Zakareya 11:7 - EBƆRƐ BE KAWƆL

⁷ Ŋkpal loŋ so nɛ ŋ ki mbolpɔ nɛ b kɔ a yɔ nɛ b ya mɔ na be ekenipo, nseŋ ta akpabi anyɔ ŋ keta a kpa bumo na. N daa tre kuko ‘Kushuso’ nsaa tre kuko malɛ ‘Kɔnɔkoŋwule’ nna.

Zakareya 11:7 ပူးပေါင်းရင်းမြစ်များ

Nshɛ 23:4

Hale nɛ n na tentembiri to mina gba, kufu maa pɛ ma. Ŋkpal manɛ so, fo wɔ ma kutɔ. Fo kuwurkpabi nɛ fo kuchuchɔ e naa kuŋ ma.

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 90:17

Enyɛnpe anyi be Ebɔrɛ, shin nɛ fo nɛfa e baa wɔ anyi so, nseŋ shin nɛ asheŋ e baa nite nsaa loge to nɛnɛ a sa anyi!

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Jɛremaya 39:10

Betirpo gbagba nɛ b maŋ kɔ shɛŋ na nawule nɛ e daŋ yige Juda be kasawule so nseŋ sa bumo adɔsawule nɛ ndibi sɔrso be adɔ.

Levitikɔs 27:32

Kowu be asɔbɔya kudu kikɛ to be ekoŋwule la Enyɛnpe Ebɔrɛ na peya nna. Nɛ b baa karga asɔbɔya, emo nɛ e beeŋ ti so kudusopo na la Enyɛnpe Ebɔrɛ na peya nna.

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Zefanaiya 3:12

Bekama nɛ b du boeŋ nsaa bar bumo be amu ase kashenteŋto na bre, m maaŋ ju bumo, ŋkpal b ka ta bumo be yirda n deŋi ma so so.

Zakareya 11:14

Kede be kaman nɛ n naŋ bu kekpabi nyɔsopo nɛ mee tre ‘kɔnɔkoŋwule’ na to, nɛ Juda nɛ Israɛl be kekurgeji ku to.

Zakareya 11:4

Kusɔ nɛ Enyɛnpe ma Ebɔrɛ na kaŋɛ ma nde: “Ta fo kumu ŋ ki fanɛ mbolpɔkpapo nɛ baa shin nɛ b mɔ mbe mbolpɔ.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Maak 12:37

Deevid gbagba daŋ tre mo mo Nyɛnpe. Nɛ nuso nɛ Kristo na beeŋ wora a la mo nanabi?” Jimaŋ damta ko daŋ nu mbe kamalga na nɛ bumo be ŋgbene fuli bumo.

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Samuɛl 17:40

Kumo be kaman nɛ e ta kekpabi nɛ e kɔ a kpa mbolpɔ na nseŋ yɔ kabombi ko ase n ya tise ajembu mɔlmɔlbi anu n wɔtɔ mbe kɔlgu to nseŋ ta mbe ketababu a shɛr Goliɛf to.

1 Samuɛl 17:43

ŋ kaŋɛ Deevid le: “Jɔnɔ e la ma nɛ fee ta ndibi a ba ŋ kutɔ a?” Nɛ e melgi Deevid n sa Filistiebi na be agbir.