Sɔlɔmɔn 6:13 - EBƆRƐ BE KAWƆL

¹³ Bɛta m ba, bɛta m ba! Shulaim be kanaŋ to be kebichebi, bɛta m ba cha ŋ ŋini anyi. Manɛ nna nɛ menyee sha fanɛ men wu ma kacha basa damta ere to?

Sɔlɔmɔn 6:13 ပူးပေါင်းရင်းမြစ်များ

Jɛnesis 32:2

Jeekɔb ka wu bumo nɛ e kaŋɛ: “Ebɔrɛ be benapo be echenakpa nde.” Kumo be kaman nɛ e nase kaboŋ na Mahanayim.

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

2 Samuɛl 17:24

Pɔɛŋ nɛ Absalɔm nɛ Israɛlebi be benapo na dii Jɔɔdan be Lɔr na n loge na nɛ Deevid bre tea wɔ Mahanaim.

Nshɛ 76:2

Zayɔn be kebee nɛ k wɔ Jerusalɛm to na e la kakpa nɛ e wɔ.

Sɔlɔmɔn 1:6

Men sa maŋ mɛrge anishi n cha ma ŋkpal epeŋi ka chɔ ma nɛ m biri gbitigbiti so. N siponyɛnana e daŋ nya agbo n wora ma nseŋ shin nɛ n ya ka keni asɔrso nɛ baa tre greep na be ndɔ so. Nɛ m maŋ naa nya saŋɛ a sa ma eyur nɛ k ki loŋ na.

Sɔlɔmɔn 2:14

Fo du nna fanɛ lepɔ nɛ e ŋana kefalta to ashi kebeegboŋ so na. Shin nɛ n wu fo anishito; nseŋ nu fo ebɔl belbelso na.

Sɔlɔmɔn 6:12

Ama n tia kaa pin nɛ ma nfɛra yɛr ma n jipo be kasha so fanɛ gbaŋɛturko be ediipo ka bee yɔ kena to na.

Aizaaya 8:6

“Basa ere kini kechubɔr nɛ baa tre Shilowa na be nchu nɛ a bee shile yɛlyɛlbi na, nseŋ yɔ ewura Rezin nɛ ewura Pɛka be kaba so nɛ kagbenefuli.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Luuk 15:10

To, ma e kaŋɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli bumo ga.”

Luuk 7:44

Nɛ Yesu kaŋɛ: “Kashenteŋ nɛ fo ji.” Kumo be kaman nɛ e kilgi kache na kutɔ nseŋ bishi Saimɔn: “Fo wu kache ere a? Ŋ ka ba fo pe fo maŋ sa ma aya be nchu, ama mo ere ta mbe anishichubi n fɔr ma aya so nseŋ ta mbe emin m melti amo ashi to.

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Baru lela nɛ Jɔn kute na 9:7

“Yɔ Sailowam be kepa to n ya fɔr amo n lɛ ndoŋ.” Sailowam be kifito e la Shuŋi. Ndoŋ nna nɛ kanyɛn na yɔ ndoŋ n ya fɔr nseŋ fara a wu a ba.

Romebi 3:29

Ŋko Ebɔrɛ la Juwebi nawule be Ebɔrɛ nna a? Mannɛ basa pɔtɛ gba be Ebɔrɛ e la mo a? Bumo alɛ gba be Ebɔrɛ nna walɛ.

Romebi 7:23

Ama ma alɛ bee wu mbra pɔtɛ ko ka wɔ ma eyur to a shuŋ. Mbra ko nna nɛ k bee kɔ mbra nɛ ma nfɛra bee sha na nsaa ta ma a ki alubi be mbra nɛ k wɔ ma eyur to a shuŋ na be kabutipo.

Galeeshaebi 5:17

Ŋkpal manɛ so, kapɔr lubi ere be ayɛlgasɔ maa kukwe Kiyoyu na be ayɛlgasɔ nɛ Kiyoyu na malɛ be ayɛlgasɔ maa kukwe kapɔr lubi ere be ayɛlgasɔ. Loŋ be asɔ anyɔ na la bedoŋ nna nɛ kumo alɛ bee ŋini fanɛ men maaŋ tiŋ n wora kusɔ kama nɛ menyee sha.

2 Tɛsalɔnikaebi 1:10

Kachɛ nɛ e beeŋ ba nya kemaŋkura nɛ bunyaŋ ashi mbe basa nɛ b yirda mo na kutɔ na, menyi alɛ gba beeŋ ti loŋ be basa na so ŋkpal men ka yirda kubɔya nɛ an daŋ bɔ n sa menyi na so.

Hibruwebi 7:2

Ndoŋ nna nɛ Eebraham sa Mɛlkizedɛk kusɔ kama nɛ e daŋ nya na be kudukudusopo. Kusɔ nɛ k juŋkpar Mɛlkizedɛk be asheŋ to e la fanɛ mbe ketre be kifito e la Ebɔrɛ be anishito be alelasheŋ be ewura. Kede malɛ be kaman Seelɛm be ewura e la mo, kumo e la fanɛ kagbenewushi be ewura.

Demujipoana 21:21

Saŋɛ na so nɛ Shilo be mbichesobi na kaŋ lar a cha kachɛgboŋ achɛ na, nɛ men lar adɔana na to nɛ men be ekama e pɛ eche katiŋso n yɔ mo pe nɛ e ya ki mbe eche ashi Bɛnjamin be kasawule so.