Taites 1:5 - EBƆRƐ BE KAWƆL

⁵ N daŋ yige fo Kriit nna nɛ fo wora asheŋ nɛ a daŋ ka kewora na nna. Asheŋ nɛ n daŋ ta m bɔɔ fo enɔ na e daa la fanɛ kade kama be asɔri to, fo lara benimu n sa ndoŋebi.

Taites 1:5 ပူးပေါင်းရင်းမြစ်များ

1 Kronikɛls 6:32

B daa boŋ nshɛ ashi wajɛbu cheembi na ase nna pɔɛŋ nɛ ewura Sɔlɔmɔn ba pɔr bɔrɛlambu na.

Kaŋinichiŋgeliŋ 12:9

Ama ŋkpal eŋinipo na ka la enyiashempo so, e kraa ŋini basa asɔ nɛ mo ere nyi nna. E koya aŋasa nna nseŋ mige amo to nɛnɛ m pin amo be kashenteŋ kikɛ.

Aizaaya 44:7

Esa kikɛ maaŋ tiŋ n wora asɔ nɛ n wora ere. Esa kikɛ malɛ maaŋ tiŋ ŋ kaŋɛ kusɔ nɛ k beeŋ wora yili saŋɛ be sososo n ya fo kumo be lalaloge.

Levitikɔs 14:42

Kumo be kaman nɛ b ta ajembu ŋko ebirkesi pɔtɛ m pɔr nseŋ baga shishɛr popɔr n la egbal na.

Ashuŋ Shunso 11:30

B ka wora toto na n loge nɛ b ta amansherbi na n shuŋi Baanabas nɛ Sɔɔl nɛ b ya sa ndoŋ be asɔriebi be benimuana na.

Ashuŋ Shunso 14:23

Asɔri kama to, b daa lara benimu nna a sa kumo to be basa nseŋ daa ta kabɔrɛkule nɛ ekishi a ta basa na kikɛ a bɔɔ Enyɛnpe nɛ bumo be yirda daa wɔ so na enɔ.

Ashuŋ Shunso 2:11

Anyi be beko malɛ shi Rom nna a la Juwebi nɛ nnyamase nɛ b tuba a bɛ Juwebi be kabɔrɛbɛso na so na. Anyi be beko malɛ shi Kriit nɛ Areebia nna ŋkeshin nɛ anyi alɛ kikɛ bee nu b ka bee malga anyi be ŋgbarana to a kaŋɛ asheŋgboŋ nɛ Ebɔrɛ wora.”

Ashuŋ Shunso 27:12

Ndoŋ be ekulonyilikpa na ka daa maa la kakpa lela awo to so, basa na be bedamta daa sha keyige eyilikpa na nna nsaa wɔ ekuloŋgboŋ na to a bɛ teku na so a sha kewora ania n fo Finiks nɛ baaŋ tiŋ nna na. Ndoŋ daa la Kriit be ekulonyilikpa nna a kɔ nnɔ anyɔ, kukoŋwule daa wɔ epeŋitɔrkpa be jisoso be kaba so nna nɛ kukoŋwule malɛ daa wɔ epeŋitɔrkpa be bena so be kaba so. Ndoŋ nɛ b daa beeŋ tiŋ n shir a wɔ hale nɛ awo na be jemanɛ e ya choŋ.

Ashuŋ Shunso 27:13

Afubi ko ka chela n shi kelargato be kaseto be kaba so m ba nɛ basa na fara a tama fanɛ asheŋ nɛ b daŋ kre fanɛ baaŋ wora na beeŋ nyalɛ n sa bumo. Ndoŋ nna nɛ b gberge ekuloŋgboŋ na be kebɛlso gbɛgbɛso nɛ baa ta a lɛ nchu to nɛ k bee pɛ ekuloŋgboŋ na to a yili na ashi to nseŋ luri ekuloŋgboŋ na to n ta m mata Kriit be teku na be ekarso loŋ a yɔ.

Ashuŋ Shunso 27:21

Basa na ka ta nchɛ damta loŋ a maa ji shɛŋ nɛ kachako nɛ Pɔɔl koso n yili bumo to ŋ kaŋɛ: “M braana, a daga men ka daŋ bɛ ma kɔnɔ so n daŋ shir Kriit to nɛ an daŋ tiŋ ŋ gelge le be awurfoŋ nɛ jɛrbi nɛ anyee ji ere.

Ashuŋ Shunso 27:7

Ŋkpal afu na so ekuloŋgboŋ na daŋ nite nchu na so nna boeŋ boeŋ loŋ nchɛ damta ko pɔɛŋ nɛ an ba kpar Kenaidas so n yɔ. Ŋkpal kananɛ afu na daa ber a shɛr anyi to na so an daa maŋ tiŋ m bɔla kakpa nɛ an daŋ bɔla so na n yɔ anishito, amoso, Kriit be kepla na so be kakpa nɛ k daŋ kuŋ anyi ashi afu na to nɛ an daŋ bɔla n ya mata Salmoni ŋ kpar so n yɔ.

1 Kɔrintebi 11:34

Ekama nɛ akoŋ kɔ, amodoŋwura e ji epe, saŋɛ na so, men baŋ ba shɛr abar so, kumo be lalaloge maaŋ bar kasogberge. To, asheŋ nɛ a ka na bre, ŋ kaŋ ba, meeŋ ŋini menyi amo alɛ be afito.

1 Kɔrintebi 14:40

Ama a daga fanɛ men baa wora kusɔ kama nɛnɛ ekpa niŋiso so.

1 Kɔrintebi 4:17

Ŋkpal loŋ so, mee shuŋi Timoti men kutɔ nna. E la m pibi shaso nna nɛ esa nɛ meeŋ tiŋ n yirda ashi Enyɛnpe be kaplɛa so. E beeŋ nyiŋi menyi kananɛ ma kebaawɔtɔ du ashi Kristo Yesu to fanɛ kananɛ mee ŋini amo kaplɛkama ashi asɔri kama to na.

Kɔlɔsiebi 2:5

M baa maa wɔ menyi kutɔ geeŋ, ama men be asheŋ wɔ ma kagbene to ga. Ma kagbene malɛ fuli ma ga ŋkpal ŋ ka nyi men ka kɔ men be amu nɛnɛ nsaa yirda Yesu Kristo na kagbene koŋwuleso.

1 Timoti 1:3

Ŋ ka daa yɔ Masɛdonia, ŋ kaŋɛ fo fanɛ fo shir a wɔ Ɛfeses. Mee sha fanɛ fo baa kraa wɔ ndoŋ ŋkpal basa nɛ b wɔ ndoŋ a ŋini keŋini pɔtɛ nɛ a daga fo ka ju bumo loŋ to na so.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Taites 1:12

Bumo gbagba to be eko nɛ baa tre anebi na e daŋ kaŋɛ le: “Saŋkama Kriitebi la befɛpo nɛ asɔbɔya lubi nɛ ajibishapo tɔlpoana nna.”