Sɔlɔmɔn 8:12 - EBƆRƐ BE KAWƆL

¹² Ewura Sɔlɔmɔn beeŋ tiŋ a kɔ mbe gbiti be ndarbi, nɛ basa na malɛ e baa kɔ bumo be tɔnɔ. Ama ma ere be asɔrso nɛ baa tre greep be kudɔbi na la n nawule peya nna Eshaponyɛnso na

Sɔlɔmɔn 8:12 ပူးပေါင်းရင်းမြစ်များ

Aŋasa 27:18

Fo baŋ keni kedibisɔrso so nɛnɛ feeŋ ji kumo be asɔrso. Fo baŋ keta fo nyɛnpe nɛnɛ feeŋ baa nya kechɔrɔ saŋkama.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Sɔlɔmɔn 1:6

Men sa maŋ mɛrge anishi n cha ma ŋkpal epeŋi ka chɔ ma nɛ m biri gbitigbiti so. N siponyɛnana e daŋ nya agbo n wora ma nseŋ shin nɛ n ya ka keni asɔrso nɛ baa tre greep na be ndɔ so. Nɛ m maŋ naa nya saŋɛ a sa ma eyur nɛ k ki loŋ na.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Sɔlɔmɔn 8:11

Ewura Sɔlɔmɔn kɔ asɔrso nɛ baa tre greep na be kudɔbi nna ashi Baal Hamɔn, E daa kɔ kudɔ na nna a haya a sa basa a sɔ gbiti be ndarbi kagboŋ ekama kutɔ.

Sɔlɔmɔn 8:13

Fo nɛ fo teriana wɔ kudɔbi to nna a ber bare, shin nɛ ma alɛ gba e nu fo ebɔl.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

2 Kɔrintebi 5:15

Mo alɛ wu nna n sa ekama, saŋɛ na so, bumo nɛ b wɔ ŋkpa to na maaŋ naa wɔtɔ ŋkpal bumo gbagba be amuana so, ama baaŋ baa wɔtɔ nna ŋkpal esa nɛ e kpal bumo so n wu nɛ Ebɔrɛ tiŋi mo luwu na to na so.

1 Tɛsalɔnikaebi 2:19

Ŋkpal manɛ so, basa mo malɛ so nɛ anyi be tama nɛ kagbenefuli nɛ kekɔmpɔɔso be kakɛ nɛ anyeeŋ nya na naa wɔ? Menyi nawule so nɛ anyeeŋ tiŋ n nya kemaŋkura ashi an Nyɛnpe Yesu Kristo be anishito saŋɛ nɛ e beeŋ naŋ ba na. Menyi e la anyi be tama nɛ kagbenefuli.