Sɔlɔmɔn 5:14 - EBƆRƐ BE KAWƆL

¹⁴ Mbe mbre pɔl nɛnɛ nna fanɛ eshuwadibi na, nɛ e wɔtɔ enɔ to be mpinibi lela. Mbe eyur walɛ nna fanɛ b ka lɔŋɛ jebote be kinyi so nɛ k bee nyɛkpɛ nɛ b ta abitasɔ nɛ baa tre safai na n ji kumo kebita na.

Sɔlɔmɔn 5:14 ပူးပေါင်းရင်းမြစ်များ

Job be kawɔl 28:16

Kanyiasheŋ be yawu du kpakpa a chɔ ajembu lela ŋko shuwa nɛ e maŋ kɔ eyurpi be yawu.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Ɛksodɔs 15:6

O, Enyɛnpe Ebɔrɛ, fo enɔ jisa so nɛ kumo be eleŋ kɔ kufu ga na nɛ fo ta m buri fo doŋana to cheche.

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Ɛksodɔs 28:18

Gbaŋ nyɔsopo na malɛ be ajembu e baa la ɛmeraldi nɛ safaya nɛ daimɔnd na.

Ɛksodɔs 28:20

Nɛ gbaŋ nasopo malɛ be ajembu e baa la amo nɛ baa tre berɛl nɛ kameliya nɛ jaspa na. Kumo be kaman nɛ men ta shuwa n lɔŋɛ mpinibi nseŋ nyisi n nyisi ajembu na n wɔtɔ amo to.

Ɛksodɔs 39:13

Nɛ gbaŋ nasopo malɛ be ajembu daa la krisolit nɛ ɔniks nɛ jaspa na. B daŋ ta shuwa nna n lɔŋɛ mpinibi kuduanyɔ nseŋ yisi n yisi ajembu na n wɔtɔ amo to.

Sɔlɔmɔn 7:2

Fo kejapulo du kulkulbi nna fanɛ kawulunchu nɛ nsa maa paŋ kumo to kikɛ na. Nɛ fo eyur walɛ nsaa du shirembi fanɛ ketɛmbɔ nɛ b lɔŋɛ so ŋ kreto n yili nɛ atoto nɛ baa tre lili na kulti kumo.

Aizaaya 52:13

Ade kikɛ be kaman, nɛ Enyɛnpe Ebɔrɛ kaŋɛ le: “Asheŋ beeŋ nite nɛnɛ n sa ma kenya ashi kusɔ kama nɛ e bee wora to. Mo alɛ beeŋ nya kemaŋkuragboŋ nɛ basa e kpaŋ mo ga.

Aizaaya 54:11

Enyɛnpe Ebɔrɛ na yɛ: “O Jerusalɛm be kadegboŋ nɛ fee ji awurfoŋ nsaa maa kɔ echɛtopo, nɛ esa nɛ e bee lolo fo; meeŋ ta yawu kpakpaso be ajembu lela n tɔl fo gbaltɔlase.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Ezikɛl 1:16

Aya kulkulso ana na kikɛ daŋ duli abar nna nsaa kpa edɛ fanɛ yawu kpakpaso be ajembu nyɛkpɛso na, nɛ amo be kekama malɛ kɔ keya kulkulso nyɔsopo nɛ k kilgi n larga to ashi kumo be nferinto,

Danɛl 10:6

Mbe eyur daŋ baa kpa edɛ nna fanɛ digi, nɛ mbe anishiakpa malɛ fuli parr fanɛ bɔrɛ ka nyɛkpɛ na. Mbe anishi malɛ daa du nna fanɛ edɛ be adondulombi. Mbe enɔ nɛ mbe aya daa kpa edɛ nna fanɛ b ka fɔr danyaŋ so na, nɛ mbe ebɔl malɛ du fanɛ jimaŋ damta ka bee cha awɔr na.