Zakareya 1:12 - EBƆRƐ BE KAWƆL

¹² Nɛ malaika na kaŋɛ: “Enyɛnpetale Ebɔrɛ, fo ka nya agbo n wɔtɔ Jerusalɛm nɛ nde nɛ a wɔ Juda be efuli so na be nfɛ adushunu nde. Saŋɛ mo nɛ feeŋ wu bumo kuwɔr?”

Zakareya 1:12 ပူးပေါင်းရင်းမြစ်များ

2 Kronikɛls 36:21

Ndoŋ nna nɛ Israɛl be kasawule na dese nfɛ adushunu nɛ esa maŋ wɔ kumo so, nɛ kusɔ nɛ Enyɛnpe Ebɔrɛ daŋ bɔla anebi Jɛremaya so ŋ kaŋɛ fanɛ kasawule na beeŋ ki keshishɛrsawule n dese nfɛ adushunu na, bɔlɔ so.

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 69:5

Fo nyi ma kawuliso be alubi kikɛ. Amo be kukoŋwule kama maŋ ŋana fo so.

Nshɛ 74:10

O Ebɔrɛ, saŋɛ mo nɛ an doŋana beeŋ yige kebaa tege anyi nɛ kebaawora fo eyur to?

Nshɛ 79:5

O Enyɛnpe Ebɔrɛ, fo nya agbo n wɔtɔ anyi nna mbaanaayɔ a? Fo agbo kraa beeŋ baa suse fanɛ edɛ nna a?

Kaŋinichiŋgeliŋ 3:3

Mo e yili luwu nɛ eyur be alenfia be saŋɛ, nseŋ yili keda n lɛ nɛ kepɔr be saŋɛ.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 15:17

N daa maŋ jija ma saŋɛ n tu basa pɔtɛ a mushe a ji ma kumu. Ama n nawule e daa wɔtɔ fanɛ kananɛ fo kaŋɛ na, nɛ kanya agbo wɔ ma kagbene to.

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Danɛl 12:6

Nɛ basa na be eko bishi malaika nɛ e yil lɔr na be esoso be kaba so na le: “Saŋɛ mo nɛ mamachi be asheŋ ere beeŋ fo amo be ekar?”

Danɛl 9:2

Mbe kuwura be kafɛ juŋkparso to nɛ n daa koya nwɔl cheembi na nsaa fɛ kananɛ Enyɛnpetale Ebɔrɛ na kaŋɛ anebi Jɛremaya fanɛ Jerusalɛm beeŋ mur nɛ esa kikɛ maa naa wɔ kumo to n ya fo nfɛ adushunu na be asheŋ.

Habakuk 1:2

O, Enyɛnpe Ebɔrɛ, ale afanɛ bre nɛ meeŋ kule fo pɔɛŋ nɛ fo nu nseŋ mɔlga ma ashi basa nɛ baa nyaŋɛto a wɔtɔ basa na be enɔ to?

Zakareya 1:8

Ashi edare na to n daŋ wu esa ko ka dii gbaŋɛ peper nna m ba yili ndibi ko be afito ashi ketaŋɛ ko to, nɛ egbaŋɛ peper kpaw nɛ bepeper kunɔkunɔ nɛ befuful ko malɛ yil mbe kaman.

Zakareya 7:5

E yɛ: “Kaŋɛ efuli na so ebi nɛ bɔrɛmatapoana na fanɛ mannɛ ma ere be kemaŋkura so nɛ b daa kishi nsaa shu nli kufɔl nusopo nɛ keshunusopo na to nfɛ adushunu nɛ a choŋ na.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”