Zakareya 1:17 - EBƆRƐ BE KAWƆL

¹⁷ Kumo be kaman nɛ Malaika na naŋ kaŋɛ ma fanɛ Enyɛnpetale Ebɔrɛ na yɛ: “Ma ndegboŋana na beeŋ naŋ dii dama. Ma alɛ beeŋ naŋ chɛ Jerusalɛm to nseŋ naŋ sɔ kumo ŋ ki ŋ gbagba be kadegboŋ.”

Zakareya 1:17 ပူးပေါင်းရင်းမြစ်များ

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Zakareya 2:12

Juda beeŋ naŋ laŋɛ ŋ ki Enyɛnpe Ebɔrɛ na peya ashi mbe kasawule cheembi so nɛ Jerusalɛm e ki kadegboŋ mo nɛ e bee sha ga.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Obadaya 1:20

Israɛl be benapo nɛ b pɛ n yɔ Keenan na beeŋ bɛta m ba kɔ n sɔ nsawule loŋ hale n ya fo Zarefat. Jerusalɛm be benapo nɛ b wɔ Sefarad naniere malɛ beeŋ ba kɔ n sɔ keshishɛrsawule be ndeana.

Ezikɛl 36:33

Nɛ Enyɛnpetale Ebɔrɛ na naŋ kaŋɛ le: “Kachɛ nɛ meeŋ kpra menyi be alubi ashi menyi so na nɛ meeŋ naŋ shin nɛ men chena menyi be ndegboŋana to nseŋ lɔŋɛ alambure na m pɔr.

Aizaaya 66:13

Kananɛ ebinio bee lolo mbe kebia na nɛ ma alɛ gba beeŋ baa lolo menyi ashi Jerusalɛm to.

Aizaaya 54:8

N daŋ nya agbo nna m pal kaman n sa menyi jemanɛ gbrɛbi ko, ama meeŋ naaŋ wu menyi kuwɔr nseŋ sha menyi mbaanaayɔ. Kusɔ nɛ ma, Enyɛnpe Ebɔrɛ, nɛ n la menyi be emɔlgapo na bee kaŋɛ menyi nna na.”

Aizaaya 52:9

Menyi Jerusalɛmebi nɛ menyi be kade daŋ bure a dese na, e baa wora awɔr kagbenefuliso! Enyɛnpe Ebɔrɛ na beeŋ kɔ m mɔlga mbe kadegboŋ nseŋ lolo mbe basa.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Nshɛ 69:35

Ebɔrɛ beeŋ sɔ Jerusalɛm n yige nseŋ lɔŋɛ m pɔr Juda be ndeana, nɛ mbe basa e baa wɔ amo to ashi bumo gbagba be kasawule so.

Nehemaya 11:20

Israɛlebi be basa nɛ b ka na nɛ bɔrɛmatapoana nɛ Livaiebi na kikɛ da chena bumo be amu so nna ashi Juda be efuli so be nde to.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Zakareya 3:2

Ndoŋ nna nɛ Enyɛnpe Ebɔrɛ be malaika na kaŋɛ Setani le: “Enyɛnpe Ebɔrɛ na e fiɛ fo so, Setani! Enyɛnpe Ebɔrɛ nɛ mbe kasha wɔ Jerusalɛm so na e fiɛ fo so. Kanyɛn ere du fanɛ kadɛdibi nɛ b pee edɛ to nna.”

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.

Jɛremaya 33:13

Mbolpɔkpapoana beeŋ naa karga bumo be mbolpɔ ashi nde nɛ a wɔ apreŋsawule so nɛ abeemase nɛ Juda be kelargato be kaseto nɛ Bɛnjamin be yiri be kebonfu to nɛ ndewurbi nɛ a kulti Jerusalɛm be kadegboŋ na nɛ ndeana nɛ a wɔ Juda be efuli so kikɛ to. Ma, Enyɛnpe Ebɔrɛ e kaŋɛ na.”

Jɛremaya 31:13

Saŋɛ na so mbifɔlbi nɛ basa kpar kikɛ cha abar n ji eyur nseŋ cha kagbenefuliso Ŋkpal manɛ so, meeŋ lolo bumo nseŋ shin nɛ bumo be kushu e ki emushe nɛ bumo be kagbenejija e ki kagbenefuli.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Nehemaya 11:3

Bekama nɛ b wɔ nde nɛ a wɔ Juda be efuli so na daŋ chena bumo gbagba be nsawule so nna ashi bumo be nde to nsaa ji bumo be amu so. Bumo e daa la Israɛlebi na be beko nɛ bɔrɛmatapoana na nɛ Livaiebi na nɛ bɔrɛlambu na to be beshumpo na nɛ ewura Sɔlɔmɔn be nyɛrbi be kaman to ebi.

Zakareya 1:14

Nɛ malaika na malɛ kaŋɛ ma fanɛ m ber kusɔ nɛ Enyɛnpetale Ebɔrɛ na kaŋɛ na be kubomboŋ. E yɛ: “Mee sha Jerusalɛm nɛ k la ma kadegboŋ cheembi na alegaiso,

Zakareya 1:18

Ade be kaman nɛ n naŋ ku bɔrɛdare ko n wu asɔbɔya be alambɛ ana ko.

Zakareya 2:4

nseŋ kaŋɛ mo le: “Shile n ya kaŋɛ kabrantiɛbia nɛ e kɔ efɔl karga asɔ to na fanɛ Jerusalɛm to be basa nɛ asɔbɔya beeŋ ba wora keshi ga nɛ b maaŋ naŋ tiŋ m pɔr egbal gba ŋ kulti kumo.

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”