Zakareya 1:16 - EBƆRƐ BE KAWƆL

¹⁶ Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 1:16 ပူးပေါင်းရင်းမြစ်များ

Job be kawɔl 38:5

Wanɛ e chaŋ kumo be mparto nɛ nteŋ to? M maŋ tama fo ka nyi.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 34:11

Egbuŋgbula nɛ kupuŋ to be asɔbɔya be yiri yiri e naaŋ sɔ kasawule na kikɛ so a wɔtɔ. Enyɛnpe Ebɔrɛ na beeŋ shin nɛ k naaŋ ki kasawule fuloŋ n dese fanɛ kananɛ k daa du kasɔto be jemanɛ so na.

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Ezikɛl 40:3

Nɛ Enyɛnpe Ebɔrɛ na firgi ma n taga amo to nɛ wu esa ko nɛ e bee nyɛkpɛ fanɛ b ka fifɛa danyaŋ so na, nɛ e kɔ wajɛchɛbi be kusɔ nɛ baa ta a karga asɔ be nteŋ nɛ kekpabi nɛ b kɔ a karga asɔ na mbe enɔ to nsaa yil kabunagboŋ ase ashi bɔrɛdare na to.

Ezikɛl 47:3

Nɛ kanyɛn na ta mbe efɔl karga asɔ ŋ karga ateŋgreŋ alfa anu nɛ adeshe m bɛ kabombi na so ŋ gbelge to a yɔ epeŋilarkpa be kaba so nseŋ kaŋɛ ma fanɛ n luri nchu na to a nite to ndoŋ. Nchu na daa fo ma anaŋgbeltobi to nna.

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Heegai 1:14

Enyɛnpetale Ebɔrɛ na daŋ ta kenishipere nna n wɔtɔ Zerubabel nɛ e daa la Juda be efuli so be gomena nɛ Joshuwa nɛ e daa la bɔrɛmatapo nimuso na nɛ basa b daŋ pɛ n yɔ efuli pɔtɛana so nɛ b bɛta m ba na to nna nɛ b fara Enyɛnpetale, bumo be Ebɔrɛ na be bɔrɛlambu na kapɔr.

Zakareya 10:6

Meeŋ sa Juda be basa eleŋ, nseŋ mɔlga Israɛl be basa. Meeŋ wu bumo kuwɔr nseŋ bɛta bumo kikɛ m ba epe. Baaŋ baa du fanɛ basa nɛ m maŋ naŋ kini ŋ ku so nna. Ma e la Enyɛnpe bumo be Ebɔrɛ na; ma alɛ beeŋ nu bumo be kabɔrɛkule.

Zakareya 2:4

nseŋ kaŋɛ mo le: “Shile n ya kaŋɛ kabrantiɛbia nɛ e kɔ efɔl karga asɔ to na fanɛ Jerusalɛm to be basa nɛ asɔbɔya beeŋ ba wora keshi ga nɛ b maaŋ naŋ tiŋ m pɔr egbal gba ŋ kulti kumo.

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

Zakareya 2:6

Kumo be kaman nɛ Enyɛnpe Ebɔrɛ na kaŋɛ mbe basa le: “Ma e daŋ pesaŋ menyi to n sɔ kaplɛkama. Ama naniere men shile Babilɔn be efuli nɛ k wɔ kelargato be esoso na so m bɛta m ba Jerusalɛm to.”

Zakareya 4:9

“Zerubabel e nase bɔrɛlambu na be gbaltɔlase, mo alɛ beeŋ pɔr kumo n loge. Nɛ loŋ kaŋ wora, ma basa beeŋ pin fanɛ ma, Enyɛnpe Ebɔrɛ na, e shuŋi fo bumo kutɔ.

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.