Sɔlɔmɔn 5:1 - EBƆRƐ BE KAWƆL

¹ M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Sɔlɔmɔn 5:1 ပူးပေါင်းရင်းမြစ်များ

Jɛnesis 37:25

Kumo be kaman nɛ b ya chena nɛ b ji ajibi nseŋ wu Ishmaɛlebi be eyawujipoana ko ka shi Giliad a yɔ Ijipt. Eyawujipoana na be enyɔma daŋ sulɔ tulale nɛ duwu nɛ asɔ warabi damta nna.

Nshɛ 147:11

Basa nɛ baa bunyaŋ mo nɛ bumo nɛ bumo be yirda wɔ mbe kasha nɛ k maa chɛrga na so be asheŋ e naa par mo nsaa fuli mbe kagbene.

Nshɛ 16:3

Enyɛnpe Ebɔrɛ fo basa la basa cheembi nna. Ma kagbene beeŋ fuli ma ga fanɛ n ti bumo so.

Aŋasa 24:13

M pibi, baa ji mushoŋ ŋkpal manɛ so mushoŋ walɛ. Kananɛ mushoŋ wɔ ebel kudonduloŋ so na,

Aŋasa 9:5

“Men ba ji ma ajibi nseŋ nu nsa belbelso nɛ n wora n yili na.

Kaŋinichiŋgeliŋ 2:5

N daŋ wora kambɔl nna n duu ndibi nɛ e bee sa kayul nɛ basa e baa chena to a wushi ashi ma kelɔnɛ so nseŋ duu ndibisɔrso be yiri yiri n wɔtɔ kumo to.

Sɔlɔmɔn 1:13

N jipo, fo du fanɛ tulale nna ashi ma anyipo be nfɛato.

Sɔlɔmɔn 4:16

Shin nɛ afu e ta ma kudɔbi na to be efɛa n ya ber ŋ jipo, nɛ n jipo e ba luri kumo to n daŋ kumo be asɔrso lela na ŋ keni.

Sɔlɔmɔn 4:8

Ma kejafɔ, shin nɛ an lar Lebanɔn. An lar Lebanɔn be abeegboŋ nɛ baa tre Amana, nɛ Senir nɛ Hɛɛmɔn na to, Amo be alaŋ to nɛ ebuluŋ nɛ ebuful bee di na.

Sɔlɔmɔn 6:11

N daŋ n yɔ ndibisɔrso be kudɔbi to nna nɛ n ya keni fanɛ afeelebi nɛ a bee sɔr asɔrso nɛ baa tre greeps na, nɛ amo nɛ baa tre pomegranates na, teŋ fara a wora atoto a?

Sɔlɔmɔn 6:2

N jipo yɔ mbe kudɔbi nɛ kumo to be ndibi be afantaŋ kɔ efɛa belbelso na to nna. E ya kaa sa mbe mbolpɔ ajibi nna, nsaa chala mbe atoto nɛ baa tre lili na.

Sɔlɔmɔn 8:1

Fo daa la n siponyɛn nɛ ma nɛ fo nyipo kenyipo koŋwule nna; n daa beeŋ tiŋ m pipe fo kɔnɔ kasha so kaplɛkama; nɛ esa kikɛ maaŋ tiŋ m bugi kɔnɔ.

Sɔlɔmɔn 8:13

Fo nɛ fo teriana wɔ kudɔbi to nna a ber bare, shin nɛ ma alɛ gba e nu fo ebɔl.

Aizaaya 23:18

ama asɔ kama nɛ e beeŋ nya na be kekama maaŋ nya n yili kadegboŋ na to. Amansherbi na beeŋ baa la Enyɛnpe Ebɔrɛ na peya nɛ bekama nɛ baa shuŋ mo na e ta amo n tɔ ajibi damta nɛ asɔbuuso lela nɛ baa sha.

Aizaaya 5:1

Men kaŋ asoe n nu kashɛ nɛ mee shin nɛ m boŋ n sa menyi ere. K la n teri ko nɛ mbe ndibi sɔrso be kudɔ be asheŋ be kashɛ nna. N teri na daa kɔ ndibi sɔrso be kudɔ nɛ k daa wɔ kepreŋsawule nɛ k bee wora asɔ nɛnɛ so nna.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Aizaaya 66:14

Men kaŋ wu le ka bee wora, menyi be ŋgbene beeŋ fuli menyi nɛ men nya eleŋ nɛ alenfia. Aloŋ nɛ menyeeŋ pin fanɛ ma, Enyɛnpe Ebɔrɛ na bee chɛ basa nɛ baa wora ma kasonu na to nna; ma alɛ nsaa shin nɛ ma agbo bee ba n doŋana so.”

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Luuk 12:4

N teriana, mee kaŋɛ menyi nna na fanɛ men sa maa ŋana basa nɛ baaŋ tiŋ m mɔ menyi be eyur ere ŋkaa maaŋ naŋ tiŋ n wora menyi shɛŋ.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Ashuŋ Shunso 11:29

Ndoŋ nna nɛ bebɛsopoana na kikɛ wora kɔnɔkoŋwule fanɛ bumo be ekama e bar amansherbi kanaŋkamaso nɛ e beeŋ tiŋ nɛ b ta n ya sa bekurgepoana nɛ b daa wɔ Judiya na.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.

Demujipoana 14:11

Filisti be basa na ka wu kananɛ Samsɔn du na nɛ b shin nɛ mbrantiɛfɔlbi adesa ya ka wɔ mo kutɔ kejigboŋ na to.

Demujipoana 14:20

Nɛ b ta Samsɔn be eche na n sa esa nɛ e daa la Samsɔn mo teri kejafɔ na to na nɛ e ki mbe eche.