Sɔlɔmɔn 8:5 - EBƆRƐ BE KAWƆL

⁵ Wanɛ nɛ mo jipo e pɛ abar be enɔ to n shi keshishɛrsawule so a ba ere? Ndibi nɛ baa tre apɔl na be kifi to nɛ n chɔlta fo; ndoŋ nɛ fo nio di fo kedampo ŋ kurge fo na.

Sɔlɔmɔn 8:5 ပူးပေါင်းရင်းမြစ်များ

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nshɛ 63:8

M baa mar fo nna, nɛ fo enɔ lempo na, e baa kɔ ma to.

Nshɛ 63:9

Bekama nɛ baa fin ma ŋkpa be kelara na, beeŋ wu n yɔ nchaŋ to.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Sɔlɔmɔn 3:11

Zayɔn be beche, men lar m ba keni ewura Sɔlɔmɔn ka buu kuwurwuro; kuwurwuro nɛ mo nio daŋ ta m buu mo mbe kejafɔ achɛ nɛ k shin nɛ mbe kagbene fuli mo ga na.

Sɔlɔmɔn 3:4

Ma nɛ bumo ka baŋ barga abar gbrɛ nɛ n wu ŋ jipo. Nɛ n far n chɛ mo kiŋkiŋ; M maŋ naŋ yige mo to. Kumo be kaman nɛ ŋ keta mo n yɔ n nio be ebu to; ebu nɛ b kurge ma kumo to na gbagba to.

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Sɔlɔmɔn 4:8

Ma kejafɔ, shin nɛ an lar Lebanɔn. An lar Lebanɔn be abeegboŋ nɛ baa tre Amana, nɛ Senir nɛ Hɛɛmɔn na to, Amo be alaŋ to nɛ ebuluŋ nɛ ebuful bee di na.

Sɔlɔmɔn 6:10

Wanɛ e ya kaa ba fanɛ karechɛso loŋ; a walɛ kebita nsaa nyɛkpɛ so fanɛ epeŋi ŋko kufɔl ka fara a lar? Wanɛ e naa tia aya fanɛ achɛkpabi damta ka lar awɔlto m bɛ abar so loŋ?

Sɔlɔmɔn 8:1

Fo daa la n siponyɛn nɛ ma nɛ fo nyipo kenyipo koŋwule nna; n daa beeŋ tiŋ m pipe fo kɔnɔ kasha so kaplɛkama; nɛ esa kikɛ maaŋ tiŋ m bugi kɔnɔ.

Aizaaya 36:6

E bee ta mbe kumu a to Ijipt be efuli nɛ kumo be ewura so nna, ŋko? Nɛ loŋ bre nna, k du fanɛ e ka bee yirgi kedibi buso nɛ k beeŋ tiŋ n da mbe enɔ be epun to m bɔl so nna. Kananɛ Ijipt be ewura, Fɛɛro, du n sa esa kama nɛ e ta mbe kumu n lɛ mo so nna na.

Aizaaya 40:3

Esa ko bee ponte a kaŋɛ le: “Men lɔŋɛ ekpa kiyi to n sa Enyɛnpe Ebɔrɛ nɛ e bɔla so! Men tise n tise asɔ kama nɛ e dese ekpa na to na, nseŋ sulɔ ajaŋ n deŋi kumo so nɛ k baa walɛ nɛnɛ!

Aizaaya 43:19

Men baa keni kusɔ popɔr nɛ meeŋ wora na ekpa. K tea wora gba! Menyeeŋ tiŋ n wu kumo naniere! Meeŋ wora ekpa keshishɛrsawule so nseŋ shin nɛ men nya mbombi ashi kasawule wɔlso so.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Hoziya 12:4

be malaika kɔ emaŋ nɛ Jeekɔb pɔɔ mo so nseŋ shu ŋ kule mo fanɛ e nɛfa mo. Ndoŋ nna nɛ Enyɛnpe Ebɔrɛ malga mo kutɔ ndoŋ ashi Bɛtɛl.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Baru lela nɛ Jɔn kute na 13:23

Bebɛsopo na be emo nɛ Yesu daa sha na daŋ chena nna m mata mo.

Romebi 7:4

Ŋ kurgepoana, loŋ nɛ k du n sa menyi alɛ gba, ŋkpal manɛ so, mbra na be kaplɛa so, menyi alɛ gba wu nna ŋkpal men ka la Kristo be eyur na be kaba ko so. Naniere malɛ, men la mo koŋwule nɛ Ebɔrɛ tiŋi mo ashi luwu to nɛ an tiŋ a la basa nɛ b kɔ tɔnɔ ashi Ebɔrɛ be kushuŋ to na peya nna.

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

Kelaraŋŋini 12:6

Nɛ kache na malɛ shile n luri kiyi to be kakpa nɛ Ebɔrɛ lɔŋɛ n yili mo fanɛ e baa wɔ ndoŋ a nya kekeniso nchɛ kagboŋ nɛ alfa anyɔ nɛ adeshe na.