Zakareya 10:11 - EBƆRƐ BE KAWƆL

¹¹ B kaŋ bɔla bumo be etɔrɔbi nɛ e du fanɛ teku ere to a choŋ, ma, Enyɛnpe Ebɔrɛ na beeŋ yɔɔ atili na nseŋ shin nɛ Nail be lɔr nɛ k wɔ Ijipt be efuli so na be kechimbi to be nchu e feeto. Meeŋ shin nɛ Asiriyaebi be kamoowugboŋ na e ba kaseto, nɛ Ijiptebi e paŋ bumo be eleŋgboŋ na.

Zakareya 10:11 ပူးပေါင်းရင်းမြစ်များ

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

2 Bewura 2:14

n ya ta piŋi na ŋ ŋmɛa nchu na so nseŋ kaŋɛ le: “Nnɛ nɛ anebi Elaija be Ebɔrɛ na wɔ?” Ndoŋ nna nɛ lɔr na naŋ ku to anyɔ nɛ e naŋ dii.

2 Bewura 2:8

Ndoŋ nna nɛ anebi Elaija lara mbe piŋi nseŋ bɔlɔɔ kumo ŋ ŋmɛa nchu na nɛ a ku to anyɔ nɛ mo nɛ Elaisha nite kasawule wɔlso so n yɔ lɔr na be kaba ndoŋ.

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Nshɛ 114:3

K daŋ wora fanɛ Teku Peper na ka wu Ebɔrɛ nna nseŋ ku to, nɛ Jɔɔdan be Lɔr na malɛ wu mo nseŋ shir n yili.

Nshɛ 114:5

Bishi teku na kusɔ nɛ k ba nɛ k sa ekpa, ŋko Jɔɔdan be Lɔr na manɛ nna nɛ k maŋ naŋ tiŋ nɛ k shile?

Aizaaya 14:25

Meeŋ mur Asiriya be efuli so be basa ashi ma kasawule nɛ k la Israɛl be fuli na so nseŋ chichi bumo so ashi ma abee so. Ma alɛ beeŋ mɔlga ma basa ashi bumo be etɔrɔ kikɛ nɛ bumo be kebaala Asiriyaebi be anya to.

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 44:27

Jemanɛ kikɛ nɛ mee sha fanɛ eteku nɛ mbombi kikɛ e wɔl to, mee malga kenishipereso nna nɛ a bee wɔl to.

Aizaaya 51:10

Fo e shin nɛ teku peper chiŋgeliŋ na baŋɛ to, nseŋ shin nɛ ekpa dese nchu na to n sa basa nɛ fo mɔlga na nɛ b bɔla to n dii.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Zefanaiya 2:13

Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na.

Kelaraŋŋini 16:12

Nɛ malaika shesopo na malɛ ta mbe katishaŋ nɛ agbo na n chulgi n wurge lɔrgboŋ nɛ baa tre Yufreetes na so nɛ kumo be nchu kikɛ feeto nɛ k wɔl n lɔŋɛ ekpa a dese a jo bewura mo nɛ b shi bɔrɛfito na.