Sɔlɔmɔn 5:9 - EBƆRƐ BE KAWƆL

⁹ Beche to be kebita, nuso bre nɛ fo jipo na baa du ga? E walɛ nna a chɔ ekama a; Nɛ fo kpal mo so a bishi anyi ade kikɛ a?

Sɔlɔmɔn 5:9 ပူးပေါင်းရင်းမြစ်များ

Nshɛ 45:13

Ma ewura, eche nɛ fee shin nɛ fo ta na be kebita shi mbe kagbene to nna. Shuwa be ejesebi nɛ b ta n jɔ mbe kejafɔ to be kale.

Nshɛ 87:3

Jerusalɛm la Ebɔrɛ be kadegboŋ nna, nɛ baa malga asheŋ lela damta ga a laŋɛ kumo be kaplɛa so.

Sɔlɔmɔn 1:8

Beche to be kebita, nɛ fo maŋ nyi ndoŋ gba fo bɛ mbolpɔ na be aya so. Keta fo mboebi n yɔ kejito a mata mbolpɔkpapoana na be ewajɛbu na ase.

Sɔlɔmɔn 2:7

Jerusalɛm be beche, men nase kɔnɔ n sa ma nseŋ bɔ chibir nɛ shantaŋ be ntaŋ fanɛ men maaŋ chuchɔl kasha nɛ kumo be saŋɛ maŋ naŋ fo.

Sɔlɔmɔn 6:1

Beche to be kabita nnɛ fo jipo na yɔ? Kaba mo so nɛ fo jipo na bɔla, nɛ an chɛ fo to n fin mo?

Aizaaya 53:2

Enyɛnpe Ebɔrɛ na gbagba be keparso nɛ mbe kenya daŋ ki fanɛ kusɔduuso nɛ k mur achin kasawule wɔlso so. E daa maŋ walɛ keyɛrbi ŋko a la esagboŋ ko nɛ basa nyi mbe asheŋ ŋko a keni mo a bɔlɔ kenishi. Mbe kapɔr be shɛŋ daa maa par basa, nɛ k shin nɛ basa e baa firgi a taga mo to.

Matiu 21:10

Yesu ka luri Jerusalɛm be kade na to nɛ kade na kikɛ baga to nɛ basa bishi abar: “Wanɛ nna?”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.