Zakareya 10:5 - EBƆRƐ BE KAWƆL

⁵ Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Zakareya 10:5 ပူးပေါင်းရင်းမြစ်များ

2 Samuɛl 22:43

N nɔkɔr ma doŋana nɛ b ki fanɛ kasawule so be shishɛr, nseŋ chichi bumo so nɛ b ki fanɛ ekpa to be depɔ.

2 Samuɛl 22:8

Ndoŋ nna nɛ kasawule chicha nseŋ gbuŋgbuŋ to. Nɛ awɔlpa malɛ gba fara a filito nsaa gbuŋgbuŋ to, ŋkpal Ebɔrɛ ka nya agbo so!

2 Bewura 9:33

Nɛ Jehu ponte ŋ kaŋɛ bumo le: “Men ta Jɛzebel n lɛ tokuro na to!” Ndoŋ nna nɛ b ta mo n lɛ to nɛ egbaŋɛ chichi mo so nɛ mbe ŋklaŋ fiɛ egbal na nɛ egbaŋɛ nɛ b chichi mo so na. Nɛ Jehu dii mbe egbaŋɛturko n ya chichi mbe kebuni na so,

Nshɛ 18:42

Nɛ n nɔkɔr bumo fanɛ kepumpuŋ nɛ afu bee ta na, nseŋ chichi bumo so fanɛ ekpa to be depɔ na.

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Nshɛ 33:16

Mannɛ ewura be benapo be eleŋ so, nɛ e bee tiŋ a kɔ a pɔɔ so. Mannɛ benapo gba be eleŋ so, nɛ baa tiŋ a kɔ kena a pɔɔ so.

Nshɛ 44:5

Fo eleŋgboŋ na e shin nɛ an ŋmɛa an doŋana n lɛ nseŋ chichi bumo so.

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 25:10

Enyɛnpe Ebɔrɛ na e naŋ kuŋ Zayɔn be kebee ere, ama e beeŋ chichi efuli nɛ baa tre Mowab na be basa so fanɛ ana ka chichi atuweklaŋ so n wɔtɔ depɔ to na.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 41:12

nsaa maaŋ naa wɔ durnya to kikɛ.

Aizaaya 41:25

Ma, Enyɛnpe Ebɔrɛ na lara esa ko nɛ e wɔ epeŋilarkpa. Men shin nɛ e shi kelargato be esoso m ba kɔ kena. E bee chichi bewura so nna fanɛ b ka la eshii, ŋko fanɛ kananɛ mpuliya be epɔrpo bee chichi ebɔ so na nna.

Aizaaya 8:9

Efuli pɔtɛana so ebi, men gama abar so kufuso! Menyi bumo nɛ men wɔ durnya be mboŋ wɔfɔ wɔfɔ e kaŋ asoe n nu nfe. Men bela ase nɛ kekɔ kena, ama men baa ŋana kufu! Kashenteŋto, men bela ase, ama men baa ŋana kufu!

Ezikɛl 38:15

kakpa nɛ e wɔ ashi kelargato be esoso wɔfɔ wɔfɔ na n juŋkpar benapo lempo damta nɛ bumo kikɛ dii egbaŋɛ

Eemɔs 2:15

Basa nɛ b maa to ata a da gba beeŋ shile m bɛta kaman, nɛ basa nɛ baa shile ga gba e shile m mɔlga bumo be amu ŋ gben nɛ egbaŋɛdiipoana gba e dii egbaŋɛ m mɔlga bumo be amu ŋ gben.

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Heegai 2:22

Ma alɛ beeŋ gboŋi bewura nseŋ m mur bumo be kuwurjiana. Meeŋ melgi bumo be egbaŋɛturko m buu nseŋ shin nɛ bumo be egbaŋɛ e wu nɛ bediipo na malɛ e kilgi a mɔ abar.

Zakareya 12:4

Loŋ be kachɛ na meeŋ shin nɛ kufugboŋ ko e tɔr gbaŋɛ kikɛ so nɛ eboŋ e tɔr amo be bediipoana so. Ma e naaŋ baa keni Juda be basa so. Meeŋ shin nɛ bumo doŋana be egbaŋɛ e tan.

Zakareya 12:8

Loŋ be jemanɛ na, ma Enyɛnpe Ebɔrɛ na e naaŋ baa kuŋ bekama nɛ b wɔ Jerusalɛm to, nseŋ shin nɛ bumo to be bepɔshipo gba e baa kɔ eleŋ fanɛ ewura Deevid. Ewura Deevid be kamanebi beeŋ baa juŋkpar bumo fanɛ Ebɔrɛ be malaika gbagba na.

Zakareya 14:13

Loŋ be jemanɛ na kaŋ fo, Enyɛnpe Ebɔrɛ na beeŋ shin nɛ bumo be nfɛra e mel to nɛ kufu e pɛ bumo saŋɛ na so baŋ kilgi n tu abar a kɔ.

Zakareya 14:3

Kumo be kaman nɛ Enyɛnpe Ebɔrɛ na e lar n ya kɔ efuli pɔtɛana na, fanɛ kananɛ e daŋ wora jemanɛ nɛ k choŋ na.

Zakareya 9:13

Meeŋ ta Judaebi fanɛ enapo be keta na, nseŋ ta Israɛlebi malɛ fanɛ ma atanyembi.” Ma alɛ beeŋ naŋ ta Zayɔn be basa fanɛ ma tokobi, ŋ kɔ Griikebi kena.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Luuk 24:19

Nɛ e bishi bumo: “Manɛ be asheŋ?” Nɛ b kaŋɛ mo: “Nazarɛt be Yesu na be asheŋ. E daa la anebi nna nɛ mbe mmalga nɛ asheŋ woraso daa la asheŋgboŋ ashi Ebɔrɛ nɛ basa kikɛ be anishito.

Ashuŋ Shunso 18:24

Juwnyɛn ko nɛ baa tre Apɔlɔs nɛ b daŋ kurge mo Alɛkzaandria na daŋ ba Ɛfeses. E daa nyi kamalga to ga nsaa nyi abɔrɛsibɛ na malɛ ga.

Ashuŋ Shunso 7:22

Ndoŋ nɛ b ŋini mo Ijipt be kanyiasheŋ kikɛ nɛ e ba ki esagboŋ ashi mbe kamalga nɛ mbe asheŋ woraso kikɛ to.

2 Kɔrintebi 10:4

Asɔ nɛ an kɔ a kɔ na maŋ la durnya ere to be akɔsɔ. A la Ebɔrɛ be akɔsɔ lempoana nɛ b kɔ a jija asɔ lempoana na nna.

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

2 Timoti 4:7

Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.

Joshuwa 10:14

Pɔɛŋ nɛ loŋ wora na, nɛ loŋ ka wora na be kaman m ba fo kabre, Enyɛnpe Ebɔrɛ maŋ naŋ wora loŋ n sa dimɛdi kikɛ. Kashenteŋto, Enyɛnpe Ebɔrɛ na e daa kɔ a sa Israɛlebi na!

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Kelaraŋŋini 19:17

Nɛ n wu malaika ko ka yil epeŋi so nseŋ malga awɔrso ŋ kaŋɛ mbuibi nɛ a bee firgi kumu so na kikɛ le: “Men ba. Men shɛr Ebɔrɛ be kejigboŋ na ase

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”