Taites 1:6 - EBƆRƐ BE KAWƆL

⁶ Ŋ kaŋɛ fo fanɛ a maŋ daga loŋ be basa ka kɔ eda lubi. A daga fanɛ loŋ be basa e baa la beche koko wuraana nɛ bumo be mbia malɛ e baa la beyirdapo a kɔ kasonu nɛ esa kikɛ e sa maŋ nya ekpa ŋ kuli bumo ŋkpal bumo be kusɔjigaya be kebaawɔtɔ so. A daga fanɛ b baa kɔ kebaawɔtɔ lela.

Taites 1:6 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Aŋasa 28:7

Enyiashempo e naa bɛ mbra so. Esa nɛ e bee ta basa nɛ b maa fɛ nfɛra pɔɛŋ nsaa wora asheŋ keteri, bee wɔtɔ mo tuto anishinyɔr to nna.

Ezikɛl 44:22

Bɔrɛmatapowura kikɛ maŋ daga fanɛ e ta eche nɛ mo kul kini mo. A daga fanɛ e ta Israɛl to be eche nɛ e maŋ nyi enyɛn ŋko eche nɛ mo kul daa la bɔrɛmatapo nseŋ wu ŋ ka nawule nna.

Levitikɔs 21:14

mannɛ ekulpoche ŋko eche nɛ mo kul kini mo ŋko eche nɛ e daŋ ji kesakalea ŋ ku so. Eche nɛ e maŋ nyi enyɛn nseŋ shi mbe kanaŋ to a daga fanɛ e ta a kil.

Levitikɔs 21:7

A maŋ daga bɔrɛmatapo ka ta eche nɛ e ji kesakalea ŋ ku so ŋko eche nɛ e teŋ pin enyɛn ŋko eche nɛ mo kul kini mo, ŋkpal manɛ so, e la esa cheembi nna.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Luuk 1:5

Jemanɛ nɛ Ewura Hɛrɔd daa ji kuwura ashi Judiya be efuli so na, bɔrɛmatapo ko daa wɔtɔ nɛ baa tre mo Zakareya. E daa la Abija be bɔrɛmatapoana be katuŋ na to be eko nna. Mbe eche be ketre e daa la Elizabɛt. Mo alɛ gba daŋ shi bɔrɛmatapoana be kanaŋ to nna, Ɛɛrɔn be kanaŋ to.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

1 Tɛsalɔnikaebi 5:14

Anyee kule menyi bekurgepoana, men fiɛ betɔlpoana na so nseŋ leŋ befupo to n chɛ bepɔshipo malɛ gba to a ji bumo kikɛ kanyiti.

1 Timoti 1:9

Anyi alɛ naa nyi fanɛ Ebɔrɛ maŋ bar mbra na nna ŋkpal basa lela so. E bar kumo nna ŋkpal basa nɛ baa wora a da ntaŋ na so ŋko bumo nɛ b maa nu a sa Ebɔrɛ ŋko a bunyaŋ mo na so so. Alubiworapoana nɛ bumo nɛ b maŋ du cheembi nɛ bɔrɛkinipoana nɛ bumo nɛ baa mɔ bumo tutoana nɛ bumo nioana nɛ basa pɔtɛ na so e shin nɛ Ebɔrɛ bar mbra na.

1 Timoti 3:12

A daga fanɛ asɔri to be bechɛtopo e baa la beche koko wuraana nsaa tiŋ a shin nɛ bumo be beche nɛ mbia e baa nu a sa bumo nɛnɛ.

Taites 1:10

Ŋkpal manɛ so, amuleŋwuraana damta nɛ bumo be efɛ nɛ mmalga fuloŋ shi ndoŋ ga, fɔnfɔŋ bebɛsopo nɛ b shi Juwebi be kanaŋ to na.

1 Samuɛl 2:11

Kede be kaman nɛ Ɛlkana nɛ Haana bɛta n yɔ bumo be kade to Raama, ama kebinyɛnsobi Samuɛl bre daŋ shir bɔrɛmatapo Eli kutɔ nna ashi Shilo a shuŋ Enyɛnpe Ebɔrɛ na.

1 Samuɛl 2:22

Eli daŋ bel ga, mo alɛ nsaa nu kusɔ nɛ mbe mbinyɛnsobi na kɔ a ŋini Israɛlebi na hale n nu fanɛ mbia na bee tu beche nɛ baa shuŋ Enyɛnpe Ebɔrɛ be Nshɛr be wajɛbu na be kabuna to na nna a di keche nɛ kenyɛn.