Sɔlɔmɔn 5:2 - EBƆRƐ BE KAWƆL

² Mee di nɛ ma kagbene maa di. Ŋ ku edare fanɛ n jipo ka ba ŋmɛa ma kukuloŋ. N jipo nɛ ma eshapo, nɛ fo du fanɛ lepɔ, bugi ma nɛ n luri; ŋkpal manɛ so bunyaŋ tɔr ma so nna; nɛ ma kumu nɛ ma emin kikɛ pɔ.

Sɔlɔmɔn 5:2 ပူးပေါင်းရင်းမြစ်များ

Jɛnesis 29:20

Amoso nfɛnshunu nɛ Jeekɔb daŋ shuŋ ŋkpal Reechel so, ama nfɛnshunu na daa du fanɛ nchɛ gbrɛbi ko nna ŋkpal kasha nɛ e daa kɔ n sa Reechel na so.

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 81:10

Ma e la Enyɛnpe menyi be Ebɔrɛ nɛ e lara menyi ashi Ijipt be efuli so m ba na. Menyi ere e bugi kɔnɔ ŋ kaŋɛ ma kusɔ nɛ menyee sha de, nɛ n wora kumo n sa menyi.

Aŋasa 23:26

M pibi baa kaŋ kusoe a nu ma mmalga, nsaa wora ma asheŋ woraso.

Sɔlɔmɔn 1:16

N jipo fo walɛ keyɛrbi, m baŋ maŋ wu fo maaŋ teŋ n chena. Anyeeŋ dese afitiri bumbuŋ so kasha so fanɛ gedo nɛ an wora kejafɔ n dese so na;

Sɔlɔmɔn 2:10

Le nɛ n jipo kaŋɛ ma: “Ma eshapo, niŋi to; ma kebita lela, ba nɛ an yɔ!

Sɔlɔmɔn 2:14

Fo du nna fanɛ lepɔ nɛ e ŋana kefalta to ashi kebeegboŋ so na. Shin nɛ n wu fo anishito; nseŋ nu fo ebɔl belbelso na.

Sɔlɔmɔn 2:8

N nu n jipo be ebɔl! Mo e shi abee nɛ apreŋ so n shile a tɛto n gbelge to a ba ma kutɔ na.

Sɔlɔmɔn 3:1

Ŋ ka dese ma gedo so kanyɛso nɛ n jipo be asheŋ ba ma kagbene to; nɛ ŋ keni bena nɛ jiso m maŋ wu mo.

Sɔlɔmɔn 4:7

Fo baa walɛ kebita nna nɛnɛ; Ŋ jipo, fo kebita maŋ kɔ emɔrɔ kikɛ.

Sɔlɔmɔn 4:9

Esipoche, ma kagbene pɛ fo ga; ma kagbene pɛ fo kashenteŋto nna. Ma nɛ fo be anishi ka baŋ wora abar anyɔ nɛ n wu kananɛ fo kubɔtoshembi bee nyɛkpɛ na nɛ ma kagbene laŋɛ fo so.

Sɔlɔmɔn 5:11

Mbe kumu du nna fanɛ shuwa, nɛ mbe emin du mɔlɔ mɔlɔ nseŋ biri gbiti gbiti fanɛ mɔmɔ na.

Sɔlɔmɔn 5:6

Ŋ ka bugi kukuloŋ na nɛ n jipo maŋ naa wɔtɔ; e tiŋ n yɔ, nɛ k tɔrɔ ma ga. Nɛ ŋ keni a fin mo, ama m maŋ wu mo. Nɛ n tre mo ama m maŋ nu mbe ebɔl.

Sɔlɔmɔn 6:9

fo nawule nɛ meeŋ lara. Fo e walɛ fanɛ lepɔ, nsaa la fo nio pibiche koŋwule. Fo nɛ bechefɔlbi nɛ bewurche nɛ bekama bee kpaŋ, a boŋ nshɛ a fur fo.

Sɔlɔmɔn 7:9

Kepipe fo kɔnɔ bee wora ma ebel a chɔ nsa belbelso nɛ baa tre wain na. Amo be kenuu e wɔ ebel ga na.

Sɔlɔmɔn 8:7

Nchu maaŋ tiŋ n duŋ kasha be edɛ, Ŋko n fɔr kumo n lɛ. Fo maaŋ tiŋ n ta amansherbi n tɔ kasha.

Aizaaya 50:6

Ŋ kilgi ma kaman nna n sa basa, nɛ baa beri, nseŋ kilgi ma ketaya n sa bumo, nɛ baa tia ma katɔl be afuibi. Ma alɛ maŋ kaŋɛ basa nɛ baa tege ma nsaa tu echɔl a wɔtɔ ma anishi to na fanɛ b yige.

Aizaaya 52:14

Basa damta nɛ b wu mo be nnɔ daŋ mɔ bumo nna. Mbe kayurwule daŋ chɛrga nna ŋkpal awurfoŋ nɛ e ji so; e daŋ maŋ naŋ duli dimɛdi gba kuraa.

Danɛl 8:18

E ka bee malga na, nɛ n dese m mata kasawule fanɛ ŋ ka kreŋ na. Ama e daŋ pɛ ma to nna nɛ ŋ koso n yili ma aya so,

Zakareya 4:1

Ndoŋ nna nɛ malaika nɛ e daa malga ŋ kutɔ na laŋɛ m ba tiŋi ma fanɛ ŋ ka daa di na,

Matiu 7:8

Ŋkpal manɛ so, ekama nɛ e kule beeŋ nya, ekama nɛ e fin beeŋ wu nɛ ekama malɛ nɛ e ŋmɛa kabuna, baaŋ bugi n sa mo.

Matiu 8:17

E daŋ wora loŋ nna nɛ kusɔ nɛ anebi Aizaaya daŋ kaŋɛ na e bɔla ekpa. E yɛ: “E sɔ anyi be kayurnyaŋ nseŋ lara anyi be alɔana n deŋi mbe kumu so.”

Maak 1:35

Ŋklade kachipurdidi pɔɛŋ nɛ kaboŋ bugi to nɛ Yesu koso n lar kowu n yɔ ketamanto mo nawule n ya kule Ebɔrɛ.

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Luuk 6:12

Saŋko Yesu dii kebeebi ko so n yɔ kabɔrɛkule to n ya kule Ebɔrɛ kumo be kamɔnchɛ be kanyɛso loŋ hale nɛ kare ya chɛ.

Luuk 9:32

Jemanɛ na so nɛ Pita nɛ mo braana na daa di, ama b tiŋi n wu Yesu be kemaŋkura na nɛ basa nɛ b daa yil mo kutɔ na.

Baru lela nɛ Jɔn kute na 10:4

E baŋ lara bumo kikɛ kuluu na to n loge, e bee choŋ nna n juŋkpar mbolpɔ na nɛ b bɛ mo so, ŋkpal manɛ so, b nyi mbe ebɔl.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.

Kelaraŋŋini 3:20

Men nu nfe, n yil kabuna to nna a ŋmɛa, ekama nɛ e nu ma ebɔl nseŋ bugi kabuna n sa ma, meeŋ luri mo kutɔ n tu mo n ji nɛ mo alɛ gba e tu ma n ji.

Kelaraŋŋini 3:4

Men kraa kɔ basa gbrɛbi ko ashi Saadis to nɛ eyurpi kama maŋ gbiti bumo be asɔbuuso na. Bumo alɛ beeŋ tu ma n nite m buu asɔ fuful, ŋkpal manɛ so, b daga loŋ.