Zakareya 11:3 - EBƆRƐ BE KAWƆL

³ Men nu mbolpɔkpapoana ka bee shu awɔrso; ŋkpal bumo be mbolpɔ be ejikpa lela na ka mur so! Men nu ebuluŋ ka bee munto; ŋkpal Jɔɔdan be lɔrkar be kupogboŋ lela na ka mur so!

Zakareya 11:3 ပူးပေါင်းရင်းမြစ်များ

Nshɛ 22:21

Mɔlga ma ashi ebuluŋ na kutɔ. Sɔ ma n yige ashi apuntona na kutɔ.

Aizaaya 5:29

Bumo be benapoana bee munto nna fanɛ ebuluŋ ka pɛ kusɔbɔya nsaa gbeye kumo a yɔ kakpa nɛ shɛŋ maaŋ tiŋ n suge kumo bumo kutɔ na.

Aizaaya 65:15

Ma, Enyɛnpetale Ebɔrɛ na beeŋ shin nɛ men wu nɛ ma basa laraso e ta menyi be atre a sho basa nnɔ. Ama meeŋ sa basa nɛ baa nu a sa ma na bre atre popɔr.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 50:44

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Babilɔnebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 7:4

Men sa maa fule menyi be amu a kaŋɛ fanɛ Sheŋ maaŋ tiŋ n wora anyi, ŋkpal Enyɛnpe Ebɔrɛ na be bɔrɛlambu ka wɔ Jerusalɛm nfe so! Men sa maa fɛ fanɛ bɔrɛlambu ere beeŋ tiŋ m mɔlga menyi.

Ezikɛl 19:2

“Men nio daa la fanɛ buluŋ cheso nɛ e daa kɔ kenyɛn nna nseŋ bela mbe bibi ashi ebuluŋ nyɛnso lempo to!

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.

Eemɔs 8:8

Amoso kasawule beeŋ gbuŋgbuŋ to nɛ kagbenejija e tɔr efuli ere be basa kikɛ so nɛ b baa wora kuwɔr be asheŋ. Efuli na kikɛ beeŋ baga to fanɛ kananɛ lɔrgboŋ nɛ baa tre Nail ashi Ijipt be efuli so na bee kaa ketili a yɔ a ba na.

Zefanaiya 1:10

Kede be kaman nɛ Enyɛnpe Ebɔrɛ na naŋ kaŋɛ: “Loŋ be kachɛ na, menyeeŋ nu kushu damta ashi Jerusalɛm be kabunagboŋ nɛ baa tre Kɔrɔtɔ na ase. Menyi kraa beeŋ nu b kaa bee boŋ to awɔrso ashi kadegboŋ na to be echenakpa popɔr na nseŋ nu awɔrgboŋ ko fanɛ asɔ ka tɔr m bure na ashi abee so.

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Zakareya 11:2

Seprɛs be ndibi, men baa shu nsaa boŋ to ŋkpal manɛ so, sida be ndibi tɔr; kemaŋkura be ndibi na kikɛ mur! Bashan be ndibigboŋ, men baa shu nsaa boŋ to; ŋkpal b ka ku kupogboŋ na to be ndibi damta na kikɛ n lɛ so!

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.