Zakareya 1:2 - EBƆRƐ BE KAWƆL

^2-3 Le nɛ Enyɛnpetale Ebɔrɛ na daŋ kaŋɛ anebi Zakareya fanɛ e kaŋɛ basa na: “Ma Enyɛnpe Ebɔrɛ na daŋ nya agbo nna n wɔtɔ men nananyɛnana, ama nɛ men bɛta m ba ŋ kutɔ meeŋ sɔ menyi nseŋ chɛ menyi to.

Zakareya 1:2 ပူးပေါင်းရင်းမြစ်များ

2 Bewura 22:19

nseŋ chɛrga mbe nfɛra m bar mbe kumu kaseto ŋ kpɛa mbe asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Jerusalɛm be basa kusoe n shin nɛ k ki kakpa nɛ basa beeŋ baa lɔ kufu keyɔ nɛ kumo be ketre malɛ e ki kɔnɔsho n sa basa so. N nu mo ere be kabɔrɛkule,

2 Bewura 23:26

Ama Enyɛnpe Ebɔrɛ na kraŋ nya agbo ga n wɔtɔ Juda ŋkpal asɔ damta nɛ ewura Manase wora nɛ mbe agbo kaa ga na so.

Ɛzra 9:13

Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Jɛremaya 44:6

Amoso nɛ n chulgi ma agbogboŋ n wurge Juda be ndeana nɛ Jerusalɛm be agbembi so nseŋ puga edɛ n lɛ amo so na. A daŋ ba dese fuloŋ nna nseŋ ki mboŋ nɛ amo be asheŋ bee chinchiŋ basa nsaa keta kufu hale nɛ mbre.

Nfabel 5:7

An nananyɛnana e daŋ wora alubi, bumo alɛ maŋ naa wɔtɔ naniere. Anyi e wɔtɔ a ji bumo be alubi na be awurfoŋ.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.

Zakareya 7:12

nseŋ wora bumo be ŋgbene kpakpa fanɛ awarabi nsaa maa kaŋ asoe a nu mmalga nɛ ma, Enyɛnpetale Ebɔrɛ na be Kiyoyu bɔla anebi juŋkparsoana so n ta n sa bumo na ŋko a bɛ ma mbra so. Amoso n daŋ nya agbo nna ga n wɔtɔ bumo.

Zakareya 8:14

Ade be kaman nɛ Enyɛnpetale Ebɔrɛ na naŋ kaŋɛ: “Men nanaana ka daŋ shin nɛ n nya agbo na, n daŋ kre fanɛ meeŋ shin nɛ b ji jɛrbi nna nseŋ shin nɛ loŋ wora.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.