Sɔlɔmɔn 8:1 - EBƆRƐ BE KAWƆL

¹ Fo daa la n siponyɛn nɛ ma nɛ fo nyipo kenyipo koŋwule nna; n daa beeŋ tiŋ m pipe fo kɔnɔ kasha so kaplɛkama; nɛ esa kikɛ maaŋ tiŋ m bugi kɔnɔ.

Sɔlɔmɔn 8:1 ပူးပေါင်းရင်းမြစ်များ

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 51:17

Esa be kagbene be kejija mo ga ŋkpal alubi so e naa bɔlɔ fo kenishi.

Sɔlɔmɔn 1:2

Pipe ma kɔnɔ kasha so; fo kasha bɔ nsa;

Sɔlɔmɔn 7:13

Atoto be efɛa sɔ ndoŋ be kaplɛkama nna. N jipo lela, asɔrso lela dra nɛ a popɔr kikɛ nɛ n fin n yili fo.

Sɔlɔmɔn 8:2

Meeŋ keta fo m ba n nio nɛ e bela ma na be laŋ to; m ba sa fo ŋ gbagba be nsa belbelso nɛ a shi asɔrso nɛ baa tre pomegranates na to.

Aizaaya 60:14

Kumo be kaman, men doŋana be kaman to ebi beeŋ baa jɔŋɛ menyi ase a sa menyi bunyaŋ. Bekama nɛ b daa keni menyi jiga beeŋ fara a bunyaŋ menyi, nsaa tre menyi be kadegboŋ na Enyɛnpe Ebɔrɛ na be Kadegboŋ; ŋko Zayɔn, Israɛl be Ebɔrɛ cheembi na be Kadegboŋ.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Heegai 2:7

Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Luuk 12:8

Ma e kaŋɛ menyi na fanɛ ekama nɛ e bugi to ŋ kaŋɛ basa to fanɛ ma e wɔ mo, ma, Nyiŋgbasa Pibinyɛn gba beeŋ wora loŋ n sa mo ashi Ebɔrɛ be emalaika be anishito.

Luuk 18:9

Yesu e daŋ bɔ basa nɛ b daŋ yirda bumo gbagba be alelasheŋ a tama fanɛ b la basa cheembi nsaa wɔtɔ a fɛl beko na keŋasa ere.

Luuk 2:38

E ka ba tu Simiɔn nɛ kebia na nɛ mo nio nɛ mo tuto bɔrɛlambu na to nɛ mo alɛ gba di Ebɔrɛ epaŋ ga nseŋ kaŋɛ basa nɛ b daa jo jemanɛ nɛ Jerusalɛm beeŋ nya kesɔnyige na kikɛ kebia na be asheŋ.

Luuk 9:26

Esa kama nɛ e bee kpal anishinyɔr so a maaŋ tiŋ ŋ kaŋɛ basa ma nɛ ma mmalga na be asheŋ, e baa nyi fanɛ saŋɛ nɛ ma, Nyiŋgbasa Pibinyɛn beeŋ keta ma kemaŋkura nɛ Etuto na nɛ emalaika cheembi na be kemaŋkura m ba na, anishinyɔr beeŋ pɛ ma alɛ gba ŋkpal amodoŋwura so.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 13:3

Yesu daa nyi Etuto na ka daŋ ta eleŋ kikɛ m bɔɔ mo ere Yesu na enɔ nseŋ naa nyi e ka shi Ebɔrɛ kutɔ m ba nseŋ naa bɛta a yɔ mo kutɔ.

Baru lela nɛ Jɔn kute na 16:28

N Tuto na kutɔ nɛ n shi m ba durnya ere to, ma alɛ nseŋ naa lar durnya ere to a yɔ Etuto na kutɔ.”

Baru lela nɛ Jɔn kute na 3:13

Esa kama maŋ naŋ yɔ ebɔrɛso she emo nɛ e shi ndoŋ m ba na nawule, mo e la ma, Nyiŋgbasa Pibinyɛn na.

Baru lela nɛ Jɔn kute na 8:42

Nɛ Yesu kaŋɛ bumo: “Nɛ Ebɔrɛ daa la men tuto nna, men daa beeŋ baa sha ma asheŋ, ŋkpal manɛ so, Ebɔrɛ kutɔ nɛ n shi m ba kaa wɔ nfe naniere na, m maŋ ba ŋ gbagba be kumu so. Mo e shuŋi ma.

1 Kɔrintebi 1:28

E lara durnya ere to be asɔ bɔlpo nna nɛ asɔ nɛ basa bee keni jiga na nna nɛ asɔ nɛ a maŋ la shɛŋ na, saŋɛ na so e beeŋ ta durnya ere to be asɔ lela na ŋ ki asɔ fuloŋ

Galeeshaebi 4:26

Ama ebɔrɛso be Jerusalɛm na bre maŋ wɔ kenyaya to. To, loŋ be Jerusalɛm ere du fanɛ an nio nna.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.