Sɔlɔmɔn 5:15 - EBƆRƐ BE KAWƆL

¹⁵ Mbe aya kɔ eleŋ nna fanɛ b ka ta ajembu kpakpaso m pɔr n yili shuwa so na; e yil jirembi nna fanɛ ndibi nɛ baa tre sida na ka yil Lebanɔn be abee so na.

Sɔlɔmɔn 5:15 ပူးပေါင်းရင်းမြစ်များ

1 Bewura 4:33

E daŋ malga ndibigboŋana nɛ awurbi nɛ afitiri be yiri yiri be asheŋ, nseŋ ŋini asɔbɔya nɛ mbuibi nɛ asɔ gbeyeso nɛ ekɔrɔtɔ kikɛ be asheŋ.

Nshɛ 80:10

Nɛ kumo be kayul e daŋ m buu abeeana na so nɛ kumo be ayabi malɛ e daŋ m buu sida be ndibigboŋ so.

Nshɛ 92:12

Basa lela beeŋ dii dama fanɛ ŋkubadibi ka purge na; baaŋ daŋ n yili fanɛ Lebanɔn be ndibi nɛ baa tre sida na.

Nshɛ 92:13

Baaŋ mur achin ashi fo, Enyɛnpe Ebɔrɛ na be laŋ to, nseŋ nyalɛ ashi anyi be Ebɔrɛ na be bɔrɛlambu to.

Ɛksodɔs 26:19

Kumo be kaman nɛ men ta gbiti n lɔŋɛ ndibi yuuso na be atɔl adena, nɛ atɔl anyɔ e baa wɔ kedibi yuuso kama be kaseto.

Sɔlɔmɔn 2:14

Fo du nna fanɛ lepɔ nɛ e ŋana kefalta to ashi kebeegboŋ so na. Shin nɛ n wu fo anishito; nseŋ nu fo ebɔl belbelso na.

Sɔlɔmɔn 4:11

Ma kejafɔ, fo kɔnɔ be kepipe wɔ ebel nna fanɛ mushoŋ. Nɛ fo kudonduloŋ bee wora ma ebel, fanɛ mushoŋ nɛ kenyipochu na. Fo asɔbuuso to be efɛa wɔ ebel nna fanɛ Lebanɔn be ndibi nɛ baa tre sida na be efɛa.

Sɔlɔmɔn 7:4

Fo kubɔ du shirembi nna fanɛ jebote be kenyii be ketempreŋ jeŋgreŋ na. Fo anishi bee kpa edɛ nna fanɛ Heshbɔn be kade to be nchu nɛ a dese m mata Baf Rabbin be kabunagboŋ na. Nɛ fo kamuna lar jurɔmbi fanɛ Lebanɔn be kebeegboŋ nɛ k shoŋi Damaskɔs be kaba so na.

Nfabel 4:7

Anyi be benimuana be ŋgbene daŋ fuli nna parr fanɛ ateebi; b daŋ maŋ kɔ saŋgre kikɛ bumo to. Bumo alɛ daa kɔ eyur be alenfia, a walɛ eyurto nɛnɛ nsaa kɔ kuwibi to be eleŋ ga, a walɛ eyur so nna.

Ezikɛl 17:23

Israɛl be kebee nɛ k du jeŋgreŋ ga na be awɔlto nɛ meeŋ fɛa kumo. Nɛ k daŋ n wora ayabi nseŋ sɔr asɔrso nseŋ ki sida be kedibi lela. Nɛ mbuibi be yiri kikɛ e ba tɔ asha kumo so; nseŋ nya edikpa kumo be ayabi so.

Ezikɛl 31:8

Ebɔrɛ be kudɔbi na to be ndibi nɛ baa tre sida na be kekama maŋ walɛ n fo kumo so. Ndibi kpakpaso nɛ baa tre fir na be kekama be ayabi maŋ fo kumo be ayabi so. Kedibi kikɛ be ayabi be nteŋ maŋ fo kumo peya so. Ebɔrɛ be kudɔbi na to malɛ be kedibi kikɛ be kela maŋ fo kumo peya so.

Hoziya 14:7

Menyeeŋ luri ma kayul to n nya kekuŋ. Menyeeŋ purge afantaŋ nseŋ sɔr asɔrso fanɛ ndibi sɔrso na. Menyi alɛ be ketre beeŋ dii fanɛ Lebanɔn be nsa.

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Matiu 28:3

Mo kikɛ so daŋ baa nyɛkpɛ nna fanɛ bɔrɛ ka bee nyɛkpɛ na nɛ mbe asɔbuuso malɛ fuli to parrbi fanɛ ateebi.

Ashuŋ Shunso 2:28

Fo ŋini ma ekpaana nɛ meeŋ bɔla so n nya Ebɔrɛ be ŋkpa. Fo alɛ ka wɔ ma kutɔ so, ma kagbene fuli ma ga.’

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Demujipoana 13:6

Ndoŋ nna nɛ kache na yɔ mo kul kutɔ n ya kaŋɛ mo le: “Ebɔrɛ be esa ko ba ma kutɔ nna. E duli Ebɔrɛ be malaika nna nɛ mbe asheŋ bee keta ma kufu. N daa maŋ bishi mo kakpa nɛ e shi, mo alɛ daa maŋ kaŋɛ ma mbe ketre.