Taites 1:7 - EBƆRƐ BE KAWƆL

⁷ A daga fanɛ asɔri to be enimu ŋinipo nɛ e bee keni Ebɔrɛ be asɔri to ebi so na e sa maa kɔ kulubi kikɛ mbe kebaawɔtɔ to. A maŋ daga fanɛ e baa sha mo nawule be aparsheŋ ŋko a nya agbo manaŋ manaŋ ŋko a sha nsa ga ŋko a du nyaŋnyaŋ ŋko a ŋana a wɔ alubi be ekpa ko to a fin amansherbi.

Taites 1:7 ပူးပေါင်းရင်းမြစ်များ

Jɛnesis 49:6

M maaŋ ta ma kɔnɔ n wɔtɔ bumo be wulo be mmalga to, ma alɛ nɛ bumo maaŋ shɛr ŋ kre asheŋ kikɛ. Ŋkpal manɛ so, b kaa agbo m mɔ basa nseŋ tuge asɔbɔya be aya be achin kenyaŋnyaŋɛso nɛ a ki ebobi.

Aŋasa 14:17

Esa nɛ e bee nya agbo manaŋ manaŋ maa kraa wora a foe. Enyiashempo bre bee wushi eyur nna a wora asheŋ.

Aŋasa 15:18

Esa nɛ e bee nya agbo manaŋ manaŋ kikɛ bee bar kolu nna, ama enyitipo bre bee kuŋ kolu nna.

Aŋasa 16:32

Kanyiti be keji bɔ kenyɛn be keji. Enyitipo chɔ enapo nɛ e kɔ m pɔɔ nde damta so.

Kaŋinichiŋgeliŋ 7:9

Bewulpo e naa nya agbo manaŋ manaŋ nsaa ta asheŋ a wɔtɔ kagbene to.

Aizaaya 28:7

Anebiana nɛ bɔrɛmatapoana gba boo nna a jante. B nuu yabra nɛ nsa booso ga nna hale nɛ bumo be nfɛra mel to. Anebiana na kaa bee boo ga so, b maŋ naa pin ebɔrɛdare nɛ Ebɔrɛ sa bumo na to. Bɔrɛmatapoana na malɛ gba kaa bee boo ga so, b maŋ naa tiŋ a ji asheŋ nɛ basa bee ta a ba bumo kutɔ nɛnɛ.

Ezikɛl 44:21

Bɔrɛmatapoana maŋ daga fanɛ b nuu yabra pɔɛŋ nseŋ luri bɔrɛlambu na be epunto be kelɔnɛ na to.

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Matiu 24:45

Nɛ Yesu bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Taites 1:5

N daŋ yige fo Kriit nna nɛ fo wora asheŋ nɛ a daŋ ka kewora na nna. Asheŋ nɛ n daŋ ta m bɔɔ fo enɔ na e daa la fanɛ kade kama be asɔri to, fo lara benimu n sa ndoŋebi.

Taites 2:3

Loŋ koŋwule na e daga fo ka kaŋɛ bechekparana na fanɛ b baa kɔ kebaawɔtɔ cheembi. A maŋ daga fanɛ b baa la emalaŋfiki ŋko n shin nɛ kasanuu e baa pɔɔ bumo so.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

2 Pita 2:10

fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,