Zakareya 11:16 - EBƆRƐ BE KAWƆL

¹⁶ Ŋkpal manɛ so n lara mbolpɔkpapo ko fanɛ e ba kaa keni ma mbolpɔ so, ama mo shɛŋ maaŋ baa wɔ bumo nɛ baaŋ foe na to ŋko nɛ e nite n fin bewurbi na ŋko n chɛ bumo nɛ baa lɔ na ŋko ŋ kpa bumo nɛ b kɔ alenfia na n yɔ keji to. Ama bedanso na nɛ e beeŋ baa mɔ a we a ka awibi.

Zakareya 11:16 ပူးပေါင်းရင်းမြစ်များ

Jɛnesis 31:38

Ma nɛ fo ka chena kumo be nfɛ adunyɔ nna na. Loŋ be nfɛ adunyɔ na malɛ to fo mbolpɔ ko maŋ gboŋi adampu. Ma alɛ maŋ naŋ mɔ fo kpakpa kikɛ n we.

Jɛnesis 33:13

Nɛ Jeekɔb kaŋɛ mo: “N nyɛnpe, fo nyi mbia ka maŋ kɔ eleŋ nɛ kumo alɛ naŋ daga fanɛ ŋ keni mbolpɔ cheso nɛ ana nɛ b kɔ bibi na so. B kpa bumo eleŋso kachɛ koŋwule n yɔ, asɔbɔya na kikɛ beeŋ wu.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Jɛremaya 23:2

Kusɔ nɛ Enyɛnpe, Israɛl be Ebɔrɛ na bee kaŋɛ benimujipoana nɛ k daŋ daga fanɛ b baa keni mbe basa so na nde. E yɛ: “Menyi maaŋ keni ma basa so nɛnɛ. Men pesaŋ bumo to nseŋ ju bumo n lɛ to nna. To, meeŋ gberge menyi kusoe ŋkpal kusɔ lubi nɛ men wora ere so.

Jɛremaya 23:22

Nɛ b daŋ taga ma to nsaa nyi kusɔ nɛ k wɔ ma nfɛra to, b daa beeŋ bɔ ma kubɔya n sa ma basa nseŋ shin nɛ b chɛrga bumo be nfɛra n lar alubi be kewora to m bɛta m ba ŋ kutɔ.

Ezikɛl 34:10

Ma, Enyɛnpetale Ebɔrɛ na yɛ ma nɛ menyi maŋ naa kɔ shɛŋ. Ma alɛ beeŋ suge ma mbolpɔ menyi be enɔ to nɛ menyi maaŋ naa la bumo be ekpapo a nya bumo a mɔ a we.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 34:21

Ŋkpal manɛ so, menyi bumo nɛ men kɔ eleŋ na bee ŋin bumo nɛ b maŋ kɔ eleŋ na nna a lar ekarso nsaa ta menyi be alambɛ a pur bumo a lar ma mbolpɔ to.

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Baru lela nɛ Jɔn kute na 10:1

Yesu e daŋ bɔ keŋasa ere ŋ kaŋɛ: “Ma e kaŋɛ menyi kashenteŋto na fanɛ esa kama nɛ e maa bɔla mbolpɔ be kuluu be kabuna to a luri kuluu na to nsaa bɔla kaboŋ pɔtɛ a tɛ a luri kumo to la eyu nɛ esugepo nna.