Sɔlɔmɔn 8:6 - EBƆRƐ BE KAWƆL

⁶ Sa maŋ naŋ sha esa kikɛ n ti ma so. Baa sha ma nawule Kasha kɔ eleŋ nna fanɛ luwu. Kasha beeŋ tiŋ m mɔ esa. Kasha bee suse nna fanɛ edɛ

Sɔlɔmɔn 8:6 ပူးပေါင်းရင်းမြစ်များ

1 Kronikɛls 11:18

Nɛ benapo lempo asa na ŋana n yɔ Filistiebi na be keeyi to n ya jɔ ketirbu nɛ k wɔ Bɛtlɛhɛm be kabunagboŋ na ase na be nchu m bar Deevid nɛ e kini amo be kenu nseŋ chulgi amo n wurge kasawule fanɛ sarga n sa Enyɛnpe Ebɔrɛ,

Nshɛ 120:4

Benapo be atanyembi nɛ e du pɛlpɛlbi nɛ kedɛmurmur nɛ e beeŋ ta ŋ gberge menyi kusoe!

Nshɛ 63:1

Enyɛnpe, fo e la ma Ebɔrɛ. Mee fin fo ma kagbene to kashenteŋto; fanɛ kananɛ meeŋ pere kenishi n fin nchu ketarso kpantaŋkpalaŋ ashi keshishɛrsawule so na.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Ɛksodɔs 28:21

A daga fanɛ b chaŋ n chaŋ Israɛlebi be nnaŋ kuduanyɔ na be ketre kama n deŋi ajembu kuduanyɔ na be kekama so.

Aŋasa 25:22

Nɛ fo wora loŋ, kumo ere kedɛmurmur nɛ fo muu n deŋi mbe kumu so na. Ebɔrɛ malɛ beeŋ nɛfa fo.

Aŋasa 6:34

Ŋkpal manɛ so kedata be agbo lubi ga, nɛ enyɛn bee bishi kumo be kuwule a maa wu kuwɔr kuraa.

Sɔlɔmɔn 5:8

Jerusalɛm be beche, meeŋ kaŋ wu n jipo, manɛ nɛ menyeeŋ kaŋɛ mo? Men kaŋɛ mo fanɛ kasha shin nɛ mee lɔ.

Aizaaya 49:16

Jerusalɛm, m maaŋ teŋ fo so kikɛ! N sibɛ fo ketre nna n deŋi ma enɔ be epun to so, kumo alɛ maaŋ tiŋ ŋ kpra kikɛ. Fo asheŋ wɔ ma nfɛra to jemanɛ kikɛ nna.

Jɛremaya 22:24

Nɛ Enyɛnpe Ebɔrɛ na naŋ kaŋɛ ewura Jehowachin nɛ e sɔ mo tuto Ewura Jehowakim so a ji Juda be kuwura na le: “Ŋ ka baa la Enyɛnpe Ebɔrɛ nɛ e bee sa ŋkpa ere, nɛ fo e la kepinibi nɛ mee wɔtɔ ma enɔjiso to a ŋini ma kuwurji be eleŋ gba, ŋ kraa beeŋ pee fo ma keshilbi to n lɛ.

Heegai 2:23

Ama kaŋɛ ma kayɛrbi Zerubabel fanɛ ma, Enyɛnpetale Ebɔrɛ na e lara mo nɛ e ji kuwura ma ketre to.” Ma, Enyɛnpetale Ebɔrɛ na e malga na.

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Nɔmbɛs 25:11

“Ŋkpal kusɔ nɛ Finihas wora ere so, ma agbo maŋ naa wɔ Israɛlebi so. E maŋ shuli fanɛ esa kikɛ e shuŋ kegbir n ti ma Enyɛnpe Ebɔrɛ na so. Kumo so nɛ m maŋ kaa agbo m mur Israɛlebi kikɛ na.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Romebi 12:20

Kusɔ nɛ k daga fanɛ men baa wora nde, nɛ akoŋ baa kɔ fo doŋ, fo sa mo ajibi, nɛ achukoŋ malɛ naa kɔ mo, fo sa mo kusɔnuuso nɛ e nuu. Nɛ fo baŋ wora loŋ, feeŋ ta anishinyɔr m pɛ edoŋ na.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

Ditɛronɔmi 32:21

B daŋ bunyaŋ agbirana nɛ a maŋ kɔ tɔnɔ n shin nɛ ma kukɔrkɔ koso nɛ n nya agbo. Amoso meeŋ shin nɛ men be kukɔrkɔ nɛ agbo e koso, ŋkpal kusɔ nɛ meeŋ wora efuli nɛ k maa wu kuwɔr nsaa maa kɔ tɔnɔ be basa so.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.