Zakareya 10:3 - EBƆRƐ BE KAWƆL

³ Enyɛnpe Ebɔrɛ na yɛ: “N nya agbo nna n wora befɔ nɛ baa ji kuwura ma basa so nsaa shin nɛ ŋ gberge bumo kusoe. Juda be efuli so be basa na la ma basa nna, nɛ ma Enyɛnpetale Ebɔrɛ na beeŋ baa keni bumo so. Baaŋ baa du fanɛ ma kena to be egbaŋɛ lempo nna.

Zakareya 10:3 ပူးပေါင်းရင်းမြစ်များ

Job be kawɔl 39:25

Kabel baŋ shu, baa fute eleŋso nna. Baa nu kena be asheŋ kufɔ nna, nsaa nu amo be bediipoana be mmalga.

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Aŋasa 21:31

Kanaŋkama so nɛ fo bela ase; hale nɛ fo kena to be egbaŋɛ nɛ benapo wora shiriya gba, Enyɛnpe Ebɔrɛ na e naŋ pɔɔ so.

Sɔlɔmɔn 1:9

N jipo, fee shin nɛ mee wora yireŋ yireŋ nna fanɛ egbaŋɛnyɛn nɛ a bee gberge ewura Fɛɛro be gbaŋɛturko na ka wu gbaŋɛche na.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 24:21

Enyɛnpe Ebɔrɛ na beeŋ gberge esoso be eleŋana nɛ durnya to be bewuraana kusoe.

Jɛremaya 10:21

Ndoŋ nna nɛ ŋ kaŋɛ bumo le: “Anyi be bejuŋkparpoana na maŋ kɔ nfɛra nna; b maa kule Ebɔrɛ a fin ekpa a bɔla so a wora asheŋ. Amoso nɛ b maaŋ tiŋ nɛ b chɛ anyi to nɛ anyi be basa maaŋ chɛr nseŋ pesaŋ to fanɛ mbolpɔ na.

Jɛremaya 11:22

Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 25:12

Nfɛ adushunu na be kaman nɛ ŋ gberge Babilɔn be ewura nɛ mbe basa kusoe n shin nɛ kasawule na e ki kasawule fuloŋ a dese mbaanaayɔ ŋkpal bumo gba be alubi so.

Jɛremaya 25:34

Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Jɛremaya 50:6

Ma basa du fanɛ mbolpɔ nɛ bumo be bekpapoana shin nɛ b foe abee so nna. B daa nite cham cham kebee ko so nna n ya kaa lar kuko so nseŋ daŋ teŋ kakpa nɛ bumo pe wɔ so.

Ezikɛl 34:11

Ma, Enyɛnpetale Ebɔrɛ na e naa kaŋɛ menyi na fanɛ ŋ gbagba e naŋ fin ma mbolpɔ nsaa keni bumo so

Ezikɛl 34:12

fanɛ kananɛ mbolpɔkpapoana bee keni bumo be mbolpɔ nɛ b daŋ pesaŋ to nɛ b naŋ ya bar bumo abar so na. Ma alɛ beeŋ bɛta bumo n shi mboŋ nɛ b pesaŋ to n yɔ kachɛ nɛ asheŋ daŋ maŋ nite nɛnɛ n sa bumo na kikɛ m ba.

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Danɛl 11:32

Ewura na beeŋ bɔla kafule be ekpa so n nya bekama nɛ b teŋ kini bumo be kabɔrɛshuŋ na nɛ b bɛ mo so ama bekama nɛ baa bɛ Ebɔrɛ so na bre maaŋ shuli so n sa mo.

Zefanaiya 1:8

Kumo be kaman nɛ Enyɛnpe Ebɔrɛ na naŋ kaŋɛ le: “Loŋ be kachɛ na, meeŋ gberge efuli na be benimuana na nɛ ewura be bibinyɛn nɛ bekama nɛ baa bɛ befɔ be edaŋkaresheŋ so na kikɛ kusoe.”

Zefanaiya 2:7

Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Zakareya 11:17

Asheŋ maaŋ nyalɛ n sa loŋ be mbolpɔkpapo jiga nɛ e yige mbe mbolpɔ n lɛ na! Mbe eleŋ kikɛ beeŋ mur ashi kena to. Mbe kabre beeŋ wu, nɛ mbe jisoso be kenishi malɛ e tan!”

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

Ruf be kawɔl 1:6

E wɔ Mowab nna nseŋ nu fanɛ Enyɛnpe Ebɔrɛ na wora mo ere Enyɛnpe Ebɔrɛ na be basa kechɛto n sa bumo ajibi. Nawomi ka nu loŋ na nɛ mo nɛ mo shacheana na bela ase nɛ b kaa Mowab m bɛta n yɔ Nawomi be efuli so.