Taites 2:12 - EBƆRƐ BE KAWƆL

¹² Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Taites 2:12 ပူးပေါင်းရင်းမြစ်များ

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Nshɛ 4:3

Men nyi fanɛ Enyɛnpe Ebɔrɛ na, ta basa nɛ baa wora asheŋ niŋiso nna ŋ ki mbe mbia; saŋkama nɛ n shu n tre mo, e bee nu ma kekule nna.

Ezikɛl 36:27

Ma alɛ beeŋ ta ma kiyoyu n wɔtɔ menyi to nseŋ shin nɛ men bɛ ma mbraana nɛ keŋini kikɛ so kenishipereso.

Matiu 12:32

Esa kama nɛ e malga ŋ gbiti ma, Nyiŋgbasa Pibinyɛn beeŋ tiŋ n nya kumo be keyigempaŋ, ama ekama nɛ e malga ŋ gbiti Kiyoyu Cheeŋ na maaŋ nya kumo be keyigempaŋ kikɛ, jemanɛ ere so ŋko jemanɛ nɛ k bee ba na.”

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 1:75

n shin nɛ an shuŋ mo a maa ŋana nɛ an baa du cheembi a maa kɔ kulubi kikɛ mo kutɔ ashi an be ŋkpa ere to kikɛ.

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

Baru lela nɛ Jɔn kute na 6:25

B ka ya wu mo kepagboŋ na be kaba ere so ndoŋ nɛ b bishi mo: “Eŋinipo, saŋɛ mo nɛ fo fo nfe?”

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

Ashuŋ Shunso 24:25

Ama Pɔɔl ka ba kaa malga alela be kebaawora nɛ kamootiŋ nɛ Ebɔrɛ be demujiachɛ be asheŋ nɛ kufu pɛ Filiks nɛ e kaŋɛ: “Feeŋ tiŋ a yɔ naniere. N naŋ nya kachena meeŋ naŋ tre fo.”

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 6:12

Amoso, men sa maŋ naa shin nɛ alubi e baa pɔɔ menyi be eyurana nɛ a beeŋ wu ere so nɛ men baa nu a sa amo be ayɛlgasɔ lubiana.

Romebi 6:19

Enyiŋgbasa be nfɛra be kaplɛa so nɛ mee ber kesheŋ ere a sa menyi nna, ŋkpal manɛ so, loŋ e naaŋ shin nɛ men pin amo to. Saŋko men daŋ ta menyi be amu kikɛ nna nyam ŋ ki kusɔjigaya nɛ dalubisheŋ be anya a wɔtɔ a wora asheŋ nɛ a maŋ daga. Naniere loŋ koŋwule na e daga fanɛ men naŋ ta menyi be amu kikɛ nyam ŋ ki alelasheŋ be anya a wɔtɔ a wora asheŋ nɛ a daga a du cheembi.

Romebi 8:13

Ŋkpal manɛ so, nɛ men baa bɛ menyi be kapɔr lubiana ere be keŋini so, menyeeŋ wu, ama nɛ men baŋ bɔla Kiyoyu na so n jija kapɔr lubi ere be ashuŋ lubi na, menyeeŋ nya ŋkpa.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Kɔlɔsiebi 1:22

Ama naniere, Etuto na shin nɛ menyi nɛ mo naŋ nyalɛ ŋkpal Yesu be luwu nɛ e wu na so. Kumo e naaŋ shin nɛ men baa du cheembi nɛ esa kikɛ e sa maŋ tiŋ n wu menyi alubi ŋko n ji men be kebaawɔtɔ emɔrɔ jemanɛ nɛ Yesu Kristo beeŋ yɛr menyi Ebɔrɛ kutɔ na.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

1 Tɛsalɔnikaebi 4:9

Kananɛ menyeeŋ baa sha men braana beyirdapo bre maŋ naŋ daga an ka naŋ sibɛ ŋ kaŋɛ menyi kumo be asheŋ. Ebɔrɛ teŋ ŋ ŋini menyi gbagba kananɛ menyeeŋ baa sha abar.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

1 Timoti 6:9

Ama basa nɛ baa sha kedii dama bee luri kechɔŋkeni to nna n tɔr kawulisheŋ nɛ ayɛlgasɔ damta be kejigbelɛ to nɛ a doro bumo m mur bumo.

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Hibruwebi 8:11

Saŋɛ na baŋ fo, bumo be ekama maaŋ kaŋɛ mo barkasa ŋko ŋ kaŋɛ mbe efuli so be esa kama fanɛ: ‘Pin Enyɛnpe na.’ Ŋkpal manɛ so, baŋ yili bumo be ebibiso n ya fo bumo be ejuŋkparpo, ekama nyam beeŋ baa nyi ma.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.

1 Jɔn 2:6

Ekama malɛ nɛ e bee kaŋɛ fanɛ e wɔ Ebɔrɛ na to, a daga fanɛ amodoŋwura e baa wora asheŋ fanɛ kananɛ Yesu daa wora na.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

Juud 1:18

B daŋ kaŋɛ menyi fanɛ: “Lalaloge be nchɛ na kaŋ fo, basa beeŋ lar n wora menyi eyurto, basa nɛ baaŋ ba kaa bɛ bumo gbagba be kabɔrɛkiniso be ayɛlgasɔ lubiana so.”

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.