Taites 1:4 - EBƆRƐ BE KAWƆL

⁴ Mee sibɛ kawɔl ere nna a sa fo Taites, m pibi kashenteŋto ashi yirda koŋwule nɛ an kɔ na to. Ebɔrɛ be kuwɔr be kakɛ nɛ kagbenewushi nɛ a shi Ebɔrɛ Etuto nɛ an be Emɔlgapo Kristo Yesu kutɔ na e baa wɔ fo to.

Taites 1:4 ပူးပေါင်းရင်းမြစ်များ

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Baru lela nɛ Jɔn kute na 4:42

Nɛ bumo gbagba kaŋɛ kache na: “Naniere bre, mannɛ fo ka kaŋɛ anyi so nɛ an yirda, an gbagba nu mmalga na nseŋ pin fanɛ kashenteŋto kanyɛn ere e la durnya ere be Emɔlgapo.”

Romebi 1:12

Kumo e la fanɛ nɛ n tiŋ m ba, menyi be yirda beeŋ leŋ ma to nɛ ma alɛ peya e leŋ menyi alɛ gba to.

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

2 Kɔrintebi 12:18

Taites nɛ n daŋ kule fanɛ e yɔ menyi kutɔ nseŋ shuŋi ekurgepo mo na fanɛ e shuŋi mo n yɔ. To, menyee fɛ fanɛ Taites e daŋ ji menyi so nna ŋko nuso? Ma nɛ Taites kikɛ maŋ kɔ nfɛra koŋwule nɛ kebaawɔtɔ koŋwule nna a?

2 Kɔrintebi 2:13

Ama ma kagbene daa maŋ dese ma kuraa ŋkpal ŋ ka daa maŋ tu an kurgepo Taites na so. Amoso, n daŋ kela ndoŋebi na nna nseŋ yɔ Masɛdonia.

2 Kɔrintebi 4:13

Abɔrɛsibɛ na bee kaŋɛ fanɛ Ewura Deevid kaŋɛ: “N yirda nna so nɛ m malga.” To, loŋ be yirda be kiyoyu koŋwule na nɛ anyi alɛ gba kɔ a yirda nsaa malga na.

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

2 Kɔrintebi 8:16

Mee chɔrɔ Ebɔrɛ ga ŋkpal e ka ta kagbene koŋwule be kasha mo nɛ an kɔ a sa menyi na n wɔtɔ Taites be kagbene to so.

2 Kɔrintebi 8:23

Taites bre, m barkasa nna nɛ ma nɛ mo bee shuŋ nɛ an chɛ menyi to. Ama bekurgepo mo nɛ b tu mo a yɔ na bre, asɔriana na be katelamu to nɛ b yil a yɔ menyi kutɔ na a sa Kristo na kemaŋkura.

2 Kɔrintebi 8:6

Amoso, an kule Taites mo nɛ e teŋ fara le be kushuŋ ere na ga nna fanɛ e baa kraa wɔ kumo to loŋ a chɛ menyi to n ya loge men be le be kasha be kushuŋgboŋ ere.

Galeeshaebi 2:3

Amo be saŋɛ na nɛ Taites wɔ ŋ kutɔ nɛ b nyi e ka la Griik be esa, ama bumo alɛ daa maŋ tintiŋ mo nɛ e ku kututu.

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Ɛfesesebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Kɔlɔsiebi 1:2

a yɔ menyi nɛ men la Ebɔrɛ peya a wɔ Kɔlɔsi nseŋ naa la an kurgepoana nɛ basa nɛ b maŋ kɔ kɔnɔleŋi ashi Yesu Kristo to na kutɔ. An Tuto Ebɔrɛ e sa menyi mbe kuwɔr be kakɛ na nɛ kagbenewushi.

1 Timoti 1:12

Mee chɔrɔ Yesu Kristo an Nyɛnpe ŋkpal e ka sa ma le be kushuŋ ere be eleŋ nseŋ yirda ma n lara ma fanɛ n shuŋ mbe kushuŋ nsaa maŋ ta dra na be mmalga lubi nɛ n daŋ malga ŋ gbiti mo na nɛ kananɛ n tɔrɔ mbe basa nseŋ fɛl mo na n wɔtɔ mbe kagbene to so.

2 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso nɛ ŋkpal kɔnɔ nɛ Ebɔrɛ nase ŋ kaŋɛ fanɛ e beeŋ sa basa nɛ b yirda Kristo Yesu ŋkpa na so kutɔ nna

2 Timoti 1:2

a yɔ fo, m pibi shaso Timoti kutɔ. Ebɔrɛ Etuto nɛ Kristo Yesu an Nyɛnpe na e sa fo kuwɔr be kakɛ nɛ kuwɔr nɛ kagbenewushi.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

2 Pita 1:11

Saŋɛ na so baaŋ bugi ekpa pawu n sa menyi nɛ men luri an Nyɛnpe nɛ an be Emɔlgapo Yesu Kristo be kuwura nɛ k maŋ kɔ ekar na to.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

2 Pita 3:2

Mee sha fanɛ men nyiŋi mmalga nɛ anebi cheembiana na daŋ malga dra na nɛ kamalga nɛ an Nyɛnpe nɛ an be Emɔlgapo daŋ bɔla men be beshuŋipoana so m malga n nase na.

1 Jɔn 5:14

Kusɔ nɛ k bee shin nɛ anyi maa shika to ashi Ebɔrɛ be anishito nde fanɛ, kusɔ kama nɛ an baŋ bɔla Ebɔrɛ be keparso ŋ kule mo, e beeŋ nu an be kekule.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.