Zakareya 1:6 - EBƆRƐ BE KAWƆL

⁶ N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”

Zakareya 1:6 ပူးပေါင်းရင်းမြစ်များ

2 Bewura 15:12

Kusɔ nɛ Enyɛnpe nase kɔnɔ n sa Jehu na bɔlɔ so. E yɛ: “Yili fo kenana m ya fo fo kenana gbiramuli be jemanɛ so fo basa e naaŋ baa ji Israɛl be efuli so be kuwura.”

Job be kawɔl 6:29

Men yige kebaakuu ma kɔnɔ, nɛ manɛ aloŋ, ma ketre beeŋ jija.

Aizaaya 21:17

Bumo to be benapo nɛ baa ta ata a kɔ kena na e la basa nɛ b kɔ kenyɛn, ama bumo to be gbrɛbi e naaŋ ka a wɔ Kɛda be kebonfu to ndoŋ. Ma, Enyɛnpe Israɛl be Ebɔrɛ na e kaŋɛ na.”

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Jɛremaya 23:20

Kumo alɛ maaŋ yige n ya fo fanɛ e ka beeŋ wora kusɔ kama nɛ e kre kewora na nna. Kachako bee ba nɛ ma basa e pin ade kikɛ ere to nɛnɛ.”

Jɛremaya 26:15

Ama men baa nyi fanɛ, nɛ men mɔ ma menyi nɛ basa nɛ b wɔ kadegboŋ ere to kikɛ beeŋ tɔr ntaŋ ŋkpal men ka mɔ esa nɛ e maŋ wora shɛŋ so. Ŋkpal manɛ so, Enyɛnpe Ebɔrɛ na e shuŋi ma fanɛ m ba kpele menyi kusoe.”

Jɛremaya 28:17

Kafɛ na be kufɔl shunusopo to nɛ anebi Hananiya wu.

Jɛremaya 32:24

Babilɔnebi na daŋ ba dɔ ashigboŋ nna m mata egbal nɛ k kulti Jerusalɛm na nna nɛ b dii so n luri to ŋ kɔ kumo kena. Kena na nɛ akoŋ nɛ alɔ e naaŋ shin nɛ b tiŋ ŋ kɔ n sɔ kadegboŋ na. Kusɔ kama nɛ fo kaŋɛ na bɔlɔ so kashenteŋto.

Jɛremaya 36:28

n naŋ ta kawɔl pɔtɛ n sibɛ kusɔ kama nɛ k daa wɔ sososo be kawɔl na to na n nase.

Jɛremaya 39:16

ŋ kaŋɛ Ebedmɛlɛk nɛ e shi Itiopia be efuli so na fanɛ mo Enyɛnpetale, Israɛl be Ebɔrɛ na yɛ: “Kananɛ ŋ kaŋɛ fanɛ meeŋ shin nɛ kemur nɛ mannɛ kedamaya e ba kadegboŋ ere so na, nɛ meeŋ wora. Nɛ kumo be jemanɛ kaŋ fo malɛ feeŋ baa wɔ ŋkpa to n wu kumo.

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Jɛremaya 44:2

Kusɔ nɛ Enyɛnpetale, Israɛl be Ebɔrɛ na kaŋɛ nde: “Menyi gbagba wu kemur nɛ n shin nɛ k ba Jerusalɛm nɛ Juda be efuli so be ndegboŋana na kikɛ so. Hale nɛ mbre a kraa dese fuloŋ nɛ esa kikɛ maŋ wɔ amo to,

Jɛremaya 44:28

Menyi to be gbrɛbi ko e naŋ nya ŋ gelge luwu nseŋ shi Ijipt m bɛta n yɔ Juda be efuli so. Aloŋ, bumo nɛ baaŋ ji efute na beeŋ pin ma nɛ menyi be mmalga be amo nɛ a la kashenteŋ.

Jɛremaya 44:29

Ma, Enyɛnpe Ebɔrɛ na beeŋ ŋini menyi kusɔ ko nɛ k shin nɛ men pin fanɛ meeŋ gberge menyi kusoe nfe nseŋ naŋ pin fanɛ ŋ ka nase kɔnɔ fanɛ meeŋ mur menyi na la kashenteŋ nna.

Jɛremaya 44:6

Amoso nɛ n chulgi ma agbogboŋ n wurge Juda be ndeana nɛ Jerusalɛm be agbembi so nseŋ puga edɛ n lɛ amo so na. A daŋ ba dese fuloŋ nna nseŋ ki mboŋ nɛ amo be asheŋ bee chinchiŋ basa nsaa keta kufu hale nɛ mbre.

Nfabel 1:18

Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Nfabel 3:42

An lar fo kaman n wora alubi!

Ezikɛl 20:43

Ndoŋ nɛ menyeeŋ nyiŋi menyi be asheŋ wora so nɛ a shin nɛ men jija menyi be kebaawɔtɔ na, nɛ a shin nɛ menyi be asheŋ e baa nu menyi gbagba agbo ŋkpal asheŋ lubi nɛ men wora so.

Ezikɛl 37:11

Ade kikɛ be kaman, nɛ Enyɛnpe Ebɔrɛ na naŋ kaŋɛ ma: “Dimɛdi pibi, Israɛl be basa du fanɛ awibi kɔŋkɔŋ ere nna. Baa fubel nna a kaŋɛ fanɛ b wɔlso nna nsaa maa kɔ echefoso be tama kikɛ kebaawɔtɔ to.

Danɛl 4:28

Le be asheŋ ere kikɛ daŋ wora m bɔla so nna.

Hoziya 5:9

Kasogberge bee ba, loŋ malɛ be kachɛ na nɛ Israɛl be basa beeŋ mur cheche. Israɛlebi, kesheŋ ere beeŋ wora kashenteŋto!

Hoziya 9:15

Enyɛnpe Ebɔrɛ yɛ: “Bumo be asheŋ lubi be kewora fara ashi Gilgaal nna. Ndoŋ nɛ ma alɛ fara n nya kekishi n sa bumo. Ma alɛ beeŋ ju bumo ashi ma kasawule ere so ŋkpal kulubi nɛ b wora na so. Ma kasha maŋ naa wɔ bumo so ŋkpal manɛ so bumo be bejuŋkparpoana kikɛ kini kenu n sa ma.

Eemɔs 9:10

Baaŋ mɔ bumo be bumo nɛ b la belubiworapo n wea ma basa to na kena to, fɔŋfɔŋ bumo nɛ baa kaŋɛ le na: ‘Ebɔrɛ maaŋ shin nɛ tɔrɔ kikɛ e ba anyi so.’ ”

Zakareya 1:7

Ewurgboŋ Dariɔs ka ji kuwura na be kafɛ nyɔsopo be kufɔl kudukakosopo nɛ baa tre Shebat na be nchɛ adunyɔ nɛ ana nɛ Enyɛnpe Ebɔrɛ na naŋ sa ma kubɔya edare to kanyɛso.

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Nɔmbɛs 33:56

Men baa maŋ ju bumo, meeŋ mur menyi fanɛ kananɛ ŋ kre fanɛ meeŋ mur bumo na.”

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Ditɛronɔmi 28:15

Kede be kaman nɛ Mosis naŋ kaŋɛ: Ama nɛ men wora kusoe kpakpaso nsaa maŋ bɛ Enyɛnpe menyi be Ebɔrɛ na mbraana nɛ n ta a sa menyi kabre ere so kashenteŋto, le be asheŋ lubi ere kikɛ e naaŋ wora menyi.

Ditɛronɔmi 28:2

Men baa wora Enyɛnpe menyi be Ebɔrɛ na kasonu nseŋ nya enɛfa ere.

Ditɛronɔmi 28:20

Nɛ fanɛ men kini Enyɛnpe Ebɔrɛ na nseŋ wora kulubi, e beeŋ shin nɛ kumu lubi gboŋgboŋi nɛ kebagato nɛ etɔrɔ e ba kusɔ kama nɛ menyeeŋ wora so nɛ men mur cheche.

Ditɛronɔmi 28:45

Nɛ menyi Israɛlebi baŋ maŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ e ta a sa menyi ere so, e beeŋ shin nɛ nnɔsho ere a ba menyi so m mur menyi.

1 Tɛsalɔnikaebi 5:4

Ama bekurgepoana, menyi alɛ maŋ wɔ tentembiri to, amoso, men sa maŋ shin nɛ kachɛ na e purgi menyi fanɛ eyu.