Sɔlɔmɔn 7:1 - EBƆRƐ BE KAWƆL

¹ Fo la ewurbi pibi nna, nɛ asɛbta bee nyalɛ fo aya to ga. Fo abembi walɛ nna nseŋ ku nchule fanɛ kubɔtoshembi na.

Sɔlɔmɔn 7:1 ပူးပေါင်းရင်းမြစ်များ

Jɛnesis 32:3

Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

Nshɛ 45:13

Ma ewura, eche nɛ fee shin nɛ fo ta na be kebita shi mbe kagbene to nna. Shuwa be ejesebi nɛ b ta n jɔ mbe kejafɔ to be kale.

Ɛksodɔs 28:15

Men lɔŋɛ kagbeneso be kɔlgu n sa bɔrɛmatapo nimuso na nɛ k baa la kusɔ nɛ e beeŋ baa ta a pin Ebɔrɛ be aparsheŋ. Men ta ejese be yiri ana nɛ men daŋ ta n lɔŋɛ ɛfɔd na n lue wajɛ nseŋ jɔ kumo.

Ɛksodɔs 28:42

Men ta ago be wajɛ m ba ewondoŋshiimbi n sa bumo nɛ b baa dela a buu bumo be wulo so. Men shin nɛ amo be nteŋ to e yili kashɛr to m ba fo amuli to.

Ɛksodɔs 35:35

E sa bumo kasɔwora be kenyi nna nɛ b baa tiŋ a ta ago be jese lela nɛ buru be jese nɛ jese peper kpaw nɛ ejese peper kunɔkunɔ a jɔ asɔ ŋko a lue ewajɛ be yiriyiri. Bumo alɛ bee tiŋ a wora ashuŋ be yiriyiri kikɛ nyam nsaa tiŋ a ji asɔ kebita kenyiso.”

Sɔlɔmɔn 7:2

Fo kejapulo du kulkulbi nna fanɛ kawulunchu nɛ nsa maa paŋ kumo to kikɛ na. Nɛ fo eyur walɛ nsaa du shirembi fanɛ ketɛmbɔ nɛ b lɔŋɛ so ŋ kreto n yili nɛ atoto nɛ baa tre lili na kulti kumo.

Danɛl 2:32

Shuwa lela nɛ b daŋ ta n lɔŋɛ kumo be kumu nseŋ ta gbiti malɛ n lɔŋɛ kumo be kagbene nɛ mbre; n ta danyaŋ n lɔŋɛ kumo be nteto n ya fo kumo be abembi to.

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Ɛfesesebi 6:15

Nɛ men baa sha kebaabɔ kagbenewushi be baru lela na fanɛ loŋ be kasha ka la asɛbta a wɔ men be aya to na.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.