Sɔlɔmɔn 5:6 - EBƆRƐ BE KAWƆL

⁶ Ŋ ka bugi kukuloŋ na nɛ n jipo maŋ naa wɔtɔ; e tiŋ n yɔ, nɛ k tɔrɔ ma ga. Nɛ ŋ keni a fin mo, ama m maŋ wu mo. Nɛ n tre mo ama m maŋ nu mbe ebɔl.

Sɔlɔmɔn 5:6 ပူးပေါင်းရင်းမြစ်များ

Jɛnesis 42:28

Nɛ e kaŋɛ mo niopibiana na: “B bɛta ma amansherbi nna n wɔtɔ ma bɔtɛ to. Keni, amo e wɔ kumo to na.” Ndoŋ nna nɛ bumo be ŋgbene jija bumo nɛ b kilgi ŋ keni ŋ keni abar a chicha nseŋ bishi abar le: “Manɛ be kesheŋ nɛ Ebɔrɛ wora anyi loŋ?”

2 Samuɛl 16:10

Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

Nshɛ 28:1

Enyɛnpe Ebɔrɛ, fo e la kefaltagboŋ a kuŋ ma. Amoso, nu ma kekule nsaa maŋ kplaŋ ma so. Fo baŋ kplaŋ ma so, k maaŋ chɛr nɛ n wu n yɔ nchaŋ to.

Nshɛ 30:7

Enyɛnpe Ebɔrɛ, fo daŋ wora ma kelela, n sa ma eleŋ fanɛ kebeegboŋ na. Ama fo ka pal kaman n sa ma nɛ kufu pɛ ma ga.

Nshɛ 69:3

N shu n tre fo hale ma eleŋ kikɛ loge, nɛ ma ebɔl to wɔl. N mɛrge anishi ŋ keni fo ekpa, hale ma anishi bee kurge.

Nshɛ 77:3

N daŋ nyiŋi fo Ebɔrɛ na nna, nseŋ tekeŋto; n fɛ nfɛra ga, nɛ aba pɔ ma.

Nshɛ 80:4

O Enyɛnpetale Ewurbɔrɛ, jemanɛ mo nɛ fo basa be kabɔrɛkule maaŋ naa nu fo agbo?

Aŋasa 1:28

Loŋ be saŋɛ na, feeŋ shu n tre ma, kanyiasheŋ, ama m maaŋ tuge fo. Feeŋ fin ma kenishipereso ama fo maaŋ wu ma.

Sɔlɔmɔn 5:2

Mee di nɛ ma kagbene maa di. Ŋ ku edare fanɛ n jipo ka ba ŋmɛa ma kukuloŋ. N jipo nɛ ma eshapo, nɛ fo du fanɛ lepɔ, bugi ma nɛ n luri; ŋkpal manɛ so bunyaŋ tɔr ma so nna; nɛ ma kumu nɛ ma emin kikɛ pɔ.

Sɔlɔmɔn 5:4

Ndoŋ nna nɛ n jipo ba pɛ kukuloŋ na to nɛ e bugi, nɛ ma kagbene fara a ku.

Sɔlɔmɔn 6:1

Beche to be kabita nnɛ fo jipo na yɔ? Kaba mo so nɛ fo jipo na bɔla, nɛ an chɛ fo to n fin mo?

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Nfabel 3:8

Ŋ ka shu awɔrso ŋ kule mo fanɛ e chɛ ma to, e kini kenu ma kekule nna.

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Hoziya 5:6

Baa ta bumo be mbolpɔ nɛ ana nna a lara esarga a sa Enyɛnpe Ebɔrɛ na, ama amo nɛ amo kikɛ, kelela kikɛ maa lar amo to a sa bumo. Bumo alɛ maa ba nɛ b naŋ wu mo kikɛ, ŋkpal manɛ so, e lar bumo be asheŋ to.

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

Matiu 26:75

Epul na to nɛ koshinyɛn boŋ nɛ Pita nyiŋi kusɔ nɛ Yesu daŋ kaŋɛ mo fanɛ: “Pɔɛŋ nɛ koshinyɛn e boŋ, feeŋ chɛ ale asa ŋ kaŋɛ fanɛ fo maŋ nyi ma.” Ndoŋ nna nɛ e lar kowu n ya shu ga.

Maak 14:72

Epul na to nɛ koshinyɛn boŋ kela nyɔsopo. Ndoŋ nna nɛ Pita nyiŋi kusɔ nɛ Yesu kaŋɛ fanɛ: “Pɔɛŋ nɛ koshinyɛn e boŋ ale anyɔ, feeŋ chɛ ale asa ŋ kaŋɛ fanɛ fo maŋ nyi ma na.” Nɛ e fara a shu.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.