Zakareya 10:8 - EBƆRƐ BE KAWƆL

⁸ Meeŋ tre ma basa m ba gama abar so, ma alɛ beeŋ mɔlga bumo nseŋ shin nɛ b wora keshi a du fanɛ kananɛ b daa sa na.

Zakareya 10:8 ပူးပေါင်းရင်းမြစ်များ

1 Bewura 4:20

Saŋɛ nɛ Sɔlɔmɔn daa la ewura na, Juda nɛ Israɛl be basa daa shibi ga nna fanɛ teku ase be shishɛr. Ama bumo kikɛ ka bee nya a ji nsaa nuu yɛlyɛla so, bumo kikɛ be ŋgbene daa fuli bumo nna.

Ɛksodɔs 1:7

Ama bumo be kaman to ebi, Israɛlebi na, daa kurge nna ga n wora keshi n sɔ kasawule na so kikɛ.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Aizaaya 48:20

Naniere, men lar Babilɔn be efuli so! Men ta kayurji a yɔ. Men shin nɛ menyi be ŋgbene e fuli menyi nɛ men baa boŋ to awɔrso a kaŋɛ ekama le: ‘Enyɛnpe Ebɔrɛ na kɔ n suge anyi, Israɛlebi nɛ an la mbe anya na!

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Aizaaya 7:18

Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.

Aizaaya 7:19

Baaŋ mel abar so n sɔ ataŋɛ chiŋgeliŋ to nɛ abeelaŋ to nɛ kupuŋ to kikɛ nɛ asɔbɔya be ejikpa kikɛ so n chena.

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Maika 2:12

Ma, Enyɛnpe Ebɔrɛ na e naa nase kɔnɔ, fanɛ meeŋ naŋ bar ma basa Israɛlebi, nɛ baaŋ ji efute na abar so. Meeŋ gama bumo abar so fanɛ mbolpɔ ka wɔ kuluu to, saŋɛ na so basa beeŋ wora keshi n sɔ kasawule na so kikɛ.

Zakareya 9:11

Enyɛnpe Ebɔrɛ na yɛ: “Ŋkpal ma nɛ menyi be kɔnɔkoŋwule be ŋkre nɛ b ta esarga be ŋklaŋ m mɔ kumo so na so, meeŋ lara menyi be basa ashi kenyaya nɛ k du fanɛ kemaŋ chiŋgeliŋ nɛ k maŋ kɔ nchu na to.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.