Taites 3:5 - EBƆRƐ BE KAWƆL

⁵ E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

Taites 3:5 ပူးပေါင်းရင်းမြစ်များ

Job be kawɔl 15:14

Dimɛdi kikɛ maŋ wɔtɔ nɛ e maŋ wora kulubi nsaa la esa niŋiso Ebɔrɛ be anishito.

Job be kawɔl 25:4

Esa kikɛ maaŋ tiŋ ŋ kaŋɛ fanɛ mo ere maŋ wora n jija Ebɔrɛ be anishito.

Job be kawɔl 9:20

Nɛ fanɛ m maŋ wora n da so gba, ma kɔnɔ to be mmalga beeŋ ji m biri ma.

Nshɛ 130:7

Israɛlebi, men yirda Enyɛnpe Ebɔrɛ na! Ŋkpal manɛ so, mbe kasha nɛ k maa chɛrga na maa loge kikɛ; mo alɛ kɔ eleŋ nɛ e tiŋ m mɔlga menyi.

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Aizaaya 57:12

Menyee fɛ fanɛ kusɔ nɛ menyee wora na daga nna, ama meeŋ shin nɛ menyi be asheŋ woraso e lar efuli nɛ menyi be agbirana e chɛ menyi to ŋ gben.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Matiu 3:11

Nchu nɛ ma ere kɔ a bɛr menyi kabɔrɛbɛr a ŋini fanɛ men lar menyi be alubi to, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga, hale m maŋ fo mbe aya to be shishɛr gba so.

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.

Luuk 1:54

E shin nɛ mbe kɔnɔ nɛ e nase n sa an nanaana na bɔla so nseŋ ba mbe kenya Israɛl be kechɛto to.

Luuk 1:72

E yɛ e beeŋ wu an nanaana kuwɔr n nyiŋi mbe kɔnɔ naseso cheembi na.

Luuk 1:78

An be Ebɔrɛ la kuwɔrwupowura a du cheembi nna,

Romebi 11:14

Shere mee wora loŋ, meeŋ tiŋ n shin nɛ kayɛlga e pɛ ma basa nɛ loŋ e tiŋ n shin nɛ bumo be beko e nya kumɔlga.

Romebi 11:6

K ka baa la kuwɔr be kakɛ be asheŋ ere bre, k maŋ naa la ashuŋ shunso be asheŋ, nɛ k daa la ashuŋ shunso be asheŋ nna, kumo ere Ebɔrɛ be kuwɔr be kakɛ na daa maaŋ naa la kuwɔr be kakɛ.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 3:28

Ŋkpal manɛ so, kusɔ nɛ an baa kɔ to e la fanɛ yirda e naa shin nɛ esa bee ji a lar Ebɔrɛ be anishito, mannɛ kebaabɛ mbra na be asheŋ woraso so.

Romebi 4:5

Ama esa nɛ e lara mbe yirda ashi mbe ashuŋ shunso to n lɛ nseŋ ta yirda na n deŋi Ebɔrɛ nɛ e bee shin nɛ alubiworapoana bee ji a lar mbe anishito na so, loŋ be yirda na beeŋ ki alelasheŋ Ebɔrɛ be anishito n sa mo.

Romebi 9:11

Ama pɔɛŋ nɛ b kurge mbia na nɛ b wora kelela ŋko kulubi Ebɔrɛ daŋ kaŋɛ Rebɛka nna le:

Romebi 9:16

Amoso, k maŋ la kusɔ nɛ k bee wora ŋkpal nyiŋgbasa be kusɔ nɛ e bee sha so ŋko mbe ashuŋ shunso so, k la Ebɔrɛ be kuwɔr nna.

Romebi 9:30

To, naniere, nuso nɛ anyeeŋ kaŋɛ? Kumo kikɛ nde fanɛ saŋɛ na nnyamase daa maa fin bumo nɛ Ebɔrɛ be nferinto be kelela, ama naniere bre b bɔla yirda so n nya loŋ be kebaawɔtɔ.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Galeeshaebi 2:16

baa nyi fanɛ esa be kebaabɛ mbra na so maa shin nɛ Ebɔrɛ bee kaŋɛ fanɛ e ji n lar ama e bɔla Yesu Kristo so nna n yirda. Amoso, anyi alɛ gba ta anyi be yirda nna n deŋi Yesu so nɛ Ebɔrɛ e bɔla Kristo na so n shin nɛ an ji n lar, ama mannɛ ŋkpal anyi be kebaabɛ mbra na so so, ŋkpal manɛ so, kebaabɛ mbra na so maaŋ tiŋ n shin nɛ esa kikɛ e ji n lar Ebɔrɛ be anishito kikɛ.

Ɛfesesebi 2:4

Ama ŋkpal Ebɔrɛ be kuwɔr ka shi ga so nɛ ŋkpal e ka bee sha anyi ga so

Ɛfesesebi 4:23

A daga fanɛ men be ŋgbene nɛ nfɛra kikɛ ka ki asɔ popɔr nyam.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

Taites 3:4

Ama Ebɔrɛ, an be Emɔlgapo ka ba lara mbe kelela nɛ kasha ŋ ŋini basa kikɛ na nɛ e mɔlga anyi. Mannɛ anyi gbagba be kelela be asheŋ woraso ko so nɛ e mɔlga anyi.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 4:16

Amoso, naniere, men shin nɛ an nya kagbene m ba Ebɔrɛ na be kuwurputiakpa, kakpa nɛ kuwɔr be kakɛ wɔ na. Ndoŋ nɛ Ebɔrɛ beeŋ wu anyi kuwɔr nɛ an nya kuwɔr be kakɛ mo nɛ k beeŋ chɛ anyi to saŋɛ nɛ k daga na.

Hibruwebi 6:6

Ade malɛ kikɛ nɛ b nyi nseŋ foe ekpa na. Amoso, kenaŋ bɛta bumo m ba kelar bumo be alubi to maaŋ tiŋ n wora, ŋkpal manɛ so, bumo ere naa gbir Ebɔrɛ Pibinyɛn na nna a mata kedibi largato na so nna na n naa ŋaba mo basa kikɛ be anishito.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Pita 2:10

Saŋko men daa maŋ la Ebɔrɛ be basa, ama naniere men la mbe basa nna. Saŋko Ebɔrɛ daa maŋ wu menyi kuwɔr, ama naniere men nya mbe kuwɔr.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.