Sɔlɔmɔn 6:2 - EBƆRƐ BE KAWƆL

² N jipo yɔ mbe kudɔbi nɛ kumo to be ndibi be afantaŋ kɔ efɛa belbelso na to nna. E ya kaa sa mbe mbolpɔ ajibi nna, nsaa chala mbe atoto nɛ baa tre lili na.

Sɔlɔmɔn 6:2 ပူးပေါင်းရင်းမြစ်များ

Sɔlɔmɔn 2:16

Ma eshapo la meya nna, nɛ ma alɛ gba la mo peya; Atoto nɛ baa tre lili na be kakpa nɛ e bee yɛr mbe asɔbɔya kejito.

Sɔlɔmɔn 4:12

N sipoche nɛ ŋ jipo, fo du fanɛ kudɔbi nɛ b pɔr egbal ŋ kulti nna ŋko kebuye nɛ b ti so n yili n na.

Sɔlɔmɔn 4:16

Shin nɛ afu e ta ma kudɔbi na to be efɛa n ya ber ŋ jipo, nɛ n jipo e ba luri kumo to n daŋ kumo be asɔrso lela na ŋ keni.

Sɔlɔmɔn 4:5

Fo anyipo yil nna jɔŋjurɔmbi fanɛ echibir anyɔ ka lar kepla so a ji na.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Sɔlɔmɔn 5:13

Mbe ŋgbuŋ walɛ nna fanɛ kudɔbi nɛ k kɔ afantaŋ nɛ asɔrso nɛ amo be efɛa wɔ ebel. Nɛ mbe kɔnɔpurbi du fanɛ atoto nɛ baa tre lili nɛ a bee dufɛ viim na.

Sɔlɔmɔn 6:11

N daŋ n yɔ ndibisɔrso be kudɔbi to nna nɛ n ya keni fanɛ afeelebi nɛ a bee sɔr asɔrso nɛ baa tre greeps na, nɛ amo nɛ baa tre pomegranates na, teŋ fara a wora atoto a?

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 57:1

Basa niŋiso bee wu nɛ ekama malɛ be shɛŋ maŋ wɔtɔ bumo to. Ama nɛ b baŋ wu malɛ b maŋ naa luri alubi to.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Matiu 18:20

Ŋkpal manɛ so, kaplɛkama nɛ basa anyɔ ŋko besa ba shɛr ma ketre to, n wɔ bumo kutɔ ndoŋ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Baru lela nɛ Jɔn kute na 14:3

Ma alɛ kaŋ yɔ n ya lɔŋɛ kaboŋ na n yili menyi n loge, meeŋ naŋ bɛta m ba keta menyi n yɔ ŋ kutɔ, saŋɛ na so kakpa nɛ n wɔ, menyi alɛ gba beeŋ ya kaa wɔ ndoŋ.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”