Zakareya 10:6 - EBƆRƐ BE KAWƆL

⁶ Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

Zakareya 10:6 ပူးပေါင်းရင်းမြစ်များ

Nshɛ 89:21

Jemanɛ kikɛ ma eleŋ beeŋ baa wɔ mo so, nɛ ma eleŋgboŋ na e baa sa mo eleŋ.

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 54:4

Men sa maa ŋana kufu ŋko anishinyɔr. Menyi alɛ e sa maŋ pɔ aba kikɛ. Men teŋ menyi be kebifɔlbi to be asheŋ lubi na so. Men sa maŋ shin nɛ menyi be kebaawɔtɔ nɛ k du fanɛ ekulpoche be kebaawɔtɔ na e baa keta menyi nyɔmɔ.

Aizaaya 54:8

N daŋ nya agbo nna m pal kaman n sa menyi jemanɛ gbrɛbi ko, ama meeŋ naaŋ wu menyi kuwɔr nseŋ sha menyi mbaanaayɔ. Kusɔ nɛ ma, Enyɛnpe Ebɔrɛ, nɛ n la menyi be emɔlgapo na bee kaŋɛ menyi nna na.”

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Jɛremaya 3:18

Kumo be kaman nɛ Israɛl be basa e ti Juda be basa so nɛ b shi efuli nɛ k wɔ kelargato be esoso na m bɛta m ba kasawule nɛ n ta n sa bumo nananyɛnana mbaanaayɔ na so.

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Jɛremaya 30:20

Ma alɛ beeŋ naŋ shin nɛ efuli na e nya kumo be eleŋgboŋ dra nɛ k daa kɔ na nseŋ yili to kpakpa. Meeŋ gberge bekama nɛ b daŋ kɔrfɛ bumo na kusoe.

Jɛremaya 31:1

Enyɛnpe Ebɔrɛ na yɛ: “Jemanɛ ko bee ba nɛ m baa la Israɛl be eyiriana na kikɛ be Ebɔrɛ, nɛ bumo alɛ e baa la ma basa.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 31:31

Kumo be kaman nɛ Enyɛnpe Ebɔrɛ na kaŋɛ le: “Jemanɛ nɛ ma nɛ Israɛl be basa nɛ Juda be basa beeŋ wora kɔnɔkoŋwule be ŋkre popɔr na bee ba.

Ezikɛl 36:11

Ma alɛ beeŋ naŋ shin menyi be asɔbɔya kikɛ e salga n wora keshi nɛ men naaŋ chena kasawule na so fanɛ kananɛ men daŋ chena kumo so dra na. Menyeeŋ dii kedama ga a chɔ kananɛ men daa du na, saŋɛ na so nɛ menyeeŋ pin fanɛ ma e la Enyɛnpe Ebɔrɛ na.

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.

Ezikɛl 37:16

E yɛ: “Dimɛdi pibi, fin kedibi nseŋ sibɛ le kumo so, ‘Juda be kuwurji be asheŋ.’ Kumo be kaman nɛ fo fin kedibi nyɔsopo nseŋ sibɛ le kumo alɛ gba so, ‘Israɛl be kuwurji be asheŋ.’

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Hoziya 1:11

Israɛl be basa nɛ Juda be basa kraa beeŋ wora kɔnɔkoŋwule nseŋ lara ejuŋkparpo koŋwule nɛ e baa juŋkpar bumo. Loŋ be jemanɛ na so nɛ baaŋ fara a wu nɛfa bumo be kasawule so. Kachɛ nɛ baa tre Jizreel na beeŋ ba la kachɛgboŋ nna.

Hoziya 1:7

Ma Enyɛnpe nɛ n la Juda be Ebɔrɛ na beeŋ wu Juda be basa bre kuwɔr nseŋ mɔlga bumo. Mannɛ kena ŋko tokobi so ŋko ata nɛ amo be atanyembi so ŋko egbaŋɛ ŋko egbaŋɛdiipo so nɛ meeŋ bɔla so m mɔlga bumo.”

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Hoziya 2:23

Meeŋ chɛ ma basa to nɛ b chena kasawule ere so n dii dama. Meeŋ ŋini bekama nɛ b maa sha na ma kasha. Nseŋ shin nɛ bekama nɛ b yɛ b maŋ la ma basa na e ki ma basa, nɛ bumo alɛ e shuli so a tre ma bumo be Ebɔrɛ.”

Obadaya 1:18

Jeekɔb be kanaŋ to ebi beeŋ baa du fanɛ edɛ suse so nna nɛ Isɔɔ malɛ be kanaŋ to ebi e baa du fanɛ afitiri wɔlso nɛ baaŋ chɔɔ. Isɔɔ be kanaŋ to be ekama maaŋ naŋ ji efute. Ma, Enyɛnpetale na e kaŋɛ loŋ na.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Maika 4:6

Kede be kaman nɛ Enyɛnpe Ebɔrɛ na kaŋɛ, “Jemanɛ ko bee ba nɛ ŋ gama basa nɛ ŋ gberge kusoe n shin nɛ b yɔ kenyaya to ashi efuli wɔfɔana so n ya ji awurfoŋ na abar so.

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Maika 7:16

Efuli pɔtɛana nɛ baa puchi bumo be eleŋ so beeŋ wu asheŋ ere nɛ aba e pɔ bumo nɛ b lo bumo be nnɔ nseŋ ti bumo be asoe kagbenejijaso.

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 10:12

Meeŋ naŋ wɔtɔ ma basa eleŋ to, nɛ b baa bunyaŋ ma nsaa wora ma kasonu. Ma, Enyɛnpe Ebɔrɛ na e malga na!”

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Zakareya 8:11

Ama naniere bre, m maaŋ naŋ gberge menyi basa gbrɛbi nɛ men ka ere kusoe fanɛ kananɛ n daŋ wora bedarapo na jemanɛ nɛ k choŋ na.

Zakareya 9:16

Kamɔnchɛ na Enyɛnpe Ebɔrɛ na e naŋ mɔlga mbe basa fanɛ kananɛ mbolpɔkpapo bee mɔlga mbe mbolpɔ ashi kenishipere to na. Baaŋ baa nyɛkpɛ mbe kasawule so fanɛ kuwurwuro so be amaŋkanibi na.