Baaŋ mur efuliana nɛ e kulti bumo na kikɛ. Ama shɛŋ maaŋ wora basa nɛ b wɔ Jerusalɛm be kadegboŋ na to na bre.

Zakareya 14:15

Kulɔ lubi koŋwule na beeŋ tɔr Jerusalɛmebi bumo doŋana be egbaŋɛ nɛ ekurmafɔlbi nɛ enyɔma nɛ asɔbɔya be yiri yiri kikɛ nɛ b kɔ ashi bumo be keeyi to so.

Zakareya 9:8

Ebɔrɛ yɛ: “Meeŋ baa kuŋ ma kasawule nɛ benapo nɛ baa kulti a mɔ basa na maaŋ nya kumo so m bɔla choŋ. M maaŋ sa kumukpakpasowuraana ekpa nɛ b naa kɔrfɛ ma basa. N wu awurfoŋ nɛ ma basa ji na kikɛ.”

Ashuŋ Shunso 17:30

Ebɔrɛ kplaŋ saŋɛ nɛ basa daa maŋ nyi na so, ama naniere e bee kaŋɛ ekama kaplɛkama fanɛ e lar mbe alubi to.

Ditɛronɔmi 28:28

Enyɛnpe Ebɔrɛ na beeŋ shin nɛ eboŋ e tɔr menyi so nseŋ naŋ shin nɛ men tan. E beeŋ shin nɛ men be nfɛra e wea to nɛ men maaŋ naa fɛ nfɛra niŋi so.