Taites 2:14 - EBƆRƐ BE KAWƆL

¹⁴ E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Taites 2:14 ပူးပေါင်းရင်းမြစ်များ

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Nshɛ 130:8

Israɛlebi, Enyɛnpe Ebɔrɛ na beeŋ mɔlga menyi ashi menyi be alubi kikɛ to.

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 37:23

Bumo alɛ maaŋ naŋ bɔla kagbirshuŋ so n jija bumo be amu ŋko n wora alubi ŋ gbiti bumo be amu. Ma alɛ beeŋ sɔ bumo n yige ashi ekpa kama so nɛ baa bɔla so a wora alubi a debɔr ma na, nseŋ fɔr bumo so, nɛ b baa la ma basa, nɛ ma alɛ e baa la bumo be Ebɔrɛ.

Levitikɔs 25:41

Loŋ be kafɛ na mo nɛ mbe mbia beeŋ lar fo kutɔ m bɛta n yɔ mbe kanaŋ nɛ mbe kabunabi to.

Malakai 3:3

Mbe demu be keji beeŋ baa du nna fanɛ b ka ŋalga gbiti a lara amo be eyurpi nna. Kananɛ bɔyɛpo bee ŋalga gbiti nɛ shuwa a lara amo be eyurpi na, nɛ Enyɛnpe gba beeŋ fɔr bɔrɛmatapoana na so, saŋɛ na so baaŋ ta esarga nɛ a daga m ba sa mo Enyɛnpe Ebɔrɛ na.

Nɔmbɛs 25:13

Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Baru lela nɛ Jɔn kute na 10:15

fanɛ kananɛ Etuto na nyi ma nɛ ma alɛ gba nyi Etuto na. Ma alɛ bee ta ma kumu nna a mɔ a sa bumo.

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Ashuŋ Shunso 15:14

Naniere nɛ Saimɔn kute kananɛ Ebɔrɛ fara n sha nnyamase na n lara bumo to be basa nɛ baaŋ baa la mo peya.

Ashuŋ Shunso 15:9

E maŋ ŋini fanɛ an kɔr bumo to. Bumo be yirda so nɛ e ta bumo be alubi m paŋ bumo.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 9:36

Kache ko daa la eyirdapo a wɔ Jɔpa nɛ baa tre mo Tabita. Mbe Griik tre e la Dɔɔkas. Kumo be kifito e la Chibir. Kelela nɛ e daa wɔtɔ a wora saŋkama nsaa chɛ betirpo to.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Ditɛronɔmi 26:18

Ŋkpal loŋ so, Enyɛnpe Ebɔrɛ na gba sɔ menyi fanɛ mo gbagba be basa nɛ e bee sha ga kabre, fanɛ kananɛ e nase kɔnɔ na. Mo alɛ bee kaŋɛ menyi nna fanɛ men baa wora mbe mbraana kikɛ kasonu.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 7:6

A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.

1 Timoti 1:15

Le be kamalga ere la kashenteŋ nna, kumo alɛ maŋ kɔ emɔrɔ kikɛ fanɛ: Kristo Yesu ba durnya to nna nɛ e ba mɔlga basa ashi bumo be alubi to, ma alɛ be alubi e shi a chɔ ekama peya.

1 Timoti 2:10

Asɔ nɛ a daga b ka wora nɛ basa e wu e la alelasheŋ nɛ a daga beche nɛ b yɛ baa bunyaŋ Ebɔrɛ.

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

Taites 2:7

Kusɔ kama nɛ fo alɛ gbagba bee wora, shin nɛ k baa la kesheŋ nɛ basa beeŋ tiŋ ŋ keni so n wora asheŋ lela. Baa kɔ kashenteŋ nɛ kenishipere a wɔtɔ fo keŋini to.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 10:24

Men shin nɛ an baa nyiŋi a leŋ abar to a wɔtɔ kasha nɛ aworbi lela to.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.