Zakareya 12:1 - EBƆRƐ BE KAWƆL

¹ Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Zakareya 12:1 ပူးပေါင်းရင်းမြစ်များ

Jɛnesis 1:8

Nɛ Ebɔrɛ nase kunji na awɔlpa. Ndoŋ nna nɛ kanyɛ biri nɛ kare chɛ ŋ ki kachɛ lelemu nyɔsopo na.

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Job be kawɔl 26:7

Ebɔrɛ e parga awɔlpa nɛ k wɔ kelargato be esoso na to, nseŋ shin nɛ durnya shaso nɛ shɛŋ maŋ kɔ kumo to.

Job be kawɔl 37:18

Ebɔrɛ bre beeŋ tiŋ n shin nɛ bɔrɛwɔlpa e parga to m buu so nɛ kakpa e wushi, ama fo alɛ beeŋ tiŋ n wora loŋ a?

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 134:3

Mee kule Enyɛnpe Ebɔrɛ nɛ e to esoso nɛ kasawule nna fanɛ e yili Zayɔn n nɛfa menyi!

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Aizaaya 40:12

Esa kikɛ maaŋ tiŋ n ta mbe enɔ be epun to ŋ karga teku; ŋko n ta mbe enɔ ŋ karga awɔlpa. Esa maaŋ tiŋ n ta durnya to kikɛ be eshishɛr n wɔtɔ kurwa to; ŋko n ta abeegboŋ nɛ abeebi n deŋi kusɔ so ŋ karga amo be egbɛ.

Aizaaya 40:22

Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Aizaaya 42:5

Ebɔrɛ e to esoso nseŋ parga kumo to n sɔ kaplɛkama; mo e to kasawule nɛ asɔ kama nɛ e wɔ kumo so na kikɛ; mo e sa durnya to be basa kikɛ ŋkpa nɛ efute. Naniere kusɔ nɛ Enyɛnpe Ebɔrɛ na bee kaŋɛ mbe kayɛrbi nde:

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Aizaaya 45:18

Enyɛnpe na nawule e la Ebɔrɛ, mo e to ebɔrɛso nɛ durnya nɛ basa wɔ kumo to na. E maŋ to durnya nna nɛ k baa dese fuloŋ fanɛ kiyi.” Mo e kaŋɛ le na: “Ma e la Enyɛnpe Ebɔrɛ, Ebɔrɛ kikɛ maŋ naa wɔtɔ n ti ma so.

Aizaaya 48:13

Ŋ gbagba be enɔ nɛ n ta n to durnya, nseŋ shin nɛ awɔlpa parga to n sɔ kaplɛkama. Kusɔ kama nɛ m baŋ yili n sa amo, e bee nya manaŋ a wora ma kasonu epul to nna.

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Jɛremaya 10:12

Enyɛnpe Ebɔrɛ na e bɔla mbe eleŋgboŋ so n to durnya; e bɔla mbe kanyiasheŋ so nna n to durnya nseŋ parga awɔlpa to m buu kaplɛkama so.

Jɛremaya 30:10

Ma basa, men sa maa lɔ kufu; Israɛl be basa, men sa maa chicha kufuso. Meeŋ kɔ n suge menyi ashi efuli wɔfɔ be basa be enɔ to, nɛ kasawule nɛ men la anya kumo so be basa be enɔ to na. Menyi beeŋ bɛta m ba epe m baa kaa wɔ kayurwushi to; nɛ shɛŋ shɛŋ maaŋ naa tɔrɔ menyi; esa kikɛ malɛ maŋ naa ta kufu a da menyi.

Jɛremaya 30:16

Ama naniere bedoŋ kama nɛ baa sha kemur menyi na beeŋ mur, nɛ b pɛ men doŋana kikɛ ŋ ki anya n yɔ efuli pɔtɛ so. Bekama nɛ baa kɔrfɛ menyi na beeŋ nya kekɔrfɛ, nɛ b fuu bekama nɛ baa fuu menyi be asɔ na be asɔ.

Jɛremaya 38:16

Nɛ Ewura Zɛdikaya nase kɔnɔ ashiri to ŋ kaŋɛ ma le: “M bɔ Ebɔrɛ nɛ e sa anyi ŋkpa ere fanɛ m maaŋ mɔ fo ŋko n ta fo n sa basa nɛ baa fin fo kemɔ na nɛ b mɔ.”

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Jɛremaya 51:15

Enyɛnpe Ebɔrɛ na e bɔla mbe eleŋgboŋ so n to durnya; mbe kanyiasheŋ so nɛ e bɔla n to esoso nɛ kasawule.

Nfabel 2:14

Menyi be anebiana maŋ naa kɔ shɛŋ nɛ b kaŋɛ menyi nɛ mannɛ efɛ be kebaakuu a sa menyi. Abɔrɛsheŋ nɛ b malga n sa menyi na maŋ tiŋ n shin nɛ men wu menyi be alubi. B shin nna nɛ menyee fɛ fanɛ a maŋ daga men tuba n lar alubi to.

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Jowɛl 3:19

Ijipt be kasawule beeŋ ki kiyi to chil, kakpa nɛ basa maaŋ baa wɔ, nɛ Edɔm be kasawule malɛ kikɛ e jija ŋ ki keshishɛrsawule ŋkpal b ka kɔ Juda be efuli so ebi kena nseŋ mɔ basa nɛ b maŋ wora alubi na so.

Zakareya 9:1

Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.

Malakai 1:1

Kubɔya nɛ Enyɛnpe Ebɔrɛ ta n sa kanyɛn ko nɛ baa tre Malakai fanɛ e sa Israɛl be basa nde.

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Hibruwebi 12:9

Nɛ men ta fanɛ an tuto kurgesoana durnya ere to, menyeeŋ wu fanɛ saŋko b daa niŋi a niŋi anyi ekpa nna nɛ an daa sa bumo bunyaŋ ŋkpal loŋ so. To, nɛ fo keni anyi be ayoyu be Etuto na, a maŋ daga fanɛ an nu n sa mo nseŋ nya ŋkpa a wɔtɔ a?