Taites 2:10 - EBƆRƐ BE KAWƆL

¹⁰ A daga fanɛ b baa ŋini fanɛ saŋkama b la anya lela nna a maŋ kɔ kebirkɔnshi a wora asheŋ. Loŋ na Ebɔrɛ, anyi be Emɔlgapo be asheŋ ŋiniso na beeŋ nya mbo ashi asheŋ nɛ baa wora kikɛ to.

Taites 2:10 ပူးပေါင်းရင်းမြစ်များ

Nshɛ 101:6

Basa nɛ b kɔ kashenteŋji nɛ meeŋ shin nɛ b baa wɔ ŋ kutɔ a ji ma asoe to. Basa nɛ b maŋ kɔ amoso malɛ e naŋ ki ma ekrachi a shuŋ a sa ma.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Matiu 24:45

Nɛ Yesu bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 1:47

Ma kagbene fuli ŋkpal Ebɔrɛ ma Emɔlgapo so,

Luuk 1:80

Nɛ kebia na daŋ eyur to a kɔ Kiyoyu Cheeŋ na be eleŋ ga. Kiyi to nɛ e daa wɔ n ya fo jemanɛ nɛ e fara a bɔ mbe kubɔya a sa Israɛlebi na.

Luuk 16:10

Esa nɛ feeŋ tiŋ n yirda n ta kusɔbi n sa mo nɛ e tiŋ ŋ keni kumo so la esa nɛ e beeŋ tiŋ ŋ keni kusɔgboŋ gba so nna. Esa kama malɛ nɛ e kɔ kebirkɔnshi kusɔbi to, beeŋ baa kɔ kebirkɔnshi kusɔgboŋ gba to.

Baru lela nɛ Jɔn kute na 12:6

Mannɛ fanɛ betirpo be asheŋ ka tir mo so so nɛ e daŋ kaŋɛ loŋ, ama e daa la eyu nna. Mo e daa la katuŋ na be amansherbikenipo, amoso, e daa wɔtɔ nna a lara amansherbi na be ako a wɔtɔ mbe jifa to.

1 Kɔrintebi 4:2

Kusɔ nɛ k baŋ daga esa nɛ b ta nɛ e baa keni asɔ so e la fanɛ e sa maa lar mo nyɛnpe kaman.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 4:8

Ŋ kurgepoana, ma kamalga be ekar nde fanɛ men shin nɛ asɔ lela nɛ a daga kapandi e bɔlɔ men be nfɛra to. Loŋ be asɔ na e la kashenteŋ be asɔ nɛ asɔ nɛ a maŋ kɔ eyurpi amo to nɛ asɔ nɛ amo be asheŋ bee bɔla ekpa nɛ asɔ nɛ a bee par basa nɛ asɔ nɛ a walɛ kenya nɛ asɔ nɛ a daga kesa bunyaŋ. Loŋ be asɔ ere kikɛ e daga fanɛ men baa fɛ amo be asheŋ.

1 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ an be Emɔlgapo be keparso nɛ Kristo Yesu nɛ an be tama wɔ mo so na kutɔ nna

1 Timoti 5:17

Asɔri to be benimu nɛ baa juŋkpar bumo be basa nɛnɛ daga b ka bunyaŋ bumo ga, fɔnfɔŋ bumo nɛ baa bɔ kubɔya na nɛ bumo nɛ baa ŋini abɔrɛsibɛ na.

1 Timoti 6:1

A daga fanɛ anya kikɛ e baa sa bumo nyɛnpeana bunyaŋ kikɛ nɛ k daga nɛ basa pɔtɛ e sa maŋ nya ekpa m malga kulubi kikɛ ŋ gbiti Ebɔrɛ be ketre ŋko anyi be keŋini na.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.

Taites 3:4

Ama Ebɔrɛ, an be Emɔlgapo ka ba lara mbe kelela nɛ kasha ŋ ŋini basa kikɛ na nɛ e mɔlga anyi. Mannɛ anyi gbagba be kelela be asheŋ woraso ko so nɛ e mɔlga anyi.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.

2 Jɔn 1:9

Esa kama nɛ e maa shir a wɔ Kristo be keŋini na to nsaa ta asheŋ a ti amo so, maŋ kɔ Ebɔrɛ mo to. Ama ekama nɛ e shir a wɔ Kristo be keŋini na to, kɔ Etuto na nɛ Ebinyɛn na kikɛ mo to.

1 Samuɛl 22:14

Ndoŋ nna nɛ Ahimɛlɛk malɛ kaŋɛ le: “Fo benimuana ere be ekama maŋ wɔtɔ a ji kashenteŋ fanɛ Deevid. E la fo sha nna nseŋ naa la fo benapo nɛ baa kuŋ fo na be enimu nseŋ naa kɔ bunyaŋ gba ashi fo laŋ to ebi kikɛ kutɔ.

1 Samuɛl 26:23

Beshenteŋjipo nɛ basa cheembi nɛ Enyɛnpe Ebɔrɛ bee nɛfa. E ta fo nna m bɔɔ ma enɔ kabre, ama ma alɛ maŋ wora fo shɛŋ ŋkpal fo ka la Enyɛnpe Ebɔrɛ na be ewura lara so so.